imurign 126:5 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

⁵ ġwilli ffuġnin luḥn‑in amud s‑imṭṭawn, ntni a‑ra‑imgr s‑tallġatin n‑lfrḥ.

imurign 126:5 Iomraidhean Croise

išaɛyah 35:10

ašku rad‑d‑wrrin willi‑d‑ifra sidi rbbi, aškin‑d s‑ṣiyun ar‑ttirirn. rad‑asn‑yili lfrḥ ur‑sar‑itmmin. isaɛdiyn d‑imbarkiyn a‑rad‑gn, trwl‑zġ‑gisn‑tndra ula taguḍi.

yuwil 2:17

ad‑nkrn imsakmurn lli‑ganin ih̬ddamn n‑sidi rbbi, f‑ad‑biddn ġ‑tgmmi n‑rbbi ġ‑gr‑uġgʷmmi d‑tisi n‑tġrṣi, ar‑kullu‑allan ar‑aqran: «wa sidi rbbi, ḥnnu ġ‑mddn‑nk. ad‑ur‑tadjt ayt‑tmizar ad‑ḍṣṣan ġ‑mayd igan wink, ula da‑srnġ‑kkatn awal. ad‑ur‑tadjt iqbiln n‑ddunit a‑ttinin ‹manza rbbi‑nsn?› »

yuwil 2:23

«frḥayt ay‑ayt‑ṣiyun, tfjjijm s‑sidi rbbi lli‑igan rbbi‑nun. ašku irḍa fllawn s‑unẓar amzwaru, iffi fllawn inẓritn, amzwaru ula amggʷaru zund ġayd izrin.