yaɛqub 5:5 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁵ tzzrim ussan‑nnun ġ‑ddunit s‑kullu ma‑ttirim, ar‑tšttam ar‑ttfraḥm ar‑ttɛalafm ddat‑nnun i‑wass n‑tġrsi.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁵ تزّريم ءوسّان‑نّون غ‑دّونيت س‑كولّو ما‑تّيريم، ار‑تشتّام ار‑تّفراحم ار‑تّعالافم دّات‑نّون ءي‑واسّ ن‑تغرسي.

yaɛqub 5:5 Iomraidhean Croise

luqa 16:19

«ha‑yan‑urgaz iṭṭafn ayda iggutn, ar‑ilssa aslham aẓggʷaġ d‑tmlsa šwanin, ar‑ištta ar‑issa ifrḥ d‑ih̬f‑ns kraygatt ass.

luqa 16:25

irar‑as ibrahim: ‹kti‑d a‑iwi is‑tumẓt timih̬ar‑nnk ġ‑ddunit, yamẓ liɛazr tarfufnt. imma ġilad ifrḥ liɛazr ġid, trfufnt kiyi.

ruma 13:13

yili fllannġ a‑nskar ġmklli‑d‑iqqann ayt‑uzal. a‑ur‑ttmunum f‑tillay ʷh̬šnnin ula‑da‑tssnufulm ih̬fawn‑nnun s‑tissi. a‑ur‑ttšthum ula‑da‑ttfsadm. a‑ur‑ttmmaġm ula‑da‑ttnuwwašm.

1 timutaws 5:6

imma tahjjalt nna‑isalan ma‑ira ih̬f‑ns, han tmmut ġ‑rruḥ wah̬h̬a tsul ġ‑ddat.

2 timutaws 3:4

ur‑rad‑zgan ġ‑wawal‑nsn ula‑da‑tnbaḍn ġ‑ih̬f‑nsn, walaynni rad‑tḥgarn wiyyaḍ. rad‑tlhun s‑kullu ma‑tn‑iɛjbn, ur‑ra‑tlhun s‑ma‑ira rbbi.

2 bṭrus 2:13

rad‑asn‑d‑irar rbbi arfufn f‑urfufn lli‑skarn i‑wiyyaḍ. ntni iɛjb‑tn ad‑skarn ma‑ittiri ih̬f‑nsn ula ġ‑uzal ġ‑lgddam n‑mddn. irkan d‑lɛar ad‑gan ġ‑darun, ar‑tfraḥn s‑tillay‑nsn lliġ a‑didun‑tmunun f‑imnsiwn‑nnun.

yahuda 1:12

irkan ad‑gan ġ‑darun lliġ a‑didun‑tmunun f‑imnsiwn‑nnun, ar‑šttan ar‑ḍṣṣan i‑ngratsn bla‑da‑tḥšamn, ar‑tsalan ġir ih̬fawn‑nsn. gan zund timdla lli‑ġ‑ur‑llin‑waman, ar‑tnt‑idḥay‑waḍu. gn zund isġarn bla lġllt ġ‑uzmz‑ns, mmutn f‑snat‑twal, akufn zġ‑iẓuran.

anurẓm 18:7

tɛbbrm‑as tarfufnt d‑tguḍi s‑lɛbrt lli‑s‑tɛbbr i‑ih̬f‑ns lmjd d‑lh̬ir. ašku ar‑ttini nttat ġ‑uwl‑ns: ‹ha‑yyi tagllitt ad‑giġ f‑lɛrš‑inu. ur‑giġ tahjjalt, ur‑sar‑kkin imṭṭawn alln‑inu.›