1 ṣamwil 13:2 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

² iẓli kraḍ id‑walf (3000) n‑urgaz zġ‑ayt‑israyil. issmun sin id‑walf (2000) s‑dars ġ‑tmdint n‑mih̬maš d‑iwrar n‑bayt‑il, yili‑walf (1000) ġ‑dar yus yunatan ġ‑tmdint n‑gibɛa n‑bnyamin. ġwilli iqaman ġ‑irgazn, yazn‑tn kud yan s‑illiġ izdġ.

1 ṣamwil 13:2 Iomraidhean Croise

1 ṣamwil 10:26

iwrri šawl ula ntta s‑tgmmi‑ns ġ‑gibɛa, munn dids kra n‑irgazn ḥaršnin lli‑mi‑n‑iggr rbbi i‑uwl‑nsn.

1 ṣamwil 10:5

truḥt ilmma gibɛa‑aluhim [awrir n‑rbbi], tlla gis lqʷšla n‑ayt‑filisṭin. ġakud nna‑tlkmt tamdint‑an, ra‑tmnaggart yat tamunt n‑lanbiya huwwdn‑d zġ‑uwrir s‑rribab d‑wallun d‑uɛwwad d‑luṭar, ar‑sawaln s‑mad‑asn‑d‑imala rbbi.

1 ṣamwil 13:1

izayd šawl iḥkam f‑ayt‑israyil yan‑usggʷas. wis sin isggʷasn

1 ṣamwil 13:11

imma ṣamwil isqsa‑t: «ma‑tskrt?» yini‑as šawl: «ẓriġ mddn ar‑flla‑takutn, d‑kiyi ur‑di‑tuškit ġ‑luqt lli‑nskr, d‑ayt‑filisṭin hatni munn‑d ġ‑mih̬maš.

1 ṣamwil 13:15

inkr ṣamwil iffuġ gilgal. imma wiyyaḍ ḍfurn šawl s‑dar inmmaġn yaḍni, awnn dids zġ‑gilgal s‑gibɛa ġ‑wakal n‑bnyamin. izayd šawl iḥasb mddn lli‑dids‑illan, gn ma‑itggan sḍis id‑miyya (600) n‑urgaz.

1 ṣamwil 13:16

iqama šawl d‑yus yunatan d‑usmun‑nsn ġ‑gibɛa ġ‑wakal n‑bnyamin. imma ayt‑filisṭin srsn ġ‑mih̬maš.

1 ṣamwil 13:5

munn‑d ayt‑filisṭin a‑n‑akʷin f‑ayt‑israyil s‑kraḍ id‑mraw n‑walf (30 000) n‑lkrarṣ, d‑sḍis id‑walf (6000) n‑umnay, d‑tugtt n‑inmmaġn zund amlal n‑tama n‑umda. awnn‑d srsn ġ‑mih̬maš, ġ‑tsga n‑bayt‑awin lli‑iwalan asġlay n‑tafukt.

1 ṣamwil 14:52

illa imiġ išqan d‑ayt‑filisṭin kullu ussan n‑šawl. imma šawl innaġ iẓra kra n‑yan idusn ula kra n‑yan iḥaršn, yawi‑t‑id s‑gr‑usmun‑ns.

1 ṣamwil 15:34

iddu ṣamwil ġakudan s‑rama, imma šawl yiwn s‑tgmmi‑ns ġ‑gibɛa n‑šawl.

1 ṣamwil 24:3

lliġ ifta šawl, ilkm dar‑wazrib n‑uwlli, ikšm s‑yan ifri a‑gis‑idl iḍarn‑ns. ttaġ‑d ifri‑an, illa gis dawd d‑irgazn‑ns, gawrn ġ‑iwẓẓa aggugnin ġ‑ugʷns‑ns.

1 ṣamwil 8:11

yini‑asn: «ġmkad a‑rad‑gnt‑tnbaḍin n‑ugllid lli‑ra‑fllawn‑iḥkam. ra‑yawi tarwa‑nun ad‑as‑ṣwagn lkrarṣ, ar‑as‑tnayn f‑iysan, ar‑tazzaln ula ġ‑lgddam n‑lkrarṣ.