7 «sqsa lbhaym, ra‑k‑sslmadnt. d‑igḍaḍ n‑ignwan, mln‑ak‑t‑id.
ih̬lq rbbi luḥuš mqqurnin n‑umda, ula kullu lmh̬luqat lli‑itmussun ġ‑waman kraygatt kra d‑mklli iga, ula kullu ma‑itaylaln kraygatt kra d‑mklli iga. iẓr rbbi is‑ifulki.
iskr rbbi luḥuš kraygatt kra d‑mklli iga, iskr lbhaym kraygatt kra d‑mklli iga, iskr kullu ma‑itštutuln f‑wakal kraygatt kra d‑mklli iga. iẓr rbbi mayan ifulki.
han ih̬iyyamn n‑iqṭṭaɛn a‑ġ‑illa lh̬ir. willi itmmaġn d‑rbbi a‑iqaman ġ‑laman, asin laṣnam‑nsn ġ‑ufus‑nsn.
d‑imġyan n‑wakal, ra‑k‑sslmadn. d‑islman n‑umda, ɛlmn‑k srs.
ddu s‑dar‑tuwḍfit ay‑amɛgaz, tmnadt ġ‑maylli tskar, tlmdt dars taḥkimt.
azgr issn bab‑ns, ula aġyul issn asds n‑sidis, walaynni ayt‑israyil ur‑ssinn, mddn‑inu ur‑fhimn.»