ɛazra 3:2 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

² inkr yahušaɛ yus n‑yuṣadaq, ntta d‑imsakmurn yaḍni, d‑zarubbabil yus n‑šyaltyal d‑ayt‑dars, bnun akrkur n‑tġrṣi i‑rbbi n‑israyil, baš a‑n‑fllas‑ssattuyn isakmurn jdrnin, ġmklli ityaran ġ‑ulmmud n‑musa ah̬ddam n‑rbbi.

ɛazra 3:2 Iomraidhean Croise

isizwur 12:7

iban‑d sidi rbbi i‑abram ġakudan yini‑as: «amud‑nk a‑mi‑rad‑fkġ tamazirt‑ad.» ibnu ġin abram yan‑ukrkur ma‑f‑a‑n‑issakmur tiġrṣiw i‑sidi rbbi lli‑as‑d‑ibann.

ɛazra 10:18

afn kra ġ‑tarwa n‑imsakmurn ula ntni tahln timġarin tiġribin, ism‑nsn maɛsiyah d‑aliɛazr d‑yarib d‑gadalyah zġ‑wamud n‑yahušaɛ yus n‑yuṣadaq d‑aytmas.

ɛazra 2:2

munn‑d kullu d‑zarubbabil d‑yahušaɛ d‑naḥamyah d‑sarayah d‑raɛlayah d‑murdah̬ay d‑bilšan d‑misfar d‑bigway d‑raḥum d‑baɛna.

ɛazra 3:8

asggʷas wis sin tigira n‑ma‑d‑lkmn s‑udġar n‑tgmmi n‑sidi rbbi ġ‑urušalim, ġ‑wayyur wis sin, a‑igra zarubbabil yus n‑šyaltyal ġ‑tbnnayt, ntta d‑yahušaɛ yus n‑yuṣadaq d‑willi iqaman ġ‑aytmatsn, d‑imsakmurn d‑ayt‑lawi d‑willi‑d‑kullu‑yuškan zġ‑uskrf [n‑babil] s‑urušalim. ẓlin zġ‑ayt‑lawi willi dar sin id‑mraw n‑usggʷas s‑uflla, ad‑gabln tabnnayt n‑tgmmi n‑sidi rbbi.

ɛazra 5:2

inkr ilmma zarubbabil yus n‑šyaltyal d‑yahušaɛ yus n‑yuṣadaq, grn daġ ar‑bnnun tigmmi n‑rbbi ġ‑urušalim, munn didsn lanbiya n‑rbbi ar‑tn‑zzɛamn.

imurign 78:68

hati ira taqbilt n‑yahuda, d‑uwrir n‑ṣiyun lli‑dars‑iɛzzan.

ḥaggay 1:1

ġ‑usggʷas wis‑sin n‑tgldit n‑ugllid daryus, ġ‑wayyur wis sḍis, ġ‑wass izwarn a‑d‑yuška‑wawal n‑sidi rbbi f‑imi n‑nnabi ḥaggay i‑zarubbabil lli‑igan yus n‑šyaltyal ig lḥakm ġ‑tmazirt n‑yahuda, d‑umsakmur ihiyyan yahušaɛ yus n‑yuṣadaq, yini:

ḥaggay 1:12

isfld srs lḥakm zarubbabil yus n‑šyaltyal, ula yahušaɛ lli‑igan yus n‑yuṣadaq ig amsakmur ihiyyan, ula kullu willi iqaman ġ‑ayt‑yahuda. awin‑tt ġ‑ma‑inna rbbi siditsn f‑imi n‑nnabi ḥaggay, uqqrn kullu rbbi siditsn.

ḥaggay 1:14

idḥi sidi rbbi rruḥ n‑zarubbabil yus n‑šyaltyal lḥakm ġ‑tmazirt n‑yahuda, idḥi ula rruḥ n‑yahušaɛ yus n‑yuṣadaq amsakmur ihiyyan, izayd idḥi rruḥ n‑kullu ayt‑rbbi lli‑iqaman. munn‑d ġakudan lhun s‑tbnnayt n‑tgmmi n‑sidi rbbi n‑lmlayka lli‑igan rbbi‑nsn.

zakaryah 3:1

iml‑iyi‑d sidi rbbi yahušaɛ lli‑igan amsakmur ihiyyan. ẓriġ‑t‑in ibidd ġ‑lgddam n‑lmalak n‑sidi rbbi. ibidd‑n ula šiṭan ġ‑tsga‑ns tafasiyt a‑srs‑yaštkka.

zakaryah 3:8

sfld a‑yahušaɛ amsakmur ihiyyan, kiyi ula imddukkʷal‑nk lli‑iskiwisn ġ‑umnid‑nk, gn ula ntni tamatart f‑ma‑ra‑ijru. hati ra‑n‑aznġ ah̬ddam‑inu da‑igan alḍay

tasutin 28:2

«uṣṣa ayt‑israyil tinit‑asn: ‹rarat lɛaql a‑yyi‑di‑takkam isakmurn‑inu n‑umššu ijdrn s‑waḍu‑ns imimn, ar‑iyi‑tn‑di‑tssakmurm ġ‑izmaz‑nsn.›

iriyasn 6:24

ibnu gidɛun ġin yan‑ukrkur n‑tġrṣi i‑sidi rbbi, ig‑as ism ‹sidi rbbi iga sslamt›. yili‑ukrkur‑an sul s‑ġassad ġ‑ɛafrah lli‑igan tin ayt‑abiɛazar.