imurign 119:4 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

⁴ tmlit‑aġ iwaliwn‑nk baš a‑bdda‑srsn‑nskar.

imurign 119:4 Iomraidhean Croise

ufuġ 7:6

iskr musa d‑harun maylli‑f‑tn‑yuṣṣa, skrn kullu s‑wawal n‑sidi rbbi.

tinbaḍin 30:16

iġ‑a‑tskarm s‑luṣiyat n‑rbbi siditun lli‑f‑kʷn‑uṣṣaġ ġassad, d‑iġ‑a‑ttirim rbbi siditun ar‑bdda‑ttmunum d‑iġarasn‑ns, ar‑tti‑ttawim ġ‑luṣiyat‑ns d‑tnbaḍin‑ns d‑lḥkamat‑ns, hati ra‑tddrm ar‑ttigatm, ibark‑kʷn rbbi siditun ġ‑wakal lli‑s‑ra‑tkšmm a‑ti‑teṭṭafm.

tinbaḍin 4:1

«ġilad ay‑ayt‑israyil, sfldat s‑tnbaḍin ula lḥkamat lli‑rad‑awn‑sslmdġ, tzaydm ar‑srsnti‑tskarm. ġmkad a‑s‑ra‑tddrm, tkšmm teṭṭafm akal lli‑awn‑ifka rbbi da‑bdda‑illan ig rbbi n‑id‑babatun.

tinbaḍin 4:9

«walaynni rarat lɛaql ad‑bdda‑tgablm ul‑nun kullu ussan n‑tudrt‑nun, a‑ur‑imil tettum tiġawsiwin lli‑ẓrant‑walln‑nun, fiḍnt zġ‑lɛaql‑nun. zaydat ar‑tnti‑taddrm i‑tarwa‑nun d‑tarwa n‑tarwa‑nun.»

tinbaḍin 6:17

awyat‑stt bdda ġ‑luṣiyat n‑rbbi siditun, ar‑tzzgam tuggʷa‑ns d‑tnbaḍin‑ns lli‑f‑kʷn‑yuṣṣa.

tinbaḍin 6:3

sfldat ay‑ayt‑israyil trarm lɛaql ad‑bdda‑srsnti‑tskarm, baš a‑tilim ġ‑lh̬ir, tigatm bahra ġ‑wakal lli‑ġ‑ingi‑ugʷfay d‑tammnt, ġmklli‑s‑awn‑iqawl rbbi da‑illan ig rbbi n‑id‑babatun.

yahušuɛ 1:7

ġir g‑n tiqqi tzɛmt bahra, trart lɛaql a‑tskart s‑ulmmud kullut lli‑f‑k‑yuṣṣa‑uh̬ddam‑inu musa. ad‑as‑ur‑tanft la s‑ufasi ula s‑uẓlmaḍ, f‑a‑tnjḥt ġ‑innas tddit.