iḥazqyal 5:5 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

⁵ «ha ma‑inna rbbi siditun da‑bdda‑illan: ġmkad a‑tga urušalim. giġ‑tt ġ‑wammas n‑iqbiln n‑ddunit, sutlnt‑as‑tmizar.

iḥazqyal 5:5 Iomraidhean Croise

ismummʷin 1:1

hatti ġilad th̬wa‑tmdint lli‑sttin‑ikkan tɛmmr s‑mddn. h̬talli ihiyyan ġ‑tmdinin n‑ddunit, hatti ġilad twrri tga tahjjalt. h̬talli igan tagllidt f‑tmizar, hatti ġilad twrri tga tismgt.

iḥazqyal 4:1

«wa kiyi a‑yus n‑bnadm, asi‑d talluḥt n‑idqqi, tsrst‑stt ġ‑lgddam‑nk, tnqšt gis yat‑tmdint, a‑stt‑igan d‑tmdint n‑urušalim.

iḥazqyal 5:4

tasit‑d ilmma imikk zġ‑mayan, tluḥt‑t‑in ġ‑lɛafiyt a‑ijdr. ašku ra‑tznd lɛafiyt ġin, ard tjdr kullu ayt‑israyil.

mih̬ah 5:7

han ġwilli iqaman ddrn ġ‑ayt‑yaɛqub, rad‑gn ġakudan zund tiġli n‑sidi rbbi ġ‑wammas n‑iqbiln ggutnin. gn zund anẓar lli‑iṭarn f‑tuga, ur‑a‑itql s‑bnadm ula da‑itmaṭal f‑tarwa n‑bnadm.

tinbaḍin 4:6

awyat‑stt bdda gisn ar‑srsn‑tskarm. ġmkan a‑s‑rad‑ẓrn ayt‑tmizar yaḍni is‑darun lɛaql ula tafhimt. ġakud nna‑sfldn i‑tnbaḍin‑ad, ra‑ttinin: ‹s‑ṣṣaḥt ayt‑lɛaql ula tafhimt a‑iga‑uqbil‑ad ihiyyan.›

tinbaḍin 8:20

zund iqbiln lli‑ifna sidi rbbi ġ‑lgddam‑nun, ġmkan a‑ra‑kʷn‑ifnu ula kunni, ašku ur‑tti‑tiwim ġ‑wawal n‑rbbi siditun.»