hušaɛ 1:10 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

¹⁰ walaynni rad‑sul‑igatn ayt‑israyil zund amlal n‑tama n‑umda lli‑mi‑ur‑iẓḍar yan a‑t‑iɛbbr ula iḥasb‑t. ġ‑illiġ‑asn‑nniġ ‹ur‑sul‑tgim mddn‑inu›, rad‑asn‑iniġ ‹tgam tarwa n‑rbbi iddrn›.

hušaɛ 1:10 Iomraidhean Croise

isizwur 13:16

rad‑ssigtġ amud‑nk zund tiẓratin n‑ugdrur ġ‑wakal. mra is‑illa yan iẓḍarn a‑iḥasb tiẓratin n‑ugdrur n‑wakal, ra‑yiẓḍar a‑iḥasb amud‑nk.

isizwur 22:17

ra‑k‑barkġ s‑lbaraka iggutn, ssigtġ amud‑nk zund itran n‑ignwan, ula zund amlal n‑tama n‑umda. ra‑inru‑wamud‑nk kullu inuwwašn‑ns.

isizwur 32:12

is‑ur‑iyi‑tnnit ‹ra‑gik‑skrġ afulki, ssigtġ amud‑nk zund amlal ġ‑tama n‑umda lli‑s‑ur‑iẓḍar yan a‑iḥasb tugtt‑ns›?»

išaɛyah 48:19

iwrri ig‑wamud‑nun zund amlal, igatn tarwa‑nun zund tiẓratin‑ns. ur‑sard ism‑nsn a‑ra‑ibbi, wala ittmḥa dari.»

išaɛyah 63:16

kiyi a‑igan babatnġ. wah̬h̬a ur‑aġ‑issin ibrahim, ula yukʷz‑aġ yaɛqub, kiyi a‑sidi rbbi ad‑bdda‑igan babatnġ, tgt walli‑aġ‑d‑itfukkun zġ‑zman.

išaɛyah 64:8

imma kiyi a‑sidi rbbi, sul tgit babatnġ. nkkʷni nga idqqi, tgt kiyi afh̬h̬ar, ng kullwaġ tawuri n‑ifassn‑nk.

išaɛyah 65:1

[yini sidi rbbi:] «ujadġ ġ‑uwssan‑an ad‑jawbġ i‑willi ur‑iyi‑iḍalbn, ssbayynġ ih̬f‑inu i‑willi ur‑sri‑isiggln, ar‑ttiniġ ‹ha nkki, ha nkki› i‑uqbil lli‑ur‑yaqran i‑ism‑inu.

danyal 6:26

lamr‑ad zzgaġ‑t ġassad ġ‑kullu ikalln n‑tgldit‑inu. illa f‑mddn a‑tiksaḍn ar‑trgigiyn ġ‑umnid n‑rbbi n‑danyal, ašku nttan a‑igan rbbi iddrn, illa bdda idum. ur‑sar‑thrš‑tgldit‑ns wala sar itmma lḥkam‑ns.

hušaɛ 1:9

yini sidi rbbi i‑hušaɛ: «g‑as ism ‹lu‑ammi› [tga lmɛna‑ns ‹urd mddn‑inu›]. ašku ur‑sul‑tgim mddn‑inu ula giġ rbbi‑nun.