yahuda 1:1 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹ zġ‑uh̬ddam n‑yasuɛ lmasiḥ, yahuda gʷmas n‑yaɛqub. i‑willi‑f‑iḥnna rbbi babatnnġ iġr‑asn‑d, ar‑tn‑issntal yasuɛ lmasiḥ.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹ زغ‑وخدّام ن‑ياسوع لماسيح، ياهودا گماس ن‑ياعقوب. ءي‑ويلّي‑ف‑يحنّا ربّي باباتنّغ ءيغر‑اسن‑د، ار‑تن‑يسّنتال ياسوع لماسيح.

yahuda 1:1 Iomraidhean Croise

matta 10:3

d‑filibbus, d‑bartulamaws, d‑tuma, d‑matta lli‑sttin‑ikkan iga bu‑nkkas, d‑yaɛqub yus n‑ḥalfa, d‑taddaws,

matta 13:55

is‑urd yus n‑unjjar ayad? is‑urd maryam a‑igan innas? is‑urd yaɛqub d‑yusf d‑simɛan d‑yahuda a‑igan aytmas?

marqus 3:18

isti andraws d‑filibbus d‑bartulamaws d‑matta d‑tuma d‑yaɛqub yus n‑ḥalfa d‑taddaws d‑simɛan awaṭani,

marqus 6:3

is‑urd anjjar ayad, yus n‑maryam, gʷmas n‑yaɛqub d‑yusi d‑yahuda d‑simɛan? is‑urd istmas ayd‑didnnġ‑illan ġid?» ntni bzgn fllas.

luqa 6:16

d‑yahuda yus n‑yaɛqub, ntni d‑yahuda ish̬aryuṭ lli‑ra‑izznz yasuɛ tigira.

yuḥanna 12:26

wanna iran a‑ig zġ‑ih̬ddamn‑inu, illa fllas ad‑didi‑itmunu, yili‑uh̬ddam‑inu ġ‑innaġ lliġ nkki. d‑wanna igan ah̬ddam‑inu, rbbi baba a‑ra‑t‑yuqqr.

yuḥanna 14:22

isqsa‑t yahuda yaḍni urd ish̬aryuṭ, yini‑as: «mamnk a‑sidi a‑rad‑aġ‑di‑tssbayynt ih̬f‑nnk, ur‑ra‑ti‑tssbayynt i‑ddunit?»

yuḥanna 15:16

ur‑iyi‑tstim kunni walaynni nkki a‑kʷn‑istin, ẓliġ‑kʷn a‑ttidum ar‑tskarm lġllt iggutn lli‑rad‑bdda‑idum. ġmkad a‑s‑rad‑awn‑ifk baba aynna zġ‑gis tḍalbm s‑ism‑inu.

yuḥanna 17:15

ur‑a‑k‑tḍalabġ a‑tn‑tssittit zġ‑ddunit walaynni a‑tn‑tssntalt zġ‑iblis.

yuḥanna 17:17

ḍalbġ‑k a‑tn‑tẓẓlit i‑ih̬f‑nnk s‑uẓlay l‑lḥqq. awal‑nnk a‑igan lḥqq.

yuḥanna 17:19

f‑ssibt‑nsn a‑f‑ẓẓliġ ih̬f‑inu i‑uġaras‑nnk baš ad‑ẓẓlin ula ntni ih̬fawn‑nsn i‑uġaras‑nnk s‑lḥqq.

yuḥanna 6:39

ġmkad a‑ira ġwalli‑yyi‑d‑yuznn, ira a‑ur‑ityawhlak yan zġ‑willi‑yyi‑ifka, yiri a‑tn‑d‑ssnkrġ ġ‑wass iggʷran n‑ddunit.

irqqasn 1:13

lliġ lkmn tamdint ġlin s‑uḥanu n‑uflla lli‑ġ‑a‑tgawarn. illa bṭrus d‑yuḥanna d‑yaɛqub d‑andraws d‑filibbus d‑tuma d‑bartulamaws d‑matta d‑yaɛqub yus n‑ḥalfa d‑simɛan awaṭani d‑yahuda yus n‑yaɛqub.

irqqasn 20:32

«imma ġilad ra‑kʷn‑flġ ġ‑ufus n‑rbbi, flġ darun awal l‑lbaraka‑ns lli‑iẓḍarn a‑kʷn‑issdus išškšm‑kʷn s‑tmih̬ar ggutnin lli‑ra‑yili i‑kullu willi iẓli ad‑gn wins.

irqqasn 27:23

ašku ġ‑iḍ‑ad ibidd‑d sri yal‑lmalak n‑rbbi lli‑mi‑giġ wins ar‑ti‑tɛbadġ,

ruma 1:1

zġ‑bulus ah̬ddam l‑lmasiḥ yasuɛ. iġra‑yyi‑d iẓli‑yyi ad‑gġ arqqas‑ns ar‑tbrraḥġ s‑lh̬bar ifulkin n‑rbbi.

ruma 1:6

ula kunni tgam zġ‑willi mi iġra rbbi ad‑gn win yasuɛ lmasiḥ.

ruma 16:18

ašku ġwilli skarnin ġmkad urd siditnnġ a‑mi‑th̬damn walaynni adis‑nsn. s‑iwaliwn šwanin mimnin a‑s‑a‑jllun lɛaql n‑wanna igan lġšim.

ruma 6:22

walaynni rbbi ifsi‑awn zġ‑iskraf n‑ddnub. twrrim tgm ismgan n‑rbbi, ttyawẓlaym a‑tgm wins tili‑awn lfaytt n‑tudrt idumn.

ruma 8:30

imma ġwilli iẓli, iġra‑yasn‑d. d‑willi mi‑d‑iġra, ifka‑yasn sslamt ġ‑gras didsn. d‑willi mi ifka sslamt, išškšm‑tn s‑lmjd‑ns.

ruma 9:24

a‑tn‑igan d‑nkkʷni lli‑mi‑iġra zġ‑gr ayt‑yudaya ula‑daġ zġ‑gr ayt‑tmizar yaḍni. ġmklli inna rbbi ġ‑warra n‑nnabi hušaɛ:

1 kurintus 1:2

i‑ayt‑umnaggar n‑rbbi ġ‑tmdint n‑kurintus, a‑tn‑igan d‑willi iẓli rbbi f‑uwdm l‑lmasiḥ yasuɛ ad‑gn imẓlayn‑ns, zund kullu wiyyaḍ ġ‑kraygatt mani lli‑zawgnin ġ‑ism n‑siditnnġ yasuɛ lmasiḥ, ig siditsn ig siditnnġ ula nkkʷni.

1 kurintus 6:11

ula kunni, kra gigun ikka‑ttin ar‑iskar ġmkan, walaynni isird‑kʷn siditnnġ yasuɛ lmasiḥ s‑rruḥ n‑rbbi‑nnġ, iẓli‑kʷn iskr sslamt ġ‑gratun d‑rbbi.

afsus 5:26

baš a‑t‑iẓli s‑wawal‑ns, issġus‑t s‑usird n‑waman.

1 tasaluniki 2:12

ar‑kʷn‑ntnṣaḥ nini‑awn a‑tskarm ġmklli‑d‑iqqann ġwilli ganin win rbbi lli‑awn‑d‑iġran a‑tkšmm s‑tgldit‑ns ula lmjd‑ns.

1 tasaluniki 5:23

imma ġilad ḍalbġ zġ‑rbbi lli‑bdda‑yakkan sslamt a‑kʷn‑issġus zġ‑kullu ma‑gigun‑yʷh̬šnn, ijjnjm ul‑nnun ula rruḥ‑nnun ula ddat‑nnun zġ‑kullu kra igan lɛib ard‑d‑yašk siditnnġ yasuɛ lmasiḥ.

2 timutaws 1:9

ijjnjm‑aġ rbbi zġ‑ddnub‑nnġ iġr‑aġ a‑ng imẓlayn‑ns, urd f‑ssibt n‑kra nskar nkkʷni walaynni f‑ssibt n‑ma‑iqṣad nttan ad‑aġ‑ibark f‑uwdm l‑lmasiḥ yasuɛ ur‑ta‑ih̬lq ddunit.

2 timutaws 4:18

ra‑yyi‑ijjnjm siditnnġ zġ‑kullu ma‑yʷh̬šnn, issruḥ‑iyi‑n ġ‑laman s‑tgldit‑ns n‑ignna. nttan a‑bahra‑ntalġ ġilad ula kullu mayd‑d‑iftan. amin.

iɛbrin 3:1

way‑aytma imẓlayn lli‑mi‑d‑iġra rbbi ad‑kšmn s‑tamunt‑ad, swingimad‑d yasuɛ lli‑d‑ityazann a‑ig anmġur ihiyyan l‑liman lli‑ġ‑numẓ.

yaɛqub 1:1

zġ‑yaɛqub ah̬ddam n‑rbbi d‑siditnnġ yasuɛ lmasiḥ, i‑ayt‑rbbi lli‑akutnin ġ‑ddunit kullutt. ad‑awn‑tili sslamt.

1 bṭrus 1:2

iẓli‑kʷn rbbi babatnnġ s‑tḥkimt n‑rruḥ lqudus ġmklli iqṣad zġ‑isizwar, baš a‑tskarm s‑iwaliwn n‑yasuɛ lmasiḥ tġusm s‑idammn‑ns. ad‑awn‑tigat lbaraka d‑sslamt.

1 bṭrus 1:5

s‑tḥkimt‑ns itjhhdn a‑s‑a‑kʷn‑issntal kunni lli‑srs‑umnnin, ard tnjmm s‑ujnjm ikmmln lli‑rad‑awn‑yili ġ‑isiggʷra n‑ddunit.

1 bṭrus 2:9

imma kunni, tgam mddn tyawẓlaynin, tgm ayt‑tgldit n‑rbbi, ar‑n‑tsrasm ġ‑lgddam‑ns tiwafkiw lli‑s‑a‑itrḍu. tgm ayt‑rbbi, iẓli‑kʷn a‑tgm wins, baš a‑ttawim lh̬bar i‑mddn f‑kullu ma‑iskr ġwalli‑awn‑d‑iġran zġ‑tillas s‑tifawt l‑lmjd‑ns.

1 bṭrus 5:10

walaynni rbbi lli‑bdda‑iran ad‑aġ‑ibark, iġra‑yawn‑d a‑tkšmm s‑lmjd‑ns idumn ġ‑tamunt l‑lmasiḥ. tigira n‑ma‑trfufnm yan imikk, ra‑kʷn‑yawi s‑sslamt ikmmln issdus‑kʷn izzga‑kʷn issbidd‑kʷn f‑llsas iṣḥan.

2 bṭrus 1:1

zġ‑simɛan bṭrus ah̬ddam d‑urqqas n‑yasuɛ lmasiḥ. i‑willi mi ityawfka liman iɛzzan lli‑aġ‑d‑ityawfkan ula nkkʷni s‑ufulki n‑rbbi‑nnġ d‑unjjam‑nnġ yasuɛ lmasiḥ.

yahuda 1:21

tḥḍum ih̬fawn‑nnun ġ‑lḥnant n‑rbbi ġilad ġ‑a‑ttqlm s‑tudrt l‑lih̬rt lli‑s‑ra‑kʷn‑in‑išškšm siditnnġ yasuɛ lmasiḥ s‑rrḥmt‑ns.

yahuda 1:3

way‑aytma ɛzzanin, skrġ f‑ad‑awn‑in‑araġ s‑lfrḥ f‑ujnjm lli‑s‑kullu‑nnjm nkkʷni didun, walaynni ufiġ‑n is‑iyi‑ih̬ṣṣa ad‑awn‑in‑araġ f‑a‑kʷn‑zzɛamġ a‑ttjaḥadm f‑ulmmud l‑liman izgan lli‑d‑issbayyn rbbi i‑imẓlayn‑ns.