ɛazra 5:2 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

² inkr ilmma zarubbabil yus n‑šyaltyal d‑yahušaɛ yus n‑yuṣadaq, grn daġ ar‑bnnun tigmmi n‑rbbi ġ‑urušalim, munn didsn lanbiya n‑rbbi ar‑tn‑zzɛamn.

ɛazra 5:2 Iomraidhean Croise

ɛazra 1:8

issufġ‑tn‑d kuraš agllid n‑faras f‑ufus n‑mitradat bu‑lh̬zin, iḥasb‑tn nttan i‑šišbaṣṣar lli‑igan amġar n‑ayt‑yahuda.

ɛazra 10:18

afn kra ġ‑tarwa n‑imsakmurn ula ntni tahln timġarin tiġribin, ism‑nsn maɛsiyah d‑aliɛazr d‑yarib d‑gadalyah zġ‑wamud n‑yahušaɛ yus n‑yuṣadaq d‑aytmas.

ɛazra 3:2

inkr yahušaɛ yus n‑yuṣadaq, ntta d‑imsakmurn yaḍni, d‑zarubbabil yus n‑šyaltyal d‑ayt‑dars, bnun akrkur n‑tġrṣi i‑rbbi n‑israyil, baš a‑n‑fllas‑ssattuyn isakmurn jdrnin, ġmklli ityaran ġ‑ulmmud n‑musa ah̬ddam n‑rbbi.

ɛazra 3:8

asggʷas wis sin tigira n‑ma‑d‑lkmn s‑udġar n‑tgmmi n‑sidi rbbi ġ‑urušalim, ġ‑wayyur wis sin, a‑igra zarubbabil yus n‑šyaltyal ġ‑tbnnayt, ntta d‑yahušaɛ yus n‑yuṣadaq d‑willi iqaman ġ‑aytmatsn, d‑imsakmurn d‑ayt‑lawi d‑willi‑d‑kullu‑yuškan zġ‑uskrf [n‑babil] s‑urušalim. ẓlin zġ‑ayt‑lawi willi dar sin id‑mraw n‑usggʷas s‑uflla, ad‑gabln tabnnayt n‑tgmmi n‑sidi rbbi.

ɛazra 6:14

ġmkan a‑s‑zuydn imġarn n‑uwdayn ar‑bnnun, ġmklli‑tn‑izzɛam nnabi ḥaggay d‑nnabi zakaryah yus n‑ɛiddu. kmmln tabnnayt s‑lamr n‑rbbi n‑israyil d‑win kuraš d‑daryus d‑artaḥšašta igldan n‑faras.

zakaryah 4:14

yini‑yyi ġakudan: «sin‑ad gan ġwilli ityawẓġurn s‑zzit ad‑qasan sidis n‑ddunit kullutt [yahušaɛ d‑zarubbabil].»

zakaryah 4:4

zaydġ sqsaġ lmalak lli‑didi‑isawln: «mad‑gan ġwid a‑sidi?»

zakaryah 8:9

«ha ma‑inna siditun rbbi n‑lmlayka. wa kunni‑ad isflidn i‑iwaliwn n‑lanbiya lli‑illan ġ‑gratun zġ‑wass lli‑ġ‑ittrs llsas n‑tgmmi tamẓlayt, ssdusat ifassn‑nun ar‑tbnnum tigmmi‑ad n‑siditun rbbi n‑lmlayka.