ɛazra 1:7 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

⁷ ula agllid kuraš issufġ‑d irukutn n‑tgmmi n‑sidi rbbi lli‑yiwi nabuh̬adnaṣr zġ‑urušalim ig‑tn‑in yadlli ġ‑tgmmi n‑id‑rbbi‑ns.

ɛazra 1:7 Iomraidhean Croise

2 uwssan 36:10

ġ‑uzmz n‑tuga ġ‑usggʷas‑an, yuzn‑d‑ugllid nabuh̬adnaṣr ma‑itawin yahuyah̬in s‑babil, ntta d‑irukutn ġʷlanin n‑tgmmi n‑sidi rbbi. ig‑n ilmma ɛmmis ṣidqiyah d‑ugllid f‑yahuda d‑urušalim.

2 uwssan 36:18

ikks ugllid n‑babil kullu irukutn zġ‑tgmmi n‑rbbi, wid mẓẓinin ula wid mqqurnin. yasi kullu ma‑ittḥḍan ġ‑lh̬zin n‑tgmmi n‑sidi rbbi, d‑ma‑ittḥḍan ġ‑tgmmi n‑ugllid ula dar iriyasn‑ns. yawi‑t kullu s‑wakal n‑babil.

2 uwssan 36:7

yasi nabuh̬adnaṣr kra ġ‑irukutn n‑tgmmi n‑sidi rbbi, ig‑tn‑in ilmma ġ‑tgmmi n‑tgldit‑ns ġ‑babil.

ɛazra 6:5

ad‑wrrin ula irukutn n‑uwrġ d‑nnʷqrt n‑tgmmi n‑rbbi lli‑d‑yusi nabuh̬adnaṣr zġ‑tgmmi‑an tamẓlayt ġ‑urušalim yawi‑tn‑d s‑babil. a‑n‑ittrs kraygatt aruku ġ‑udġar‑ns ġ‑tgmmi tamẓlayt ġ‑urušalim. srsat‑tn‑in ġ‑tgmmi n‑rbbi.› »

danyal 1:2

ifk‑as rbbi‑nġ ġ‑ufus‑ns yahuyaqim agllid n‑yahuda ula kra ġ‑irukutn n‑tgmmi n‑rbbi. yawi nabuh̬adnaṣr irukutn‑an s‑tgmmi n‑rbbi‑ns ġ‑tmazirt n‑šinar [babil], ig‑tn‑in ġ‑lh̬zin n‑rbbi‑ns.

danyal 5:23

ha kiyi tssmqqurt ih̬f‑nk f‑rbbi n‑ignna, tamrt ad‑d‑awin irukutn n‑tgmmi‑ns s‑umnid‑nk, tsut gisn aman n‑waḍil iktin kiyi d‑inmġurn‑nk d‑tmġarin‑nk d‑tsmgin‑nk, ar‑ttsbbaḥt i‑id‑rbbi n‑nnʷqrt d‑uwrġ d‑wanas d‑uwzzal d‑ukššuḍ d‑uẓru lli‑ur‑itmnadn ula da‑sflidn ula da‑tfhamn. imma rbbi lli‑yusin ġ‑ufus‑ns tunfust‑nk ula kullu ma‑tqṣadt, han ur‑a‑ti‑ttuqqart kiyi.