astir 8:9 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

⁹ ġrn‑d ġakudan i‑iktatbin n‑ugllid. ig lḥal ass wis sin id‑mraw d‑kraḍ (23) ġ‑wayyur wis kraḍ lli‑mi‑ttinin ‹siwan›. aran kullu ma‑f‑tn‑yuṣṣa murdah̬ay ġ‑ljiht n‑uwdayn f‑a‑t‑aznn i‑lḥukkam d‑inmġurn d‑iriyasn ġ‑kullu timizar n‑tgldit, zġ‑wakal n‑lhnd ar akal n‑ḥabaš. miyya d‑snat id‑mrawt d‑ssa (127) n‑tmazirt a‑mi‑uran, kraygatt tamazirt s‑tirra‑ns, d‑kraygatt aqbil s‑iwaliwn‑ns, aran ula i‑uwdayn s‑tirra‑nsn d‑iwaliwn‑nsn.

astir 8:9 Iomraidhean Croise

2 igldan 18:26

isawl‑d alyaqim yus n‑ḥilqiyah d‑šibna d‑yuwaḥ inin i‑umšawar n‑ugllid n‑aššur: «ġir sawal a‑sidi s‑iwaliwn n‑ayt‑aram, ašku ar‑tn‑ntfham. a‑ur‑d‑srnġ‑tsawalt s‑wawal n‑ayt‑yahuda, a‑ur‑imil sfldn‑as mddn‑ad illan f‑igudar.»

astir 1:1

ġ‑uwssan n‑ugllid aḥašwiruš lli‑iḥkamn f‑miyya d‑sin id‑mraw d‑ssa (127) n‑tmazirt zġ‑wakal n‑lhnd ar akal n‑ḥabaš,

astir 1:22

yazn tibratin s‑kullu timizar n‑tgldit, kraygatt tamazirt s‑tirra‑ns, d‑kraygatt aqbil s‑wawal‑ns, yini‑asn a‑iḥkam‑kraygatt‑urgaz ġ‑tgmmi‑ns, ar‑isawal s‑wawal n‑uqbil‑ns.

astir 10:1

ifrḍ‑ugllid aḥašwiruš tiwizi f‑ayt‑tmizar‑ns kullutn, ula f‑willi illan ġ‑tama n‑umda.

danyal 4:1

yamr‑ugllid nabuh̬adnaṣr yini: «i‑kullu ayt‑tmizar d‑iqbiln d‑tqbilin da‑isawaln s‑wawal‑nsnt ġ‑ddunit kullutt. ad‑awn‑tigat sslamt.

danyal 6:1

iqṣad daryus a‑iskr miyya d‑sin id‑mraw (120) n‑uriyas a‑tḥkamn ġ‑kullu tisgiw n‑tgldit‑ns.

danyal 6:25

yara‑ilmma‑ugllid daryus: «i‑kullu ayt‑tmizar d‑iqbiln d‑tqbilin da‑isawaln s‑wawal‑nsnt ġ‑ddunit kullutt, ad‑awn‑tigat sslamt.