hušaɛ 4:1 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

¹ sfldayt i‑wawal n‑sidi rbbi ay‑ayt‑israyil. ašku iṣrḍ‑awn sidi rbbi s‑uṣraḍ išqan a‑imzdġn n‑tmazirt‑ad. han ur‑illi ma‑iskarn s‑tayri idumn ula lḥnant izgan ġ‑tmazirt‑ad. ur‑illi ma‑iran a‑yissan rbbi.

hušaɛ 4:1 Iomraidhean Croise

išaɛyah 1:10

sfldayt i‑wawal n‑rbbi da‑bdda‑illan, a‑imġarn‑ad lli‑igan zund win sadum. sfldayt i‑ulmmud n‑rbbi‑nġ, ay‑ayt‑tmdint‑ad lli‑igan zund ayt‑ɛamura.

išaɛyah 1:18

inna‑yawn rbbi da‑bdda‑illan: «aškayt‑d a‑nmšawar i‑ngratnġ. wah̬h̬a bahra zggʷaġn ddnub‑nun, ra‑tgm umliln zund adfl. wah̬h̬a tġʷmam s‑uzggʷaġ, ra‑tṣfum zund taḍut.

išaɛyah 5:3

ġilad a‑imzdġn n‑urušalim d‑ayt‑yahuda, ḥkamat ġ‑griyi d‑igr‑inu n‑waḍil.

išaɛyah 59:4

ur‑illi yan yakkan tuggʷa n‑ṣṣaḥt, wala illa yan iṣraḍn s‑ma‑yʷġẓann. ar‑bnnun f‑ttumla ih̬wan, ar‑tɛawadn s‑tkrkas. hatni ar‑rbbun s‑lḥilt, ar‑tarun h̬ziyt.

išaɛyah 59:8

imma aġaras n‑sslamt ur‑t‑akkʷ‑ssinn, d‑tġarasin n‑lḥqq ur‑jji‑tnt‑kkin. skrn i‑ih̬f‑nsn iġarasn lulliynin. wanna gisn ifttun, ur‑sar‑yufi sslamt.

irmiyah 11:7

ašku s‑lmɛqul a‑s‑ɛlmġ imzwura n‑mddn‑nun ġakud lliġ‑tn‑d‑ssiwnġ zġ‑tmazirt n‑miṣr, ar‑tn‑tɛlamġ sul s‑ġassad, ar‑tn‑tuṣṣaġ ad‑skarn s‑mad‑asn‑ttiniġ.

irmiyah 19:3

tinit‑asn: ‹sfldat i‑wawal n‑rbbi da‑illan a‑igldan n‑yahuda d‑imzdġn n‑urušalim. ġmkad a‑s‑inna sidi rbbi n‑lmlayka da‑igan rbbi n‑ayt‑israyil. ra‑n‑zzugzġ tammara išqan bahra f‑tmazirt‑ad ard a‑jjhijjiyn imzgan i‑kullu wanna fllas isfldn.

irmiyah 2:4

sfldat i‑wawal n‑sidi rbbi ay‑ayt‑yaɛqub, ula kunni kullukʷn ay‑ayt‑tqbilin n‑israyil.

irmiyah 2:9

ġayan a‑f‑a‑sul‑didun‑tmmaġġ, d‑ġmkan a‑rad‑sul‑mmaġġ d‑tasutin n‑tarwa‑nun. inna‑t rbbi da‑bdda‑illan.

ɛamus 3:1

sfldayt ay‑ayt‑israyil s‑wawal‑ad‑s‑kʷn‑d‑iẓi rbbi da‑bdda‑illan. yini‑t‑id i‑kullu aqbil lli‑d‑issiwn zġ‑wakal n‑miṣr:

mih̬ah 6:2

sfldayt a‑idrarn i‑uṣraḍ n‑rbbi da‑bdda‑illan, tsfldmt ula kunninti a‑tannalin dumnin ġ‑ddu‑wakal. ašku sidi rbbi illa dars kra f‑mddn‑ns, hati ra‑iṣrḍ i‑ayt‑israyil.