yahuda 1:3 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

³ way‑aytma ɛzzanin, skrġ f‑ad‑awn‑in‑araġ s‑lfrḥ f‑ujnjm lli‑s‑kullu‑nnjm nkkʷni didun, walaynni ufiġ‑n is‑iyi‑ih̬ṣṣa ad‑awn‑in‑araġ f‑a‑kʷn‑zzɛamġ a‑ttjaḥadm f‑ulmmud l‑liman izgan lli‑d‑issbayyn rbbi i‑imẓlayn‑ns.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

³ واي‑ايتما عزّانين، سكرغ ف‑اد‑اون‑ين‑اراغ س‑لفرح ف‑وجنجم لّي‑س‑كولّو‑ننجم نكُّني ديدون، والاينّي ءوفيغ‑ن ءيس‑يّي‑يخصّا اد‑اون‑ين‑اراغ ف‑ا‑كُن‑زّعامغ ا‑تّجاحادم ف‑ولمّود لّيمان ءيزگان لّي‑د‑يسّبايّن ربّي ءي‑يمژلاين‑نس.

yahuda 1:3 Iomraidhean Croise

irqqasn 17:3

ar‑asn‑ittini: «iqqan‑d ġwalli igan lmasiḥ a‑irfufn bahra, inkr‑d ilmma zġ‑lmut.» ar‑asn‑ittini: «yasuɛ lli‑f‑a‑yawn‑tbrraḥġ, nttan a‑igan lmasiḥ lli‑s‑a‑ttqlm.»

irqqasn 18:28

ašku ar‑isawal s‑ayt‑yudaya ġ‑lgddam n‑kullu mddn, aylliġ ur‑ẓḍarn ntni a‑fllas‑rarn awal. ar‑asn‑imala zġ‑warratn n‑rbbi izd yasuɛ a‑igan lmasiḥ lli‑s‑a‑tqln.

irqqasn 20:27

ašku ur‑ḥṣarġ ih̬f‑inu walaynni mliġ‑awn f‑kullu ma‑gigun‑ira rbbi.

irqqasn 28:28

f‑mayan a‑f‑rad‑awn‑iniġ, ajnjm‑ad ifka‑t rbbi ġilad i‑ayt‑tmizar yaḍni. ntni a‑ra‑srs‑isfld.»

irqqasn 4:12

ur‑iẓḍar yan a‑injm zġ‑lhalak abla srs nttan, ašku ur‑illi ġ‑ddu ignwan kra n‑ism yaḍni ifka‑t rbbi ma‑s‑a‑itnjam bnadm.»

irqqasn 6:7

iggut ma‑isflidn s‑wawal n‑rbbi ġ‑uwssan‑an, ar‑bahra‑ttigatn imḥḍarn ġ‑urušalim. kigan d‑inmġurn n‑tgmmi n‑rbbi a‑yumẓn aġaras l‑lmasiḥ ula ntni.

irqqasn 9:13

isawl ḥananiyya yini: «wa‑sidi, sfldġ i‑kullu ma‑ttinin mddn f‑urgaz‑an ula kullu ma‑iskar yʷh̬šn i‑imẓlayn‑nnk ġ‑urušalim.

irqqasn 9:22

imma šawl ar‑itzayad ar‑isawal s‑tḥkimt itjhhdn ar‑imala is‑iga yasuɛ ġwalli‑d‑yuzn rbbi a‑ig lmasiḥ, aylliġ ur‑ufin ayt‑yudaya lli‑zdġnin ġ‑dimašq mamnk a‑fllas‑traran awal.

1 kurintus 15:3

ašku awal ihiyyan lli‑yyi‑d‑ilkmn, sslkmġ‑awn‑t‑in ula kunni, iniġ‑awn is‑immut lmasiḥ a‑yasi ddnub‑nnġ ġmklli ityaran ġ‑warratn n‑rbbi.

گالاطيّا 2:5

imma nkkʷni ur‑akkʷ‑nqbil yat ġ‑maylli‑aġ‑ttinin, baš a‑ur‑fllawn‑kkisn lḥqq l‑lh̬bar ifulkin.

گالاطيّا 3:28

mayad a‑f‑ur‑a‑sul‑nẓẓmẓlay gu‑yudaya zġ‑gu‑yunan, ula‑da‑nẓẓmẓlay awtm zġ‑tawtmt ula ismg zġ‑wad‑igan win ih̬f‑ns, ašku tgam kullu yan ġ‑lmasiḥ yasuɛ.

گالاطيّا 6:11

ẓrat mnšk ayd‑s‑mqqurnt tirra‑yad‑awn‑in‑uriġ nkki s‑ufus‑inu.

afsus 1:1

zġ‑bulus arqqas l‑lmasiḥ yasuɛ ġmklli ira rbbi. i‑imẓlayn n‑rbbi ġ‑tmdint n‑afsus lli‑zganin ġ‑uġaras l‑lmasiḥ yasuɛ.

filibbi 1:1

zġ‑bulus d‑timutaws, ih̬ddamn l‑lmasiḥ yasuɛ, i‑kullu imẓlayn l‑lmasiḥ yasuɛ ġ‑tmdint n‑filibbi ula ingabaln d‑imɛawann‑nnun.

filibbi 1:27

walaynni illa fllawn a‑tskarm s‑ma‑d‑imšaškan d‑lh̬bar ifulkin l‑lmasiḥ. ašku riġ a‑bdda‑fllawn‑sflidġ is‑kullu‑tzgam ġ‑yan‑uġaras, iġ‑d‑fllawn‑aggugġ nġd iġ‑n‑darun‑uškiġ, ar‑kullu‑tth̬damm s‑yat‑tnbaṭṭ baš a‑tsslmadm lḥqq l‑lh̬bar ifulkin ġmklli iga

kulussi 1:2

i‑aytmatnnġ ġ‑tmdint n‑kulussi, a‑tn‑igan d‑imẓlayn n‑rbbi lli‑zganin ġ‑uġaras l‑lmasiḥ. ad‑awn‑tili lbaraka d‑sslamt zġ‑rbbi babatnnġ.

1 tasaluniki 2:2

tsfldm f‑mad‑aġ‑ijran lliġ ur‑ta‑n‑nruḥ s‑darun, ssrfufnn‑aġ mddn ġ‑tmdint n‑filibbi rgmn‑aġ bahra, walaynni izzɛam‑aġ rbbi‑nnġ baš ad‑awn‑nsawl f‑lh̬bar ifulkin lli‑aġ‑imla wah̬h̬a illa ma‑yaġ‑itẓin bahra.

1 timutaws 1:18

wa‑iwi timutaws, fkiġ‑ak luṣit‑ad ġmklli fllak nnan aytmatn ġayd izrin s‑iwaliwn lli‑asn‑imla rbbi. amẓ ġ‑iwaliwn‑nsn baš a‑tbkist ar‑tkkatt takrrayt f‑ufulki.

1 timutaws 6:12

bkis ar‑tkkatt takrrayt l‑liman, tamẓt ġ‑tudrt idumn lli‑s‑ak‑iġra rbbi lliġ tnnit i‑inagan ggutnin f‑mamnk a‑tumnt s‑lmasiḥ.

2 timutaws 1:13

amẓ‑bdda ġ‑ulmmud yʷġẓann lli‑mi‑dari‑tsfldt, tɛmmrt s‑liman d‑lḥnant lli‑aġ‑illan ġ‑tamunt l‑lmasiḥ yasuɛ.

tiṭus 1:4

i‑tiṭus iwi iɛzzan ġ‑tagʷmat l‑liman‑nnġ. ad‑ak‑tili lbaraka d‑sslamt zġ‑rbbi babatnnġ d‑lmasiḥ yasuɛ anjjam‑nnġ.

iɛbrin 13:22

way‑aytma, riġ ad‑awn‑ḍalbġ a‑tqblm iwaliwn‑ad lli‑s‑kʷn‑uṣṣaġ, ašku ur‑bahra‑tġzzif‑tbrat‑ad.

iɛbrin 6:9

way‑aytma ɛzzanin, wah̬h̬a srun nsawl ġmkad, nssn is‑gigun‑illa ma‑yufn ġayan, ašku tgam wid ijjnjm rbbi.

1 bṭrus 5:12

tabrat‑ad igzzuln uriġ‑awn‑tt‑in f‑ufus n‑silwanus lli‑dari‑igan gʷma ifulkin izgan. araġ‑tt‑in baš a‑kʷn‑zzɛamġ, mlġ‑awn izd ġmkad a‑tga lbaraka n‑rbbi s‑lḥqq. zgayat ġ‑lbaraka‑yad.

2 bṭrus 1:1

zġ‑simɛan bṭrus ah̬ddam d‑urqqas n‑yasuɛ lmasiḥ. i‑willi mi ityawfka liman iɛzzan lli‑aġ‑d‑ityawfkan ula nkkʷni s‑ufulki n‑rbbi‑nnġ d‑unjjam‑nnġ yasuɛ lmasiḥ.

2 bṭrus 2:21

yuf‑asn mrad is‑ur‑akkʷ‑ssinn aġaras n‑ufulki, ula ard‑t‑issann rarn ilmma tiġurdin s‑wawal lli‑f‑tn‑yuṣṣa rbbi.

yahuda 1:1

zġ‑uh̬ddam n‑yasuɛ lmasiḥ, yahuda gʷmas n‑yaɛqub. i‑willi‑f‑iḥnna rbbi babatnnġ iġr‑asn‑d, ar‑tn‑issntal yasuɛ lmasiḥ.

yahuda 1:17

way‑aytma ɛzzanin, swangmad‑d iwaliwn n‑irqqasn n‑siditnnġ yasuɛ lmasiḥ lli‑s‑awn‑nnan f‑ma‑ra‑ijru.

yahuda 1:20

imma kunni ay‑aytma ɛzzanin, ssdusat ih̬fawn‑nnun ġ‑liman iɛzzan lli‑awn‑ifka rbbi, ar‑ttẓallam ġmklli‑awn‑imala rruḥ lqudus.

anurẓm 12:11

nran‑t ntni s‑idammn n‑ulqqaġ ula s‑wawal n‑tugga‑nsn, ašku ujadn ad‑fkn ih̬f‑nsn ar lmut.

anurẓm 2:10

imma ġilad, ad‑ur‑tiksaṭṭ tanukmut lli‑ra‑fllak‑izri. hati ra‑k‑yarm iblis iluḥ‑n kra gigun ġ‑lḥbs. ra‑trfufnt mraw‑uwssan. zga ġ‑uġaras‑inu ar lmut, fkġ‑ak ttaj n‑tudrt.