imurign 103:8 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

⁸ sidi rbbi ar‑itḥnnu ar‑itrḥam, yigat dars ṣṣbr ula tayri izgan.

imurign 103:8 Iomraidhean Croise

naḥamyah 9:17

agʷin a‑srk‑sflidn. ur‑a‑swingimn ġ‑lɛjayb lli‑tskrt ġ‑wammas‑nsn. ssiqarn ul‑nsn, irin ad‑ẓlin yan ma‑ysn‑izggurun ad‑wrrin s‑tsmugit ġ‑miṣr. walaynni kiyi tgit rbbi da‑itṣamaḥn, tgt wad itḥnnun ar‑ttrḥamt. ur‑a‑tzrabt a‑tġḍbt, tigat dark tayri izgan. ur‑tn‑akkʷ‑tfilt.

imurign 130:7

way‑ayt‑israyil gayt‑n rrja ġ‑sidi rbbi. iga wad dar tggut lḥnant izgan.

imurign 145:8

sidi rbbi iga wad itḥnnun ar‑itrḥam. ur‑a‑izrab a‑iġḍb, tigat dars tayri izgan.

imurign 86:15

imma kiyi a‑rbbi‑nu, hati tgit wad itḥnnun ar‑itrḥam, ur‑a‑tzrabt a‑tġḍbt, tigat dark lḥnant izgan ula tayri idumn.

imurign 86:5

wa rbbi‑nu, tgit wad ifulkin ar‑ttṣamaḥt, tigat dark lḥnant izgan i‑wanna‑yk‑yaqran.

išaɛyah 55:7

wanna yʷh̬šnn, illa fllas a‑ingara d‑uġaras‑ns, ula bu‑lbaḍl a‑ibddl iswingimn‑ns. ih̬ṣṣa‑tn ad‑grawln s‑sidi rbbi baš a‑tn‑irḥm, wrrin‑d s‑rbbi‑nġ, ašku yujad ad‑asn‑iṣamḥ f‑kullu ġaylli skrn.

irmiyah 32:18

ar‑di‑tssbayyant lḥnant‑nk izgan i‑wafḍan n‑mddn, walaynni ar‑ttrarat i‑tarwa f‑lɛib lli‑skrn lajdud‑nsn. wa rbbi imqqurn itjhhdn, ism‑nk iga rbbi n‑lmlayka da‑bdda‑illan.

yuwil 2:13

bbyayt ulawn‑nun urd timlsa‑nun.» nkrayt twrrim‑d s‑rbbi da‑bdda‑illan ig rbbi‑nun. ašku iga wad iḥnnan ar‑itrḥam. ur‑a‑izrab a‑iġḍb, tigat dars tayri izgan. yujad a‑iṣamḥ i‑wanna‑f‑tlla tagat.

yunah 4:2

iẓẓall i‑sidi rbbi yini: «wa sidi rbbi, is‑urd ġayan a‑s‑nniġ lliġ sul lliġ ġ‑tmazirt‑inu, ur‑ta‑ffuġ ad‑rwlġ s‑taršiš, ašku ssnġ is‑tgit rbbi iḥnnan ar‑ttrḥamt, ur‑a‑tzrabt a‑tġḍbt, tigat dark tayri izgan, ar‑di‑ttwrrit zġ‑tagat nna‑tqṣadt.

naḥum 1:3

walli bdda illan ur‑a‑izrab a‑iġḍb, walaynni iga wad iquwwan, d‑ur‑ra‑yadj ayt‑lh̬ʷšant bla lɛqubit. han da‑d‑ittaški ġ‑ijawan ula timziwit, gn imdla n‑ignwan zund agdrur ġ‑ddu iḍarn‑ns.

tasutin 14:18

‹rbbi da‑bdda‑illan, iga wad ur‑izrabn a‑iġḍb, tigat dars tayri izgan, ar‑itṣamaḥ i‑willi ʷh̬šnnin ula willi jlanin, walaynni ur‑ra‑tn‑yadj bla lɛqubit. ar‑itrara f‑lh̬ʷšant n‑lajdud i‑tarwa‑nsn ula tarwa n‑tarwa‑nsn, ar tis kraṭṭ ula tis kkuẓṭ tasutin.›

tinbaḍin 5:10

walaynni ar‑ssafawġ lḥnant‑inu izgan i‑wafḍan n‑willi‑yyi‑ittirin ar‑tti‑tawin ġ‑luṣiyat‑inu.