ɛazra 2:2 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

² munn‑d kullu d‑zarubbabil d‑yahušaɛ d‑naḥamyah d‑sarayah d‑raɛlayah d‑murdah̬ay d‑bilšan d‑misfar d‑bigway d‑raḥum d‑baɛna.

ɛazra 2:2 Iomraidhean Croise

ɛazra 1:11

smmus id‑walf d‑kkuẓ n‑id‑miyya (5400) ad‑gan kullu irukutn‑an n‑uwrġ d‑nnʷqrt. issawn‑tn ilmma šišbaṣṣar zġ‑babil s‑urušalim, ġakud lliġ‑d‑iwnn imsukfn.

ɛazra 1:8

issufġ‑tn‑d kuraš agllid n‑faras f‑ufus n‑mitradat bu‑lh̬zin, iḥasb‑tn nttan i‑šišbaṣṣar lli‑igan amġar n‑ayt‑yahuda.

ɛazra 2:1

ġmkad ad‑gan ayt‑tmazirt‑nġ lli‑d‑yiwnn zġ‑gr willi issukf nabuh̬adnaṣr agllid n‑babil yawi‑tn s‑tmazirt n‑babil. wrrin‑d ntni s‑urušalim ula s‑wakal n‑yahuda, kraygatt yan s‑tmdint‑ns.

ɛazra 3:2

inkr yahušaɛ yus n‑yuṣadaq, ntta d‑imsakmurn yaḍni, d‑zarubbabil yus n‑šyaltyal d‑ayt‑dars, bnun akrkur n‑tġrṣi i‑rbbi n‑israyil, baš a‑n‑fllas‑ssattuyn isakmurn jdrnin, ġmklli ityaran ġ‑ulmmud n‑musa ah̬ddam n‑rbbi.

ɛazra 4:3

irar‑asn zarubbabil d‑yahušaɛ d‑ih̬fawn n‑tagʷmatin n‑ayt‑israyil: «ur‑illi yat ġ‑gratnġ didun ġ‑tbnnayt n‑yat‑tgmmi i‑rbbi‑nġ. nkkʷni waḥduyaġ a‑ra‑stt‑ibnu i‑sidi rbbi n‑israyil, ġmklli‑aġ‑yuṣṣa kuraš agllid n‑faras.»

ɛazra 4:8

yara ula lḥakm raḥum d‑uktatbi šimšay yat‑tbrat i‑ugllid artaḥšašta, ar‑gis‑taštkkan s‑ayt‑urušalim inin:

ɛazra 5:2

inkr ilmma zarubbabil yus n‑šyaltyal d‑yahušaɛ yus n‑yuṣadaq, grn daġ ar‑bnnun tigmmi n‑rbbi ġ‑urušalim, munn didsn lanbiya n‑rbbi ar‑tn‑zzɛamn.

ḥaggay 1:1

ġ‑usggʷas wis‑sin n‑tgldit n‑ugllid daryus, ġ‑wayyur wis sḍis, ġ‑wass izwarn a‑d‑yuška‑wawal n‑sidi rbbi f‑imi n‑nnabi ḥaggay i‑zarubbabil lli‑igan yus n‑šyaltyal ig lḥakm ġ‑tmazirt n‑yahuda, d‑umsakmur ihiyyan yahušaɛ yus n‑yuṣadaq, yini:

ḥaggay 1:12

isfld srs lḥakm zarubbabil yus n‑šyaltyal, ula yahušaɛ lli‑igan yus n‑yuṣadaq ig amsakmur ihiyyan, ula kullu willi iqaman ġ‑ayt‑yahuda. awin‑tt ġ‑ma‑inna rbbi siditsn f‑imi n‑nnabi ḥaggay, uqqrn kullu rbbi siditsn.

ḥaggay 1:14

idḥi sidi rbbi rruḥ n‑zarubbabil yus n‑šyaltyal lḥakm ġ‑tmazirt n‑yahuda, idḥi ula rruḥ n‑yahušaɛ yus n‑yuṣadaq amsakmur ihiyyan, izayd idḥi rruḥ n‑kullu ayt‑rbbi lli‑iqaman. munn‑d ġakudan lhun s‑tbnnayt n‑tgmmi n‑sidi rbbi n‑lmlayka lli‑igan rbbi‑nsn.

zakaryah 3:1

iml‑iyi‑d sidi rbbi yahušaɛ lli‑igan amsakmur ihiyyan. ẓriġ‑t‑in ibidd ġ‑lgddam n‑lmalak n‑sidi rbbi. ibidd‑n ula šiṭan ġ‑tsga‑ns tafasiyt a‑srs‑yaštkka.

zakaryah 3:3

d‑ha yahušaɛ sul ibidd ġ‑lgddam n‑lmalak, d‑ntta ilsa timlsa rkanin.