hušaɛ 3:1 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

¹ yini‑yyi sidi rbbi: «zayd tis snat‑twal tḥubbut yat‑tmġart, tɛzza dar‑usmun‑ns tg tamggant. ḥubbu‑tt ġmklli iḥubba sidi rbbi ayt‑israyil, wah̬h̬a da‑ttidun ntni s‑id‑rbbi iġribn, ar‑darsn‑tšthun tummitin n‑zzbib.»

hušaɛ 3:1 Iomraidhean Croise

2 ṣamwil 6:19

ifk yat‑tngult n‑uġrum d‑yan ibri n‑tfiyi d‑yat tummit n‑zzbib i‑kud yan ġ‑irgazn d‑tmġarin n‑tamunt‑an n‑ayt‑israyil, ddun ilmma mddn, kraygatt yan s‑tgmmi‑ns.

naḥamyah 9:31

walaynni tgit wad bahra itrḥamn, ur‑tn‑tfnit ula tflt‑tn. ašku tgit rbbi da‑itḥnnun ar‑itrḥam.

ufuġ 32:6

nkrn‑d ilmma zikk ṣbaḥ, ssattuyn tiġrṣiw jdrnin, ssakmurn‑in tiwafkiw n‑sslamt. gawrn mddn ar‑šttan ar‑ssan, nkrn ilmma ar‑tfsadn.

išaɛyah 45:22

grawlat‑d sri tnjmm, ay‑ayt‑tmizar n‑ddunit kullutt. ašku nkkin a‑igan rbbi, ur‑illi wayyaḍ.

irmiyah 31:20

ijawb ġakudan walli bdda illan yini: «is‑ur‑igi afraym iwi iɛzzan? is‑ur‑igi azzan lli‑s‑frḥġ? ġakud nna‑ti‑tẓiġ, nttan iɛzza dari. ibbi ġ‑tasa‑nu. rrḥmt‑inu a‑s‑ra‑t‑rḥmġ.

hušaɛ 11:8

«mamnk a‑ra‑k‑in‑dḥiġ, ay‑afraym? mamnk a‑ra‑k‑in‑fkġ ġ‑ifassn‑nsn, a‑israyil? is‑ra‑k‑hlkġ ġmklli hlkġ tamdint n‑adama? is‑ra‑k‑h̬luġ ġmklli h̬ʷliġ tamdint n‑ṣabuyim? ul‑inu ur‑akkʷ‑iri ġmkan, ašku iɛmmr s‑lḥnant.

iriyasn 10:16

kksn ntni id‑rbbi iġribn zġ‑darsn ġakudan, wrrin ar‑tqasan rbbi da‑bdda‑illan. ula ntta iwrri ur‑sul‑iḥmil takrrayt lli‑illan f‑ayt‑israyil.