ɛazra 4:12 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

¹² a‑ityawssan ġilad ġ‑dark ay‑agllid, f‑uwdayn lli‑d‑yuškan zġ‑dark s‑darnġ, hatni munn ġ‑urušalim ar‑daġ‑bnnun tamdint‑an yʷh̬šnn iɛṣan, ar‑zzgan agadir‑ns ar‑tṣlaḥn llsas‑ns.

ɛazra 4:12 Iomraidhean Croise

2 igldan 18:20

is‑tġalt izd iwaliwn a‑s‑ra‑tdust tnrut ġ‑imiġ? manwa‑f‑ttklt ġilad aylliġ‑iyi‑tɛṣit?

2 uwssan 36:13

izayd iɛṣu agllid nabuh̬adnaṣr wah̬h̬a‑t‑yad‑issgulla s‑rbbi. issiqar agayu‑ns izzɛam ul‑ns a‑ur‑isiggl rbbi da‑illan ig rbbi n‑israyil.

ɛazra 4:11

ha ma‑ityaran ġ‑tbrat lli‑uznn: «i‑ugllid artaḥšašta zġ‑ih̬ddamn‑nk n‑ayt‑tmazirt ġ‑tsga yaḍni n‑wasif.

ɛazra 4:15

baš a‑tsigglt ġ‑warra n‑iskkirn n‑id‑babak. ra‑n‑taft tamdint‑ad ġ‑warra n‑iskkirn, tissant izd tamdint iɛṣan a‑tga, ar‑tt‑ssduyyn imzdġn‑ns zġ‑zman, ar‑ttḍrru igldan yaḍni d‑tmizar yaḍni. ġayan a‑f‑twrri‑tmdint‑ad th̬ʷla.

ɛazra 4:19

uṣṣaġ mddn‑inu ad‑siggln. hati ufan izd zġ‑zman ar‑nkkrn ayt‑tmdint‑an s‑igldan, ar‑ssnkarn timiġt d‑ssibt.

ɛazra 5:3

yašk‑id srsn tattnay lḥakm n‑tsga yaḍni n‑wasif, ntta d‑šatar‑buznay d‑usmun‑ns, sqsan‑tn: «ma‑yawn‑innan a‑tbnnum tigmmi‑ad, tkmmlm tissgʷar‑ad?»

naḥamyah 1:3

inin‑iyi: «willi‑n‑iqaman njmn zġ‑ukuf, hatnin ġ‑tmmara d‑tdallit išqan. ih̬ʷla‑ugadir n‑urušalim, tyawjdarn imawn‑ns s‑lɛafiyt.»

naḥamyah 6:6

ityara gis: «han lkmn lah̬bar‑nk i‑ayt‑tmizar, ula gašam ar‑tt‑fllak‑ittini, han tqṣadt kiyi d‑uwdayn a‑tɛṣum agllid. ġayan a‑f‑a‑tbnnum agadir. ar‑fllak‑ttinin is‑trit a‑tgt ih̬f‑nk d‑ugllid‑nsn,

astir 3:8

yini ilmma haman i‑ugllid aḥašwiruš: «han illa yan‑uqbil yakut ġ‑kraygatt mani, bḍun mddn‑ns ġ‑gr iqbiln yaḍni ġ‑kullu timizar n‑tgldit‑nk. tinbaḍin‑nsn ur‑gint zund tin iqbiln yaḍni, d‑ur‑a‑skarn s‑tnbaḍin‑nk ay‑agllid. ġayan a‑f‑ur‑ak‑iṣlaḥ a‑tn‑sul‑tadjt ġmkan ay‑agllid.

danyal 3:8

ddun ilmma kra ġ‑lɛulama n‑ayt‑kaldan, ar‑taštkkan s‑uwdayn,

danyal 9:25

«sfld i‑mayad tfhmt‑t. zġ‑lliġ‑d‑iffuġ‑wawal lli‑yuṣṣan mddn ad‑wrrin bnun urušalim, ard‑d‑yašk‑umẓġur lli‑ra‑iḥkam, rad‑zrin kkuẓ id‑mraw d‑tẓa (49) [n‑usggʷas]. wah̬h̬a bahra šqan‑uwssan‑an, ra‑ttbnu‑tmdint s‑iswak d‑igudar ard zrin kkuẓ id‑miyya d‑kraḍ id‑mraw d‑kkuẓ (434) [n‑usggʷas].