yaɛqub 4:4 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁴ han tffuġm aġaras bahra. is‑ur‑tssinm mayad? wanna dar tɛzza ddunit, irur tiġurdin‑ns s‑rbbi. yan dar iɛzza ma‑igan win ddunit, iga ih̬f‑ns d‑wad iẓin d‑rbbi.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁴ هان تفّوغم اغاراس باهرا. ءيس‑ور‑تسّينم ماياد؟ وانّا دار تعزّا دّونيت، ءيرور تيغوردين‑نس س‑ربّي. يان دار ءيعزّا ما‑يگان وين دّونيت، ءيگا ءيخف‑نس د‑واد ءيژين د‑ربّي.

yaɛqub 4:4 Iomraidhean Croise

matta 12:39

imma ntta irur‑asn: «tasut yʷh̬šnn ifsadn ayad, tḍalb tamatart. ur‑rad‑as‑ttyawfka kra n‑tmatart abla tamatart n‑nnabi yuna.

matta 16:4

tasut yʷh̬šnn ifsadn ayad, tḍalb tamatart. ur‑rad‑as‑ttyawfka kra n‑tmatart abla tamatart n‑nnabi yuna.» ifl‑tn ilmma iddu.

matta 6:24

«ur‑ra‑yiẓḍar yan a‑iqasa sin id‑sidis. imma ra‑ikrhu yan yiri wayyaḍ, nġd ra‑ituqqar yan iḥgr wayyaḍ. ur‑ra‑tiẓḍarm a‑tgm ismgan n‑rbbi d‑win‑wayda.

luqa 19:27

imma inuwwašn‑an‑inu lli‑ur‑rinin ad‑gġ agllid‑nsn, awiyat‑tn‑d tnġm‑tn ġ‑lgddam‑inu.›»

yuḥanna 15:19

mrad is‑tgam win ddunit, ra‑kʷn‑ttirin ayt‑ddunit zund mddn‑nsn. walaynni ẓliġ‑kʷn zġ‑ddunit. ur‑akkʷ‑tgim win ddunit. mayan a‑f‑a‑kʷn‑tkrhun ayt‑ddunit.

yuḥanna 17:14

mliġ‑asn awal‑nnk, krhun‑tn mddn n‑ddunit‑ad ašku ur‑gin win ddunit, ġmklli ur‑giġ nkki win ddunit.

yuḥanna 7:7

kunni, ur‑gigun‑illi ma‑f‑a‑kʷn‑tkrhun ayt‑ddunit‑ad, imma nkki ar‑iyi‑tkrhun f‑tugga lli‑akkaġ f‑lh̬ʷšanat lli‑skarn.

ruma 5:10

ašku lliġ sul nga wid tẓinin d‑rbbi, iskr sslamt ġ‑gratnnġ dids s‑lmut n‑yus. imma ġilad ġ‑tlla sslamt ġ‑gratnnġ dids, nssn s‑uggʷar is‑rad‑aġ‑ijjnjm s‑tudrt‑ns.

ruma 8:7

yan itlhun s‑ddat, hati ar‑itmmaġ d‑rbbi, ašku ur‑a‑iskar s‑tnbaḍin n‑rbbi, ur‑akkʷ‑iẓḍar a‑srsnt‑iskar.

1 kurintus 1:20

ma‑iga bab l‑lɛaql? ma‑iga bab n‑tġri? ma‑iga bab n‑iwaliwn n‑ddunit‑ad? ha‑rbbi irur lɛaql n‑ddunit‑ad iga anufl.

1 kurintus 1:21

ašku rbbi s‑tḥkimt‑ns a‑s‑iqṣad ġ‑mddn n‑ddunit‑ad a‑ur‑iẓḍarn ad‑wrrin issann rbbi s‑lɛaql‑nsn, walaynni irḍa a‑ijjnjm winna umnnin s‑tbrraḥt‑nnġ lli‑f‑a‑ttinin «tga anufl.»

گالاطيّا 1:10

ma‑tġalm kunni? izd mddn ad‑riġ ad‑flla‑rḍun, nġd rbbi? izd mddn ad‑riġ a‑yyi‑talġn? uhu, mrad is‑riġ a‑yyi‑talġn mddn ur‑rad‑gġ ah̬ddam l‑lmasiḥ.

yaɛqub 1:27

imma yan dar liman ifulkin iṣḥan ġ‑iẓri n‑rbbi babatnnġ, ġmkad a‑ra‑ig: ar‑itɛawan igigiln d‑thjjalin ġ‑tnukmut‑nsn, ar‑itanf i‑irkan n‑ddunit.