ɛazra 1:2 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

² «hay‑awal n‑kuraš agllid n‑faras. kullu tiglday n‑ddunit, ifka‑yyi‑tnt rbbi da‑illan ig rbbi n‑ignwan. yuṣṣa‑yyi ġilad ad‑as‑bnuġ yat‑tgmmi ġ‑urušalim lli‑illan ġ‑wakal n‑yahuda.

ɛazra 1:2 Iomraidhean Croise

1 igldan 8:27

«walaynni izd ṣṣaḥt ra‑izdġ rbbi ġ‑wakal? ha ignwan ula tattuyt n‑ignwan ur‑k‑uwmin, mamnk a‑ra‑k‑tamu‑tgmmi‑ad lli‑bniġ?

ɛazra 1:5

nkrn ih̬fawn n‑tagʷmatin n‑ayt‑yahuda d‑ayt‑bnyamin d‑imsakmurn d‑ayt‑lawi, kraygatt yan mi idḥi rbbi rruḥ‑ns a‑yawn s‑urušalim, ad‑daġ‑bnun tigmmi n‑sidi rbbi.

ɛazra 3:7

fkn ilmma iqaridn i‑ih̬ddamn n‑uẓru d‑ukššuḍ. fkn ula amššu d‑tissi d‑zzit i‑ayt‑ṣidun d‑ayt‑ṣur, baš ad‑di‑tawin akššuḍ n‑idgl f‑umda zġ‑lubnan ar lmrsa n‑yafa, s‑mklli‑f‑tn‑yuṣṣa kuraš agllid n‑faras.

ɛazra 4:3

irar‑asn zarubbabil d‑yahušaɛ d‑ih̬fawn n‑tagʷmatin n‑ayt‑israyil: «ur‑illi yat ġ‑gratnġ didun ġ‑tbnnayt n‑yat‑tgmmi i‑rbbi‑nġ. nkkʷni waḥduyaġ a‑ra‑stt‑ibnu i‑sidi rbbi n‑israyil, ġmklli‑aġ‑yuṣṣa kuraš agllid n‑faras.»

ɛazra 6:10

baš ad‑zaydn ar‑n‑ssakmurn ma‑isshnnun rbbi n‑ignwan, ar‑ti‑tḍalabn a‑izziġzif tudrt n‑ugllid d‑tarwa‑ns.

ɛazra 6:3

asggʷas amzwaru ġ‑tgldit n‑kuraš, issufġ‑d‑ugllid lamr f‑tgmmi n‑rbbi ġ‑urušalim yini: ‹a‑ttbnu‑tgmmi d‑udġar lli‑ġ‑a‑qqrṣn i‑tġrṣiw f‑llsas‑ns iṣḥan. a‑tɛlu s‑kraḍ id‑mraw (30) n‑mitru, tusɛu s‑unškan,

naḥamyah 1:4

lliġ sfldġ i‑ġaylli ttinin, gawrġ ar‑bahra‑allaġ. yan mnnaw‑uwssan ar‑nddrġ, ha‑yyi aẓumġ ar‑tẓallaġ ġ‑umnid n‑rbbi n‑ignna

naḥamyah 1:5

ar‑ttiniġ: «wa rbbi da‑bdda‑illan, wa rbbi n‑ignna, wa rbbi imqqurn issiwidn lli‑bdda‑issuwfan lɛhd ula tayri idumn i‑willi dar tɛzzat awin‑tt bdda ġ‑luṣiyat‑nk,

išaɛyah 41:2

«manwa‑d‑giwn‑yiwin ġwad‑d‑yuškan zġ‑usġlay n‑tafukt, inru kullu mad‑as‑ibiddn ġ‑uġaras? manwa isllmn iqbiln ġ‑ddu‑ufus‑ns, aylliġ a‑itaḍḍr igldan ġ‑ddu iḍarn‑ns, imzi‑tn s‑uwzzal aylliġ‑zġ‑gisn‑iskr agdrur, izuzzr‑tn s‑iẓḍkan aylliġ gan zund alim,

išaɛyah 66:1

ha ma‑inna sidi rbbi: «ignna iga lɛrš‑inu, ig‑wakal aẓru lli‑f‑a‑n‑srasġ iḍarn‑inu. man tigmmi a‑rad‑iyi‑tbnum? man taḥanut a‑ġ‑rad‑sunfuġ?

irmiyah 29:10

«ašku inna‑yawn walli bdda illan: ‹ġakud nna‑kmmlġ i‑babil ssa n‑id mraw (70) n‑usggʷas‑ns, ra‑n‑srun‑aškiġ, ssafuġ‑awn awal‑inu iṣlaḥn, rarġ‑kʷn‑d s‑wakal‑ad.

danyal 1:21

izayd danyal ġmkan ar asggʷas amzwaru n‑ugllid kuraš.

danyal 2:21

ar‑issgllab tiziwin d‑izmaz, ar‑izzuguz igldan ar‑issaqlay wiyyaḍ, ar‑yakka taḥkimt i‑ayt‑tḥkimt, ar‑yakka tawassna i‑ayt‑tfhmt,

danyal 2:28

walaynni illa yan rbbi ġ‑ignna ar‑d‑issbayyan ma‑intln. hati imla‑yak‑d ay‑agllid nabuh̬adnaṣr ma‑ra‑ijru ġ‑uwssan ggʷranin. ġmkad a‑tga‑twargit ula tiwuẓra lli‑kkanin ih̬f‑nk lliġ tgnt ġ‑tisi.

danyal 4:25

ra‑ttyawdḥayt zġ‑gr mddn, tqamat‑n ġ‑dar luḥuš n‑lh̬la, ar‑tšttat tuga zund amugay, ar‑ttmmġt s‑tġli n‑ignwan, ard fllak zrin ssa n‑izmaz. ġakudan a‑ra‑tissant izd rbbi amattuy a‑iḥkamn tagldit n‑bnadm ar‑tt‑yakka i‑wanna ira.

danyal 4:32

ra‑n‑ttyawdḥayt zġ‑gr mddn, tqamat‑n ġ‑dar luḥuš n‑lh̬la, ar‑tšttat tuga zund amugay, ard fllak zrin ssa n‑izmaz. ġakudan a‑ra‑tissant izd rbbi amattuy a‑iḥkamn tagldit n‑bnadm, ar‑tt‑yakka i‑wanna ira.»

danyal 5:23

ha kiyi tssmqqurt ih̬f‑nk f‑rbbi n‑ignna, tamrt ad‑d‑awin irukutn n‑tgmmi‑ns s‑umnid‑nk, tsut gisn aman n‑waḍil iktin kiyi d‑inmġurn‑nk d‑tmġarin‑nk d‑tsmgin‑nk, ar‑ttsbbaḥt i‑id‑rbbi n‑nnʷqrt d‑uwrġ d‑wanas d‑uwzzal d‑ukššuḍ d‑uẓru lli‑ur‑itmnadn ula da‑sflidn ula da‑tfhamn. imma rbbi lli‑yusin ġ‑ufus‑ns tunfust‑nk ula kullu ma‑tqṣadt, han ur‑a‑ti‑ttuqqart kiyi.

danyal 6:25

yara‑ilmma‑ugllid daryus: «i‑kullu ayt‑tmizar d‑iqbiln d‑tqbilin da‑isawaln s‑wawal‑nsnt ġ‑ddunit kullutt, ad‑awn‑tigat sslamt.

yunah 1:9

yini‑asn: «gu‑ɛibr ad‑giġ. umnġ s‑rbbi da‑bdda‑illan, ig rbbi n‑ignna, ig walli iskrn imdwan d‑ikalln.»