ɛazra 1:3 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

³ winna illan zġ‑mddn‑ns ġ‑gratun, a‑didsn‑yili rbbi‑nsn, awnn s‑urušalim ġ‑yahuda, ad‑daġ‑bnun tigmmi n‑rbbi da‑illan ig rbbi n‑israyil, ig rbbi da‑illan ġ‑urušalim.

ɛazra 1:3 Iomraidhean Croise

1 igldan 18:39

lliġ ẓran kullu ayt‑israyil mayan, knun f‑uwdm‑nsn ar akal, ar‑ttinin: «sidi rbbi a‑igan rbbi n‑ṣṣaḥt. walli bdda illan a‑igan rbbi.»

1 igldan 8:23

yini: «wa rbbi da‑illan, wa rbbi n‑israyil, ur‑illi kra n‑rbbi zund kiyi ġ‑ignwan n‑uflla ula ġ‑wakal n‑iyzdar. tumẓt bdda ġ‑lɛhd‑nk, tssbayynt‑d tayri‑nk izgan i‑ih̬ddamn‑nk lli‑ifttun ġ‑umnid‑nk zġ‑ttmi n‑uwl‑nsn,

ɛazra 1:4

ula ayt‑tgldit‑inu da‑mi‑zdġn ġ‑tama‑nsn, illa fllasn ad‑ɛawnn willi gisn iqaman, fkn‑asn nnʷqrt d‑uwrġ d‑imassn d‑lbhaym, awin‑asn‑d ula tiwafkiw yaḍni i‑twuri n‑tgmmi n‑rbbi ġ‑urušalim.»

ɛazra 4:3

irar‑asn zarubbabil d‑yahušaɛ d‑ih̬fawn n‑tagʷmatin n‑ayt‑israyil: «ur‑illi yat ġ‑gratnġ didun ġ‑tbnnayt n‑yat‑tgmmi i‑rbbi‑nġ. nkkʷni waḥduyaġ a‑ra‑stt‑ibnu i‑sidi rbbi n‑israyil, ġmklli‑aġ‑yuṣṣa kuraš agllid n‑faras.»

ɛazra 5:3

yašk‑id srsn tattnay lḥakm n‑tsga yaḍni n‑wasif, ntta d‑šatar‑buznay d‑usmun‑ns, sqsan‑tn: «ma‑yawn‑innan a‑tbnnum tigmmi‑ad, tkmmlm tissgʷar‑ad?»

ɛazra 6:7

tflm tawuri‑an n‑tgmmi n‑rbbi a‑tzayd, tadjm lḥakm n‑uwdayn d‑imġarn‑nsn ad‑bnnun tigmmi‑an n‑rbbi ġ‑udġar‑ns.

danyal 2:47

isawl‑ugllid s‑danyal yini‑as: «s‑ṣṣaḥt rbbi‑nun iga walli imqqurn ġ‑id‑rbbi, ig walli itḥkamn ġ‑igldan, ig walli‑d‑issbayyann aynna intln, ašku kiyi a‑mi‑ityawfka a‑di‑tmalat maylli irgsn.»

danyal 6:26

lamr‑ad zzgaġ‑t ġassad ġ‑kullu ikalln n‑tgldit‑inu. illa f‑mddn a‑tiksaḍn ar‑trgigiyn ġ‑umnid n‑rbbi n‑danyal, ašku nttan a‑igan rbbi iddrn, illa bdda idum. ur‑sar‑thrš‑tgldit‑ns wala sar itmma lḥkam‑ns.

yahušuɛ 1:9

is‑ur‑k‑uṣṣaġ ‹g‑n tiqqi tzɛmt›? ad‑ur‑ttiksaḍt ula da‑ttasit taġuft, ašku rbbi sidik a‑ra‑dik‑yili ġ‑innas tddit.»