yahuda 1:4 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁴ ašku kšmn‑in kra n‑mddn s‑gratun s‑tntla. ityara fllasn zġ‑isizwar f‑lḥukm lli‑ra‑fllasn‑iḍr. ntni ur‑a‑tuqqarn rbbi. ar‑tfsadn ar‑ttinin izd ġmkan a‑tga lbaraka n‑rbbi. rarn tiġurdin‑nsn s‑yasuɛ lmasiḥ, d‑nttan waḥdut a‑igan bab‑nnġ ig siditnnġ.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁴ اشكو كشمن‑ين كرا ن‑مدّن س‑گراتون س‑تنتلا. ءيتيارا فلّاسن زغ‑يسيزوار ف‑لحوكم لّي‑را‑فلّاسن‑يضر. نتني ءور‑ا‑توقّارن ربّي. ار‑تفسادن ار‑تّينين ءيزد غمكان ا‑تگا لباراكا ن‑ربّي. رارن تيغوردين‑نسن س‑ياسوع لماسيح، د‑نتّان واحدوت ا‑يگان باب‑نّغ ءيگ سيديتنّغ.

yahuda 1:4 Iomraidhean Croise

matta 13:25

lliġ ign ġ‑iyḍ yašk‑id yan‑unuwwaš‑ns, iluḥ‑n wazkkun ġ‑gr irdn, iddu ifl‑t.

yuḥanna 17:3

ġmkad a‑tga tudrt idumn, a‑k‑issann kiyi lli‑igan rbbi l‑lḥqq, issann yasuɛ lmasiḥ lli‑di‑tuznt.

irqqasn 11:23

lliġ‑n‑ilkm, iẓr mamnk a‑tn‑ibark rbbi, ifrḥ izzɛam‑tn kullutn ad‑amẓn ġ‑siditnnġ s‑uwl izgan.

irqqasn 15:24

nsfld f‑kra n‑mddn uškan‑in zġ‑darnnġ inin‑awn kra‑s‑awn‑t‑ssṭiyyrn aylliġ tusim taġuft f‑iwaliwn‑nsn. walaynni urd nkkʷni a‑tn‑in‑yuznn.

گالاطيّا 2:4

walaynni llan ġin kra n‑mddn skrn zund iġ‑gan aytmatnnġ, kšmn darnnġ s‑tntla, irin ad‑ẓrn mamnk a‑nskar ġilad ġ‑aġ‑irẓm lmasiḥ zġ‑iskraf n‑ššrɛ. ar‑ttirin ad‑aġ‑krsn‑daġ zund ismgan.

گالاطيّا 5:13

way‑aytma, iġra‑yawn rbbi a‑trẓmm zġ‑iskraf. walaynni a‑ur‑ttinim «ntyawrẓam ġilad, nẓḍar a‑nskar aynna ira ih̬f‑nnġ.» ašku illa fllawn a‑ttḥnnum ar‑ttqasam i‑ngratun.

afsus 4:14

ur‑sul‑ra‑ng zund tarwa mẓẓinin, ar‑tn‑itawi‑waḍu n‑kraygatt almmud l‑ljdid, ar‑jllun s‑lḥilat n‑imġḍarn lli‑stt‑zzraynin f‑mddn s‑tkrkas.

1 timutaws 5:8

ašku wanna ur‑itɛawann tagʷmat‑ns, han iffuġ aġaras l‑lmasiḥ, yʷh̬šn uggʷar n‑willi ur‑akkʷ‑ssinnin aġaras, d‑bahra iġ‑ur‑a‑itɛawan ayt‑dars.

2 timutaws 2:12

iġ‑a‑ntṣbar ra‑dids‑ntḥkam. iġ‑nenna ur‑t‑nssin ra‑yini ur‑aġ‑issin.

2 timutaws 3:6

wan ġwid a‑ikššmn s‑tgʷmma zund ingʷmarn, ar‑tt‑zzrayn f‑tmġarin lli‑ur dar lɛaql, ẓẓayn fllasnt ddnub‑nsnt, ar‑tnt‑itawi kullu kra ttirint.

1 bṭrus 2:16

zzriyat ussan‑nnun mknna tram, walaynni a‑ur‑ttinim d‑ih̬f‑nnun: «ha‑yaġ nẓḍar a‑nskr mknna nra. nkrat a‑nskr ma‑yʷh̬šnn.» zzriyat ussan‑nnun ġmklli‑d‑iqqann ih̬ddamn n‑rbbi.

1 bṭrus 2:8

ityara‑daġ: «aẓru‑ad ra‑ig tabayḍḍrt i‑mddn, ig ifir lli‑ra‑tn‑issknuki.» ntni ar‑ṭṭarn ġilad ašku agʷin ad‑skarn s‑wawal n‑rbbi. ġmkan a‑tn‑d‑iqqann.

1 bṭrus 4:18

ġmklli ityaran: «iġ‑išqa a‑injm yan ifulkin ma‑ra‑ijru i‑yan irurn tiġurdin‑ns s‑rbbi ula yan isalan ddnub?»

2 bṭrus 2:10

ra‑stt‑yut s‑uggʷar f‑willi skarnin s‑ššhwat lli‑bahra‑rkanin ḥgrn ġwalli fllasn iḥkamn. imma imslmdn‑an šqan bahra. ar‑zzɛamn ih̬fawn‑nsn, ar‑rggmn ula ġ‑inmġurn n‑ignwan bla‑da‑tiksaḍn.

2 bṭrus 2:7

walaynni ijjnjm luṭ lli‑igan argaz ifulkin, ašku ṭiyyr‑as i‑luṭ bahra f‑mamnk ad‑fsadn mddn‑an ʷh̬šnnin.

2 bṭrus 3:7

imma ġilad s‑wawal‑ns a‑s‑iḥḍa rbbi ignwan d‑wakal, baš a‑tyawhlakn s‑lɛafit ġ‑wass l‑lḥsab lli‑ġ‑ra‑ihlk ġwilli srs rurnin tiġurdin.

1 yuḥanna 2:22

manwa igan bu‑tkrkas? iga‑t wanna innan «yasuɛ ur‑igi lmasiḥ n‑rbbi.» yan innan ġmkan, iga anuwwaš l‑lmasiḥ, irar tiġurdin‑ns s‑rbbi babatnnġ ula s‑yus.

yahuda 1:15

baš a‑iḥkam f‑kullu mddn. ra‑ihlk kullu willi srs rurnin tiġurdin f‑ssibt n‑iskkirn‑nsn ʷh̬šnnin lli‑skarn s‑lh̬ʷšant lli‑gisn‑illan, ula f‑kullu tirggam lli‑s‑t‑rgmn.»

yahuda 1:18

nnan‑awn: «ġ‑uwssan ggʷranin a‑rad‑d‑aškin kra n‑iṭnnaẓn. rad‑skarn s‑lh̬ʷšant lli‑ittiri ih̬f‑nsn.»

anurẓm 15:4

wa‑sidi rbbi, ma‑ur‑ra‑iḍr ġ‑lgddam‑nnk? ma‑ur‑ra‑yuqqr lmjd n‑ism‑nnk? ašku kiyi waḥduk a‑iṣfan. rad‑d‑aškin mddn ad‑ak‑sjdn zġ‑kullu timizar n‑ddunit. ašku ibayyn‑asn‑d lḥqq n‑tnbaḍin‑nnk.»