iḥazqyal 5:2 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

² lliġ kmmln‑uwssan lli‑ġ‑tglit tamdint, tjdrt yat gisnt ġ‑lɛafiyt ġ‑wammas n‑tmdint [n‑idqqi]. tasit ilmma tis snat, ar‑tti‑tkkat s‑tuzzalt ġ‑kullu tisgiw n‑tmdint. tawit ilmma tis kraṭṭ, tzuzzrt‑stt i‑waḍu. ašku ra‑tn‑ṭṭayġ s‑tuzzalt.

iḥazqyal 5:2 Iomraidhean Croise

irmiyah 15:2

iġ‑k‑sqsan: ‹manis ra‑nddu?› tinit‑asn: ‹ha ma‑inna rbbi da‑illan. willi mi illa‑waṭṭan, rad‑ddun s‑waṭṭan. willi mi‑illa ssif, rad‑ddun s‑ssif. willi mi‑illa‑uġʷni, rad‑ddun s‑uġʷni. willi mi‑illa‑uskrf, rad‑ddun s‑uskrf.› »

irmiyah 38:2

«ha ma‑inna rbbi da‑illan. wanna iqaman ġ‑tmdint‑ad, ra‑immt s‑uwzzal d‑uġʷni d‑waṭṭan. imma wanna iffuġn s‑dar ayt‑kaldan, ra‑iqama iddr, ra‑sul‑iṭṭaf tudrt‑ns.

irmiyah 39:1

asggʷas wis ṭẓa ġ‑tgldit n‑ṣidqiyah agllid n‑yahuda, ġ‑wayyur wis mraw, a‑d‑iffuġ nabuh̬adnaṣr agllid n‑babil d‑lɛskr‑ns, lkmn‑d urušalim glin‑tt.

irmiyah 39:2

asggʷas wis yan d‑mraw ġ‑tgldit n‑ṣidqiyah, ġ‑wayyur wis kkuẓ, ġ‑wass wis tẓa, ad‑ssḍrn agadir n‑tmdint.

iḥazqyal 5:10

ra‑tddum ard a‑tšttam tarwa‑nun, ššn tarwa willi‑tn‑yurun ġ‑tmdint‑an. ra‑kʷn‑kkatġ s‑lḥkamat, d‑aynna‑giwn‑iqaman, ra‑tn‑zuzzrġ s‑waḍu lli‑itawin s‑kraygatt tasga.

iḥazqyal 5:12

ra‑kʷn‑bḍuġ f‑kraṭṭ‑twal. yat gisnt ra‑tmmt s‑waṭṭan d‑uġʷni ġ‑wammas‑nun. tis snat ra‑tmmt s‑tuzzalt ġ‑kullu tisgiw n‑tmdint. tis kraṭṭ ra‑stt‑zuzzrġ s‑waḍu lli‑itawin s‑kraygatt tasga. ašku ra‑tn‑ṭṭayġ s‑tuzzalt.»

iḥazqyal 5:3

tasit‑d ilmma kra n‑wazzar idrusn, tkrst‑t ġ‑uḥbiš n‑tmlsit‑nk.