ɛazra 4:3 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

³ irar‑asn zarubbabil d‑yahušaɛ d‑ih̬fawn n‑tagʷmatin n‑ayt‑israyil: «ur‑illi yat ġ‑gratnġ didun ġ‑tbnnayt n‑yat‑tgmmi i‑rbbi‑nġ. nkkʷni waḥduyaġ a‑ra‑stt‑ibnu i‑sidi rbbi n‑israyil, ġmklli‑aġ‑yuṣṣa kuraš agllid n‑faras.»

ɛazra 4:3 Iomraidhean Croise

ɛazra 1:1

asggʷas amzwaru ġ‑tgldit n‑kuraš agllid n‑faras a‑ġ‑yuwfa‑wawal n‑sidi rbbi lli‑s‑inna f‑imi n‑nnabi irmiyah. idḥi sidi rbbi rruḥ n‑kuraš, aylliġ yura yan lamr, issufġ‑t s‑tgldit‑ns kullutt, yini:

ɛazra 1:2

«hay‑awal n‑kuraš agllid n‑faras. kullu tiglday n‑ddunit, ifka‑yyi‑tnt rbbi da‑illan ig rbbi n‑ignwan. yuṣṣa‑yyi ġilad ad‑as‑bnuġ yat‑tgmmi ġ‑urušalim lli‑illan ġ‑wakal n‑yahuda.

ɛazra 1:3

winna illan zġ‑mddn‑ns ġ‑gratun, a‑didsn‑yili rbbi‑nsn, awnn s‑urušalim ġ‑yahuda, ad‑daġ‑bnun tigmmi n‑rbbi da‑illan ig rbbi n‑israyil, ig rbbi da‑illan ġ‑urušalim.

ɛazra 3:8

asggʷas wis sin tigira n‑ma‑d‑lkmn s‑udġar n‑tgmmi n‑sidi rbbi ġ‑urušalim, ġ‑wayyur wis sin, a‑igra zarubbabil yus n‑šyaltyal ġ‑tbnnayt, ntta d‑yahušaɛ yus n‑yuṣadaq d‑willi iqaman ġ‑aytmatsn, d‑imsakmurn d‑ayt‑lawi d‑willi‑d‑kullu‑yuškan zġ‑uskrf [n‑babil] s‑urušalim. ẓlin zġ‑ayt‑lawi willi dar sin id‑mraw n‑usggʷas s‑uflla, ad‑gabln tabnnayt n‑tgmmi n‑sidi rbbi.

naḥamyah 2:20

rarġ‑asn ġakudan: «rbbi n‑ignna a‑rad‑aġ‑itɛawan s‑lh̬ir. ra‑nnkr nkkʷnin ih̬ddamn‑ns ar‑nbnnu. imma kunni ur‑darun taġamt ula lḥqq ula kra igan winun ġ‑urušalim.»