imurign 12:6 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

⁶ iwaliwn n‑sidi rbbi iwaliwn ṣfanin ad‑gan, zund nnʷqrt ġ‑uruku f‑iggi n‑takat, tṣfu s‑ssa n‑twal.

imurign 12:6 Iomraidhean Croise

imurign 19:8

hati ġʷẓannt‑tnbaḍin n‑sidi rbbi, ar‑bdda‑ssfraḥnt tasa‑nġ. hati ġusnt luṣiyat n‑sidi rbbi, ar‑bdda‑tisfiwnt i‑walln‑nġ.

imurign 66:10

wa rbbi, hati turmt‑aġ, tṣṣfut‑aġ zund nnʷqrt.

ufuġ 3:7

yini‑as sidi rbbi: «ha‑yyi ẓriġ tadallit išqan lli‑ġ‑llan mddn‑inu ġ‑miṣr, sfldġ‑asn ar‑ssmummuyn s‑willi‑tn‑dḥḥinin, ssnġ takrrayt iggutn lli‑ġ‑llan.

ufuġ 3:8

gguzġ‑d ġilad a‑tn‑fukkuġ zġ‑ifassn n‑ayt‑miṣr, ssawnġ‑tn zġ‑wakal‑an, awiġ‑tn s‑yat‑tmazirt yusɛan ifulkin, ingi‑gis‑ugʷfay d‑tammnt. iga‑t‑wakal n‑ayt‑kanɛan d‑ayt‑ḥit d‑ayt‑amur d‑ayt‑fariz d‑ayt‑ḥiwi d‑ayt‑yabus.

ufuġ 6:1

isawl‑d sidi rbbi ġakudan s‑musa yini: «ra‑tẓrt ġilad ma‑rad‑skrġ i‑firɛawn. ašku s‑ufus itjhhdn a‑s‑ra‑t‑rarġ a‑issufġ mddn‑ad, d‑ufus itjhhdn a‑s‑rad‑tn‑iṭṭay zġ‑tmazirt‑ns.»

imrwasn 30:5

kraygatt awal n‑rbbi, hati yʷġẓan. ra‑ig rbbi antal i‑willi gis zawgnin.