imurign 130:4 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

⁴ imma kiyi ar‑aġ‑ttṣamaḥt baš a‑stt‑bahra‑gik‑ntawi.

imurign 130:4 Iomraidhean Croise

2 ṣamwil 12:13

yini dawd i‑natan: «ʷh̬šnġ nkki s‑sidi rbbi.» yini‑as natan: «sidi rbbi issmatti fllak lh̬ʷšant lli‑tskrt, ur‑ra‑tmmtt.

imurign 25:11

f‑ssibt n‑ism‑nk a‑rbbi da‑bdda‑illan, a‑f‑ḍalbġ a‑yyi‑tṣamḥt, ašku iggut lɛib‑inu.

imurign 86:5

wa rbbi‑nu, tgit wad ifulkin ar‑ttṣamaḥt, tigat dark lḥnant izgan i‑wanna‑yk‑yaqran.

išaɛyah 1:18

inna‑yawn rbbi da‑bdda‑illan: «aškayt‑d a‑nmšawar i‑ngratnġ. wah̬h̬a bahra zggʷaġn ddnub‑nun, ra‑tgm umliln zund adfl. wah̬h̬a tġʷmam s‑uzggʷaġ, ra‑tṣfum zund taḍut.

išaɛyah 55:7

wanna yʷh̬šnn, illa fllas a‑ingara d‑uġaras‑ns, ula bu‑lbaḍl a‑ibddl iswingimn‑ns. ih̬ṣṣa‑tn ad‑grawln s‑sidi rbbi baš a‑tn‑irḥm, wrrin‑d s‑rbbi‑nġ, ašku yujad ad‑asn‑iṣamḥ f‑kullu ġaylli skrn.

irmiyah 31:34

ur‑sul‑ra‑itnṣaḥ kud yan adjar‑ns, ula da‑ittini i‑gʷmas: ‹illa fllak a‑tissant sidi rbbi›, ašku ra‑yyi‑kullu‑issann, zġ‑wad imẓẓin ar wad imqqurn. hati rad‑asn‑ṣamḥġ f‑lɛyub‑nsn, ur‑sul‑ra‑di‑kttiġ iskkirn‑nsn ʷh̬šnnin. inna‑t rbbi da‑bdda‑illan.

danyal 9:9

wa rbbi siditnġ, kiyi a‑igan wad itrḥamn itṣamaḥn, wah̬h̬a‑k‑nɛṣa nkkʷni.

hušaɛ 3:5

tigira n‑mayan rad‑d‑wrrin ar‑siggiln s‑rbbi da‑bdda‑illan ig rbbi‑nsn. rad‑siggiln ula s‑yus n‑dawd a‑ig agllid‑nsn. s‑trgagayt a‑s‑rad‑d‑akmurn s‑rbbi da‑illan, ar‑siggiln s‑ifulkitn‑ns ġ‑uwssan ggʷranin.