iḥazqyal 3:11 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

¹¹ nkr ġilad tddut dar imsukfn n‑ayt‑tmazirt‑nk, tsawlt srsn iġ‑ran ad‑sfldn ula iġ‑ur‑rin ad‑sfldn, tinit‑asn: ‹ha ma‑inna sidi rbbi da‑bdda‑illan.› »

iḥazqyal 3:11 Iomraidhean Croise

ufuġ 32:7

yini sidi rbbi ġakudan i‑musa: «zayd ġilad tgguzt, ašku mddn‑nk lli‑di‑tssiwnt zġ‑wakal n‑miṣr, hatnin ssndsn ih̬fawn‑nsn.

iḥazqyal 2:4

tasut‑ad mi‑iqqur‑uwl, ur‑a‑ys‑itḥšam‑uwdm. ntni a‑s‑ra‑k‑aznġ tinit‑asn: ‹ha ma inna sidi rbbi da‑bdda‑illan.›

iḥazqyal 2:5

iġ‑srk‑sfldn ula iġ‑ur‑srk‑sfldn, rad‑issann imɛṣan‑an is‑d‑darsn‑ikka yan nnabi.

iḥazqyal 2:7

iqqan‑k‑id ad‑asn‑tsslkmt iwaliwn‑inu, iġ‑ran a‑srsn‑sfldn ula iġ‑ur‑rin a‑srsn‑sfldn, ašku imɛṣan ad‑gan.

iḥazqyal 3:10

izayd yini‑yyi: «wa yus n‑bnadm, rar lɛaql s‑kullu iwaliwn lli‑rad‑ak‑iniġ, tḥḍut‑tn ġ‑uwl‑nk.

iḥazqyal 3:12

yawi‑yyi rruḥ, s‑sfldġ i‑ijjij iggutn ġ‑tġurdin‑inu zund iġ‑immussa‑wakal s‑jjhd, yini: «ambarki a‑iga sidi rbbi ġ‑tattuyt.»

iḥazqyal 3:15

aškiġ‑d s‑dar imsukfn lli‑izdġn ġ‑uduwwar n‑talabib ġ‑tama n‑trga n‑kbar. skiwsġ ġ‑illiġ a‑tskiwisn, d‑nkki duhdiġ ġ‑gratsn ssa n‑uwssan.

iḥazqyal 3:27

walaynni tizi nna‑d‑srk‑sawlġ, rad‑rẓmġ imi‑nk tinit‑asn: ‹ha ma‑inna rbbi da‑bdda‑illan.› wanna iran a‑isfld isfld. wanna yagʷin yagʷi‑t. ašku imɛṣan ad‑gan.»

iḥazqyal 33:2

«wa yus n‑bnadm, sawl s‑ayt‑tmazirt‑nk tinit‑asn: ‹ma‑ra‑yili iġ‑uznġ ayt‑uwzzal ad‑utn kra n‑tmazirt, nkrn imzdġn n‑tmazirt‑an stin yan zġ‑gratsn a‑ig aḍaf‑nsn,

iḥazqyal 37:18

iġ‑ak‑sqsan mddn‑nk: ‹is‑ur‑rad‑aġ‑tmlt ma‑tɛnit s‑mayad?›

danyal 12:1

[yuška‑d yan lmalak s‑danyal isawl‑as f‑uwssan ggʷranin yini:] «ġ‑uwssan‑an ra‑inkr mih̬ayil lmalak ihiyyan lli‑itbiddadn d‑mddn‑nk. ra‑tili‑tnukmut išqan ġ‑uwssan‑an, ur‑jji‑tlli zund nttat zġ‑isizwur n‑tmazirt ar ġakudan. ġ‑uwssan‑an a‑ġ‑rad‑njmn mddn‑nk, kullu winna‑mi‑n‑ityafa ism‑nsn ġ‑warra.

danyal 6:13

zaydn ntni inin i‑ugllid: «han danyal lli‑igan yan zġ‑imsukfn n‑ayt‑yahuda, ur‑k‑igi d‑yat ay‑agllid, wala yiwi‑tt ġ‑warra lli‑tršmt. sul a‑ukan‑itḍalab rbbi‑ns kraṭṭ‑twal ġ‑wass.»