astir 4:14 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

¹⁴ iġ‑tfssat ġ‑tizi‑ad, ra‑d‑yašk‑ujnjm d‑lhna i‑uwdayn zġ‑mani yaḍni, walaynni ra‑thlkt kmmi d‑tagʷmat n‑babam laḥ‑kʷn. ma‑issnn izd f‑ssibt n‑wan tizi‑ad a‑f‑truḥt tagldit?»

astir 4:14 Iomraidhean Croise

isizwur 22:14

ig ibrahim ism i‑udġar‑an ‹yahwah‑yirah› [tga lmɛna‑ns ‹sidi rbbi ra‑d‑yawi›], ġmklli‑s‑a‑ttinin mddn sul s‑ġassad: «f‑uwrir n‑sidi rbbi a‑f‑ra‑d‑yawi.»

2 igldan 19:3

inin‑as: «ha ma‑inna ḥizqiyah: ‹ġassad iga ass n‑tguḍi d‑lɛqubit d‑tdallit. han tarwa ruḥn tizi n‑tlalit walaynni laḥ jjhd ma‑s‑a‑di‑tlalan.

ɛazra 9:9

ašku ha‑yaġ ismgan a‑nga, walaynni ur‑aġ‑tflt a‑rbbi‑nġ ġ‑tsmugit‑nġ. tssbayynt‑aġ‑d lḥnant‑nk izgan ġ‑umnid n‑igldan n‑faras, trart‑aġ‑d imikk n‑rrja baš a‑nbnu tigmmi n‑rbbi‑nġ, nṣlaḥ ula ih̬rubba‑ns, tgt‑aġ antal ġ‑wakal n‑yahuda d‑urušalim.

naḥamyah 6:11

rarġ‑as: «izd wan nkki da‑irggʷl? izd wan nkki a‑ra‑ikšm s‑tgmmi tamẓlayt qamaġ ddrġ? uhu, ur‑ra‑srs‑kšmġ.»

astir 2:15

tlkm‑twala n‑astir a‑tkšm s‑dar‑ugllid. tg nttat illis n‑abiḥayil ɛmmis n‑murdah̬ay lli‑stt‑igan d‑illis. tizi‑an ur‑tḍalb yat abla maylli‑as‑imla higay angabal izuzln n‑ugllid lli‑illan f‑tmġarin. han astir tufa rrḍa ġ‑iẓri n‑kullu ma‑stt‑iẓran.

astir 2:17

iḥubbu‑ugllid astir uggʷar n‑kullu timġarin yaḍni, taf rrḍa ġ‑iẓri‑ns, tɛzza dars uggʷar n‑kullu tifrh̬in yaḍni. ig‑as ttaj n‑tgldit f‑ih̬f‑ns, ig‑tt nttat d‑tgllidt ġ‑udġar n‑wašti.

astir 2:7

murdah̬ay ar‑itrbba illis n‑ɛmmis, ašku immut‑as babas d‑innas. iga ism‑ns hadassah, ar‑as‑daġ‑ttinin astir. tafruh̬t‑an tfulki bahra la ġ‑uwdm‑ns ula ġ‑tiddi‑ns. lliġ‑as‑immut babas d‑innas, iskr gis murdah̬ay zund illis.

astir 4:13

iḍalb‑asn murdah̬ay ad‑rarn awal i‑astir yuṣṣa‑tt: «a‑ur‑tswangmt kmmi is‑ra‑tnjmt ġ‑tgmmi n‑ugllid zġ‑ġaylli ra‑ijru i‑kullu‑uwdayn.

astir 4:15

tazn‑tn astir ġakudan ad‑inin i‑murdah̬ay:

amslmd 3:7

tizi n‑ušrrig ula tizi n‑tgni, tizi n‑tfssi ula tizi n‑waqqur,

išaɛyah 49:23

igldan a‑ra‑ig imqasan i‑tarwa‑nm, d‑tgldin a‑ra‑tn‑issngay. rad‑adrn i‑ih̬f‑nsn ar‑knnun s‑wakal ġ‑umnid‑nm, ar‑km‑bahra‑tuqqarn. ġakudan a‑ra‑tissant izd nkkin a‑igan ġwalli bdda illan, d‑ur‑sar‑ra‑inḥaššam wanna‑n‑gigi‑irjan.»

irmiyah 46:28

ad‑ur‑tiksaḍt a‑yaɛqub ah̬ddam‑inu. inna‑t rbbi da‑bdda‑illan, ašku lliġ bdda dik. rad‑fnuġ iqbiln lli‑mi‑kʷn‑in‑dḥiġ. han kiyi ur‑ra‑k‑fnuġ, walaynni ra‑k‑ssnmġ s‑ma‑d‑dik‑yuškan, d‑ur‑ra‑k‑flġ bla lɛqubit.»

iriyasn 15:6

inin ayt‑filisṭin i‑ngratsn: «manwa iskrn ġayad?» rarn‑asn: «šamšun lli‑igan aḍggʷal n‑gu‑timnah, ašku ikks‑as tamġart‑ns ifk‑tt i‑umddakkʷl‑ns.» ddun ayt‑filisṭin jdrn‑tt nttat ula babas s‑lɛafiyt.

1 ṣamwil 12:22

ha rbbi da‑illan, f‑ssibt n‑ism‑ns imqqurn a‑f‑ur‑ra‑ifl mddn‑ns, ašku irḍa a‑kʷn‑ig d‑mddn‑ns.

1 ṣamwil 17:29

yini‑as dawd: «mad‑skrġ ġila? is‑ur‑izri ad‑sqsaġ?»