ayyub 1:5 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

⁵ ġakud nna‑kmmln‑uwssan n‑imnsi, ar‑srsn‑itazn ayyub baš a‑tn‑issġus. ar‑d‑inkkr zikk ṣbaḥ a‑n‑issakmur i‑rbbi tiġrṣi ijdrn f‑kraygatt yan gisn. ašku ar‑ittini: «ur‑ssinġ is‑jlan tarwa‑inu, rgmn rbbi ġ‑uwl‑nsn.» ġmkan a‑iskar ayyub kullu ussan‑ns.

ayyub 1:5 Iomraidhean Croise

isizwur 22:3

lliġ ifaw‑wass inkr ibrahim, ig aḥlas i‑uġyul‑ns, yawi dids sin iɛyyaln‑ns, yawi ula yus isḥaq. ibbi ikššuḍn ma‑s‑a‑ijddr tiġrṣi, inkr iftu s‑illi‑s‑as‑inna rbbi.

isizwur 6:5

iẓr sidi rbbi is‑a‑bahra‑ttigat lh̬ʷšant n‑bnadm ġ‑ddunit. ġ‑iyḍ ula azal ur‑a‑swingimn mddn abla ġ‑ma‑yʷh̬šnn.

isizwur 8:20

ibnu nuḥ yan‑ukrkur ma‑f‑a‑n‑issakmur tiġrṣiw f‑ism n‑rbbi da‑bdda‑illan. yasi‑d kra zġ‑kullu ma‑igan lbhimt iḥllan ula agḍiḍ iḥllan, issattuy tiġrṣiw‑an ijdr‑tnt f‑ukrkur.

1 igldan 18:31

yasi‑d sin d‑mraw n‑uẓru, ġunšk lli‑gant‑tqbilin n‑tarwa n‑yaɛqub, lli‑mi‑inna sidi rbbi: «ism‑nk ra‑ig ‹israyil›.»

1 igldan 21:10

tawim‑d sin id‑bu‑ijrman ad‑srs‑aštkkan, fkn fllas tuggʷa inin: ‹ha kiyi trgmt rbbi d‑ugllid.› tssufġm‑t‑in ilmma, ar‑ti‑tkkatm s‑iẓran ard immt.»

1 igldan 21:13

aškin‑d sin id‑bu‑ijrman ar‑srs‑taštkkan. zaydn id‑bu‑ijrman‑an fkn fllas tuggʷa ġ‑umnid n‑kullu mddn, ar‑ttinin: «han nabut irgm rbbi d‑ugllid.» ssufġn‑t ġakudan s‑brra n‑tmdint, ar‑t‑kkatn s‑iẓran aylliġ immut.

ayyub 1:11

walaynni mdi‑n afus‑nk, tutt kullu ma‑dars‑illan, s‑k‑irgm f‑uwdm‑nk.»

ayyub 1:4

myurn tarwa‑ns ad‑skarn imnsi imqqurn ġ‑tgʷmma n‑ingratsn kud yan s‑wass‑ns, ar‑taznn ar‑d‑aqran i‑kraṭṭ istmatsn ar‑didsn‑šttant ar‑ssant.

ayyub 2:9

tsawl‑srs‑tmġart‑ns tini‑as: «is‑sul‑tumẓt ġ‑uġaras‑nk ikmmln? rgm rbbi tmmtt.»

ayyub 42:8

nkrat ġilad tawim ssa n‑imugayn d‑ssa n‑izamarn, tddum s‑dar‑uh̬ddam‑inu ayyub, tssattuym‑iyi‑d tiġrṣiw jdrnin f‑ssibt‑nun. ra‑fllawn‑iẓẓall‑uh̬ddam‑inu ayyub, sfldġ i‑ma‑fllawn‑iḍalb, f‑a‑ur‑awn‑rarġ f‑ġmklli iga‑unufl‑nun. ašku han ur‑flla‑tnnim lḥqq ġmklli‑t‑inna‑uh̬ddam‑inu ayyub.»

ayyub 8:4

iban ġ‑tarwa‑nk, is‑jlan i‑rbbi, iluḥ‑tn‑in ġakudan f‑tjli‑nsn.

ufuġ 18:12

izayd yatru lli‑igan aḍggʷal n‑musa issattuy tiġrṣi ijdrn i‑rbbi, izayd tiġrṣiw yaḍni. imun‑d ula harun d‑imġarn n‑ayt‑israyil kullutn ad‑ššn d‑uḍggʷal n‑musa ġ‑umnid n‑rbbi.

ufuġ 19:10

yini sidi rbbi i‑musa: «zayd s‑dar mddn, tinit‑asn ad‑ssġusn ih̬fawn‑nsn ġassad d‑uzkka, sirdn ula timlsa‑nsn,

ufuġ 24:5

yazn kra n‑iɛyyaln n‑ayt‑israyil, ssattuyn tiġrṣiw jdrnin, ġrṣn daġ i‑imugayn ad‑gn ‹tiwafkiw n‑sslamt› i‑sidi rbbi.

amslmd 9:10

aynna‑mi‑yufa‑ufus‑nk a‑t‑iskr, skr‑t s‑kullu tiqqi‑nk, ašku ur‑tlli‑twuri ula tanbaṭṭ ula tawassna ula taḥkimt ġ‑udġar n‑willi mmutnin lli‑s‑ra‑tddut.

1 ṣamwil 16:5

yini‑asn: «sslamt. tiġrṣi i‑sidi rbbi a‑f‑d‑uškiġ. zaydat tssġusm ih̬fawn‑nun, tmunm didi s‑dar‑tġrṣi.» iddu ntta issġus yassa d‑tarwa‑ns, yawi‑tn‑d‑dids s‑dar‑tġrṣi.