hušaɛ 3:5 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

⁵ tigira n‑mayan rad‑d‑wrrin ar‑siggiln s‑rbbi da‑bdda‑illan ig rbbi‑nsn. rad‑siggiln ula s‑yus n‑dawd a‑ig agllid‑nsn. s‑trgagayt a‑s‑rad‑d‑akmurn s‑rbbi da‑illan, ar‑siggiln s‑ifulkitn‑ns ġ‑uwssan ggʷranin.

hušaɛ 3:5 Iomraidhean Croise

1 igldan 12:16

mddn‑an n‑kullu tiqbilin n‑israyil, lliġ ẓran agllid ur‑srsn‑isfld, rarn ntni i‑ugllid: «mad‑aġ‑illan ġ‑wakal n‑dawd? man lwrt ra‑nṭṭaf ġ‑dar yus n‑yassa? wrryat s‑darun ay‑ayt‑israyil. awyat‑stt ġ‑ma‑igan winun ay‑ayt‑dawd.» akutn ayt‑israyil ġakudan, wrrin s‑darsn.

išaɛyah 2:2

ġ‑uwssan ggʷranin ra‑ibidd‑uwrir n‑tgmmi n‑sidi rbbi f‑uflla n‑kullu idrarn, ityattay f‑kraygatt awrir, ar‑d‑kullu‑srs‑fttun ayt‑tmizar n‑ddunit.

išaɛyah 2:3

aškin‑d iqbiln ggutnin ar‑ttinin: «nkrat a‑nawn s‑uwrir n‑rbbi da‑illan. ra‑nawn s‑tgmmi n‑rbbi n‑yaɛqub, baš ad‑aġ‑isslmad aġaras‑ns ar‑nskar s‑ma‑t‑irḍan.» ašku ra‑d‑iffuġ‑ulmmud zġ‑ṣiyun, iffuġ‑d‑wawal n‑sidi rbbi zġ‑urušalim.

išaɛyah 60:5

ra‑tn‑tẓrt tɛjbt bahra, ar‑ikkat‑uwl‑nm s‑lfrḥ. hati ssliɛt n‑imdwan aggugnin ra‑d‑gim‑tffi, d‑tmih̬ar n‑tmizar n‑ddunit rad‑d‑srm‑aškint.

irmiyah 23:5

inna sidi rbbi: «rad‑d‑aškin‑uwssan ġ‑rad‑d‑ssufġġ aṣṭṭa iṣlaḥn zġ‑ugȷ̈̇ȷ̈̇a n‑dawd. ra‑ig nttan agllid iḥkamn s‑lmɛqul, ar‑izzga lḥqq d‑ufulki lli‑s‑rḍiġ ġ‑wakal‑ad.

danyal 2:28

walaynni illa yan rbbi ġ‑ignna ar‑d‑issbayyan ma‑intln. hati imla‑yak‑d ay‑agllid nabuh̬adnaṣr ma‑ra‑ijru ġ‑uwssan ggʷranin. ġmkad a‑tga‑twargit ula tiwuẓra lli‑kkanin ih̬f‑nk lliġ tgnt ġ‑tisi.

hušaɛ 1:11

ayt‑yahuda d‑ayt‑israyil rad‑gn yan, skrn yan‑uriyas‑nsn, ar‑aqlayn zġ‑wakal. ass ihiyyan a‑ra‑ig‑wass‑an n‑izraɛil.»

hušaɛ 6:1

«aškat‑d a‑nwrri s‑sidi rbbi. hati irẓa‑yaġ baš a‑yġ‑ijjuji. yut‑aġ f‑a‑yġ‑d‑iqqn aggas.

tinbaḍin 4:30

ġ‑uwssan‑an ġ‑a‑tzraym ġ‑tnukmut, ijru‑awn kullu ġayan, ra‑di‑twrrim s‑rbbi siditun ar‑tsflidm s‑ma‑ittini.