ayyub 12:10 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

¹⁰ ġ‑ufus‑ns a‑ġ‑tlla tudrt n‑kullu ma‑iddrn, ar‑yakka unfus i‑kullu ma‑igan bnadm.

ayyub 12:10 Iomraidhean Croise

isizwur 2:7

yasi ilmma sidi rbbi kra zġ‑ugdrur n‑wakal iskr zġ‑gis argaz, issunfs‑n ġ‑infurn n‑urgaz s‑rruḥ n‑tudrt, iwrri iddr.

isizwur 6:17

ašku ra‑n‑aznġ anggay n‑waman f‑ddunit, hlkġ kullu ma‑igan tifiyi iṭṭaf rruḥ n‑tudrt. ra‑immt kullu ma‑illan ġ‑ddunit.

ayyub 27:3

maḥdd sul gigi tqama rruḥ, ula tunfust n‑rbbi ġ‑tnh̬ar‑inu,

amslmd 9:1

kullu mayan, ḥḍiġ‑t ġ‑uwl‑inu. ar‑swingimġ ġ‑willi ṣlaḥnin d‑willi dar‑tḥkimt ula maylli skarn, mamnk a‑kullu‑llan ġ‑ufus n‑rbbi. walaynni ur‑issin yan gisn ma‑rad‑as‑yili, is‑ra‑fllas‑irḍu rbbi nġd ikurha‑t.

išaɛyah 42:5

ha ma‑inna rbbi siditnġ da‑bdda‑illan, ig ġwalli iskrn ignwan ifsr‑tn, isrs akal ula kullu ma‑gis‑illan. ar‑yakka unfus i‑imzdġn n‑ddunit, ar‑d‑itazn rruḥ i‑willi gis ddrnin.

išaɛyah 57:16

ašku ur‑rad‑qamaġ ar‑bdda‑tẓiġ, ula da‑tġḍabġ kullu mayd iftan, a‑ur‑ttġaša rruḥ‑nun ġ‑umnid‑inu, ula ttġaša tunfust n‑tudrt lli‑giwn‑giġ.

danyal 5:23

ha kiyi tssmqqurt ih̬f‑nk f‑rbbi n‑ignna, tamrt ad‑d‑awin irukutn n‑tgmmi‑ns s‑umnid‑nk, tsut gisn aman n‑waḍil iktin kiyi d‑inmġurn‑nk d‑tmġarin‑nk d‑tsmgin‑nk, ar‑ttsbbaḥt i‑id‑rbbi n‑nnʷqrt d‑uwrġ d‑wanas d‑uwzzal d‑ukššuḍ d‑uẓru lli‑ur‑itmnadn ula da‑sflidn ula da‑tfhamn. imma rbbi lli‑yusin ġ‑ufus‑ns tunfust‑nk ula kullu ma‑tqṣadt, han ur‑a‑ti‑ttuqqart kiyi.

tasutin 16:22

iḍr musa d‑harun f‑uwdmawn‑nsn s‑wakal inin: «wa rbbi, wa rbbi da‑itggan rruḥ ġ‑kullu ma‑iṭṭafn tifiyi, iġ‑ijla yan, is‑ra‑th̬zut tamunt kullutt?»