ɛazra 10:1 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

¹ sul a‑itẓalla ɛazra ar‑itqrra ar‑yalla ar‑n‑iknnu ġ‑umnid n‑tgmmi n‑rbbi, s‑d‑fllas‑imun ma‑iggutn ġ‑irgazn d‑tmġarin d‑iḥšmiyn n‑ayt‑israyil, ašku ar‑kullu‑allan s‑imṭṭawn ḥrranin.

ɛazra 10:1 Iomraidhean Croise

1 igldan 8:30

sfld i‑ma‑itḍalab‑uh̬ddam‑nk ula mddn‑nk n‑ayt‑israyil, ġakud nna‑tẓallan s‑umnid n‑ġid. sflid ġ‑ignna lli‑igan tazdġt‑nk, d‑ġakud nna‑tsfldt, tṣamḥt‑aġ.

1 igldan 9:3

yini‑as: «han sfldġ i‑tẓallit‑nk ula ma‑ttḍalabt ġ‑umnid‑inu, ẓliġ i‑ih̬f‑inu tigmmi‑ad lli‑tbnit. ra‑fllas‑yili ism‑inu bdda, qamant‑gis‑walln‑inu d‑uwl‑inu kullu mayd iftan.

ɛazra 10:6

yitti ilmma ɛazra zġ‑umnid n‑tgmmi n‑rbbi, iddu s‑tzdġt n‑yahuḥanan yus n‑alyašib, izzri gis iḍ ur‑išši ur‑iswi, ašku ar‑inddr f‑tkndawt n‑imsukfn.

naḥamyah 1:4

lliġ sfldġ i‑ġaylli ttinin, gawrġ ar‑bahra‑allaġ. yan mnnaw‑uwssan ar‑nddrġ, ha‑yyi aẓumġ ar‑tẓallaġ ġ‑umnid n‑rbbi n‑ignna

naḥamyah 1:6

adj imzgan‑nk ad‑ssḥssun, tadjt alln‑nk ad‑isfiwnt, tsfldt ġilad i‑tẓallit n‑uh̬ddam‑nk. ha‑yyi ġ‑iyḍ ula azal ar‑ki‑tḍalabġ f‑ayt‑israyil lli‑igan ih̬ddamn‑nk, ar‑tqrraġ s‑lh̬ʷšanat n‑ayt‑israyil lli‑gik‑nskr. ha nkki ula tagʷmat n‑baba nʷh̬šn dik.

naḥamyah 10:28

mšaškan‑d mddn kullutn [d‑inmġurn‑nsn]. munn‑d imsakmurn d‑ayt‑lawi d‑waḍafn n‑imawn d‑inḍḍamn d‑ih̬ddamn n‑tgmmi tamẓlayt ula kullu willi iẓlin ih̬f‑nsn zġ‑iqbiln n‑ddunit ad‑skarn s‑ulmmud n‑rbbi, ntni d‑tmġarin‑nsn d‑tarwa‑nsn d‑istitsn, kullu willi iẓḍarn ad‑fhmn issann ma‑illan.

naḥamyah 8:9

lliġ sfldn mddn i‑iwaliwn n‑ulmmud, ar‑kullu‑allan. isawl srsn naḥamyah lli‑igan lḥakm, nttan d‑ɛazra lli‑igan amsakmur d‑uktatbi, ula ayt‑lawi lli‑tn‑isslmadn, inin i‑tamunt n‑mddn‑an: «ġassad iga ass iẓlin s‑rbbi siditun. ad‑ur‑gis‑tallam ula da‑ttnddrm.»

imurign 32:5

qrraġ‑ak ġakudan mamnk ad‑ffuġġ zġ‑wawal‑nk, ur‑qamaġ ḥḍiġ ġaylli‑yyi‑issrkan. iniġ‑ak «tʷgraẓ‑iyi a‑sidi rbbi f‑ġaylli skrġ yʷh̬šn.» tssittit flla ġakudan taẓẓayt n‑ddnub‑inu.

danyal 9:20

ġmkan a‑s‑a‑sawalġ ar‑tẓallaġ, ar‑tqrraġ s‑ddnub‑inu d‑win mddn‑inu n‑ayt‑israyil, ar‑tḍalabġ sidi rbbi‑nu ula f‑ssibt n‑uwrir‑ns amẓlay.

hušaɛ 14:2

asyat iwaliwn twrrim s‑rbbi tinim: «ssitti fllanġ kullu lh̬ʷšant‑nġ, trḍut fllanġ ad‑ak‑n‑nssakmur lġllt n‑infurn‑nġ.

tinbaḍin 31:12

ssmunat‑d mddn kullutn, irgazn d‑tmġarin d‑tarwa mẓẓinin, ntni d‑ibrraniyn nna‑darun‑igawrn, tmlm‑asn‑t baš ad‑lmdn ad‑tuqqarn rbbi siditsn, rarn bdda lɛaql ad‑skarn s‑kullu iwaliwn n‑ulmmud‑ad.

yahušuɛ 7:6

ibbi yahušuɛ malssa‑ns, iknu f‑uwdm‑ns ar akal ġ‑lgddam n‑ṣṣnduq n‑sidi rbbi ar tadggʷat, ntta ula imġarn n‑ayt‑israyil, zuzzrn agdrur f‑ih̬fawn‑nsn.

yahušuɛ 8:35

kullu maylli‑f‑yuṣṣa musa, iġra‑t‑id yahušuɛ f‑kullu tamunt n‑ayt‑israyil, ur‑n‑gis‑ifil ḥtta yan‑wawal. sfldnt‑as‑ula‑tmġarin ula iḥšmiyn ula iġribn lli‑izdġn ġ‑gratsn.