imurign 19:9 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

⁹ hati ṣfant‑tksaḍ n‑sidi rbbi, yan ġ‑llant ra‑ibidd idum. hati zgant lḥkamat n‑sidi rbbi, ar‑bdda‑ssrṣant lḥqq.

imurign 19:9 Iomraidhean Croise

isizwur 22:12

yini‑as‑d: «ad‑ur‑n‑tgt afus s‑uḥšmi ula tskrt‑as kra. ssnġ ġilad is‑a‑yyi‑ttuqqart bahra, ašku ur‑flla‑tḥḍit yuk lli‑dark‑igan yan.»

isizwur 42:18

wis kraḍ‑uwssan yini‑asn yusf: «skrat mayad tddrm, ašku ar‑tuqqarġ rbbi.

1 igldan 18:12

ad‑ukan‑dik‑ngaraġ, ra‑k‑yasi rruḥ n‑sidi rbbi s‑kra n‑mani lli‑ur‑ssinġ. iġ‑ddiġ iniġ‑t i‑aḥab yašk‑id ur‑k‑id‑yufi, s‑iyi‑inġa a‑sidi, wah̬h̬a da‑tuqqarġ rbbi da‑illan zġ‑lliġ mẓẓiġ.

naḥamyah 5:15

kkan‑ttin lḥukkam lli‑yyi‑d‑izwurn ar‑bahra‑ẓẓuẓayn f‑mddn, ar‑zġ‑gisn‑tamẓn kkuẓ id‑mraw (40) n‑uqarid n‑nnʷqrt i‑wass, gan win tirmt d‑tissi. ula ih̬ddamn‑nsn ar‑tɛddan f‑mddn. imma nkki ur‑jji‑skirġ ġmkan, ašku ar‑bahra‑tuqqarġ rbbi.

imurign 111:10

tiksaḍ n‑walli bdda illan ar‑tawint s‑tḥkimt, d‑wanna‑t‑ituqqarn a‑rad‑dar‑tigat‑tfhimt. ad‑as‑yili lḥmd kullu mayd iftan.

imurign 119:1

imbarkiyn ad‑gan willi ifttun ġ‑uġaras inmn, ar‑bdda‑skarn s‑ulmmud n‑sidi rbbi.

imurign 119:7

rad‑lmdġ lḥkamat‑nk alġġ‑k s‑uwl iṣfan.

imurign 12:7

wa sidi rbbi gabl‑aġ ġ‑laman, tssntlt‑aġ bdda zġ‑tasut‑ad yʷh̬šnn.

išaɛyah 26:8

ar‑nfttu ġ‑uġaras n‑tnbaḍin‑nk a‑sidi rbbi, nrju‑n gik. ur‑nri abla a‑k‑nissan kiyi, nswangm‑d ma‑tskrt.

išaɛyah 45:19

ur‑sawlġ ġ‑tntla ula ġ‑mani illasn. ur‑nniġ i‑wamud n‑yaɛqub: ‹siggilat‑iyi ġ‑mani ih̬wan.› nkki rbbi da‑illan ar‑sawalġ s‑lḥqq, ar‑ttiniġ maylli igan ṣṣaḥt.

tinbaḍin 4:8

is‑illa kra n‑uqbil ihiyya ġmka, iṭṭaf tinbaḍin d‑lḥkamat ṣlaḥnin zund almmud lli‑rad‑awn‑fkġ ġassad?

1 ṣamwil 12:24

ġir a‑ttuqqarm sidi rbbi, ar‑ti‑ttqasam s‑nniyt izgan d‑uwl iṣfan. swangmat‑d lɛjayb mqqurnin lli‑awn‑iskr.