yaɛqub 4:11 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹¹ way‑aytma, a‑ur‑trggmm i‑ngratun. ašku wanna irgmn ġ‑gʷmas, nġd inna fllas is‑yʷh̬šn, hati iga ih̬f‑ns d‑wad yugʷrn luṣiyat n‑rbbi, irar‑tnt zund iġ‑ur‑gint yat. iġ‑tgit ih̬f‑nnk f‑iggi n‑ššrɛ n‑rbbi, ur‑sul‑tgit wad srs iskarn walaynni wad fllas itḥkamn.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹¹ واي‑ايتما، ا‑ور‑ترگّمّ ءي‑نگراتون. اشكو وانّا ءيرگمن غ‑گماس، نغد ءينّا فلّاس ءيس‑يُخشن، هاتي ءيگا ءيخف‑نس د‑واد يوگُرن لوصيّات ن‑ربّي، ءيرار‑تنت زوند ءيغ‑ور‑گينت يات. ءيغ‑تگيت ءيخف‑نّك ف‑يگّي ن‑شّرع ن‑ربّي، ءور‑سول‑تگيت واد سرس ءيسكارن والاينّي واد فلّاس ءيتحكامن.

yaɛqub 4:11 Iomraidhean Croise

luqa 6:37

a‑ur‑tinim f‑yan is‑yʷh̬šn, a‑ur‑fllawn‑yini rbbi is‑tʷh̬šnm. a‑ur‑tḥkamm f‑yan, a‑ur‑fllawn‑iḥkam rbbi. ṣamḥat i‑wiyyaḍ f‑ad‑awn‑iṣamḥ rbbi.

ruma 2:1

imma kiyi a‑bnadm, ur‑dark ma‑ttinit. ašku iġ‑a‑tḥkamt f‑mddn yaḍni, hatin tḥkamt ula f‑ih̬f‑nnk, ašku kiyi lli‑itḥkamn, ar‑tskart zund ntni.

ruma 2:13

ašku rbbi ur‑a‑itrḍu f‑willi ġir sflidnin i‑ššrɛ, walaynni f‑willi skarnin s‑ššrɛ.

ruma 7:7

imma ššrɛ, ma‑ra‑fllas‑nini? is‑yʷh̬šn? uhu, urd ġmkan a‑ra‑nini, ašku ššrɛ a‑yyi‑imlan ddnub. mrad is‑urd ššrɛ a‑innan «a‑ur‑ttirit ma‑igan win wiyyaḍ» ikun ur‑rad‑issanġ is‑bahra‑yʷh̬šn ad‑iriġ ma‑igan win wiyyaḍ.

1 kurintus 4:5

mayad a‑f‑kʷn‑ih̬ṣṣa a‑ur‑ttinim f‑yan is‑yʷh̬šn, ašku ur‑ta‑d‑ilkim‑uzmz l‑lḥukm. walaynni ġakud nna‑d‑yuška siditnnġ ra‑ifaw kullu ma‑irgsn ġ‑tillas, issbayyn‑d ula iswingimn lli‑ntlnin ġ‑uwlawn n‑mddn. ġakudan a‑ra‑ifk rbbi rrḍa‑ns i‑kud yan d‑ma‑t‑id‑yuškan.

2 kurintus 12:20

walaynni ksuḍġ a‑kʷn‑in‑afġ ur‑tgim ġmklli riġ ġakud nna‑n‑darun‑uškiġ, tafm‑iyi‑n ula nkki ur‑giġ ġmklli tram. ur‑riġ a‑kʷn‑in‑afġ ar‑tẓim i‑ngratun ula‑da‑ttirim ma‑igan win wiyyaḍ ula‑da‑ttqlaqalm ula‑da‑ikkat kud yan ġir f‑ih̬f‑ns ula‑da‑trggmm ula‑da‑tsawalm ġ‑wiyyaḍ ula‑da‑tssimġurm ih̬fawn‑nnun ula‑da‑tssrwaym mad‑darun‑illan.

afsus 4:31

a‑ur‑ttẓim ula‑da‑ttmmaġm ula‑da‑ttkrhum yan. a‑ur‑trggmm ula‑da‑ttġuwwatm ula‑da‑ttnuwwašm ġ‑yan.

1 timutaws 3:11

ula timġarin, iqqan‑tnd‑d ad‑gnt tid zganin ġ‑ufulki, ar‑tnbaḍnt ġ‑ih̬f‑nsnt, ar‑skarnt s‑lḥqq. a‑ur‑gnt tid sawalnin ġ‑mddn.

2 timutaws 3:3

ur‑rad‑tḥubbun ula‑da‑tṣamaḥn i‑yan, walaynni rad‑bahra‑rggmn ġ‑wiyyaḍ ar‑tẓin ar‑tmmaġn ar‑tkrhun kullu ma‑ifulkin.

tiṭus 2:3

ini ula i‑tmġarin mqqurnin ad‑skarnt ġmklli‑d‑iqqann h̬tilli tuqqarnin rbbi. tinit‑asnt a‑ur‑sawalnt ġ‑mddn ula‑da‑ttblunt s‑tissi iktin. illa fllasnt ad‑sslmadnt timġarin mẓẓinin f‑ma‑ifulkin

yaɛqub 1:16

way‑aytma ɛzzanin, a‑ur‑tjlum ih̬f‑nnun.

yaɛqub 1:19

way‑aytma ɛzzanin, swangmat ġ‑mayad: illa f‑kud yan a‑yifsus a‑isfld, yiẓẓay a‑isawl, yiẓẓay a‑ur‑iqlaql.

yaɛqub 1:25

imma wanna itmnadn ġ‑ulmmud ifulkin lli‑irẓmn i‑mddn zġ‑iskraf, ar‑tt‑gis‑itawi ar‑srs‑iskar bla‑da‑itettu maylli mi isfld, nttan a‑ra‑ibark rbbi ġ‑kullu ma‑iskar.

yaɛqub 2:8

hati afulki ayd tskarm iġ‑a‑tskarm s‑luṣit ihiyyan n‑tgldit n‑rbbi ġmklli ityaran «a‑ttirit adjar‑nnk zund ih̬f‑nnk.»

yaɛqub 5:10

swangmat ay‑aytma ġ‑lanbiya lli‑sawalnin s‑ism n‑siditnnġ ġayd izrin, ašku ṣbrn ntni ġ‑kullu‑tmmariw‑nsn.

yaɛqub 5:7

imma kunni ay‑aytma, ṣbrat ard‑d‑yašk siditnnġ, zund afllaḥ lli‑itqln ard‑as‑di‑tġli ṣṣabt iɛzzan ġ‑igr‑ns, ar‑itṣbar ard iḍr‑unẓar amnzu ula amaẓẓuẓ.

yaɛqub 5:9

way‑aytma, a‑ur‑ttngmugm i‑ngratun a‑ur‑fllawn‑ittut lḥukm. ha‑lqaḍi imqqurn ibidd‑d ġ‑imi.

1 bṭrus 2:1

f‑mayad a‑f‑rad‑awn‑iniġ, luḥat‑n s‑kullu ma‑igan tanuwwašt ula tikrkas. a‑ur‑tskarm ġ‑lgddam n‑mddn ma‑ur‑tgim. ad‑awn‑ur‑ṭiyyr f‑wiyyaḍ ṭṭafnin kra tram i‑ih̬f‑nnun, ula‑da‑trggmm ġ‑yan.