astir 3:15 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

¹⁵ ffuġn imazzaln ḥarrun ad‑sslkmn awal n‑ugllid, brrḥn s‑lamr ula ġ‑tmdint idusn n‑šušan. iskiws‑ugllid d‑haman ad‑ssan, imma kullu ayt‑tmdint n‑šušan duhdan.

astir 3:15 Iomraidhean Croise

isizwur 37:25

skiwsn ġakudan ad‑ššn, alln ilmma alln‑nsn s‑n‑ẓran yan‑ukabar n‑ayt‑ismaɛil ġ‑tuggugt. kkan‑d tamazirt n‑gilɛad, asin‑d tujjutin d‑isafarn d‑lmurr f‑irɛman‑nsn, irin a‑tn‑awin s‑miṣr.

1 igldan 14:27

inkr‑ugllid raḥbɛam ig‑n timsntlin n‑wanas ġ‑udġar‑nsnt, ifk‑tnt ġ‑ifassn n‑iriyasn n‑waḍafn lli‑itbiddadn ġ‑imi n‑tgmmi n‑ugllid.

astir 1:10

wis ssa n‑uwssan‑an, lliġ bahra ifjjij‑ugllid aḥašwiruš s‑waman n‑waḍil iktin, yuṣṣa mhuman d‑bizzta d‑ḥarbuna d‑bigta d‑abagta d‑zitar d‑karkas lli‑igan ssa n‑ingabaln‑ns zuzlnin,

astir 4:16

«zayd tssmunt kullu udayn lli‑illan ġ‑šušan, tɛlmt‑tn s‑uẓum ġ‑ljiht‑inu. ad‑ur‑tššm ula tswam kraḍ‑uwssan azal wala iḍ. nkki d‑tɛyyalin‑inu ula nkkʷninti ra‑naẓum, kšmġ ilmma s‑dar‑ugllid, wah̬h̬a ssurfġ lqanun. d‑iġ‑iyi‑di‑tqqan lmut, mmtġ‑iyt.»

astir 8:15

iffuġ murdah̬ay zġ‑dar‑ugllid, ils timlsa n‑tgldit tizgzawin d‑tumlilin, ig‑n rrẓẓa imqqurn n‑uwrġ, d‑uslham azggʷaġ n‑lkttan ilggʷaġn. ayt‑tmdint n‑šušan ar‑ttalln awal‑nsn ar‑tfraḥn.

imurign 37:7

ġir thnna ġ‑lgddam n‑sidi rbbi, tqlt srs s‑ṣṣbr. ad‑ur‑tqlaqlt f‑bu‑tillay da‑itnjaḥn ġ‑iskkirn‑ns.