yaɛqub 4:1 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹ mah̬ aylliġ a‑ttmmaġm ar‑ttẓim i‑ngratun? is‑urd f‑ssibt n‑ma‑gigun‑tmmaġn iswingimn n‑ma‑ittiri ih̬f‑nnun?

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹ ماخ ايلّيغ ا‑تّمّاغم ار‑تّژيم ءي‑نگراتون؟ ءيس‑ورد ف‑سّيبت ن‑ما‑گيگون‑تمّاغن ءيسوينگيمن ن‑ما‑يتّيري ءيخف‑نّون؟

yaɛqub 4:1 Iomraidhean Croise

matta 15:19

ašku zġ‑uwl‑ns a‑zġ‑a‑di‑tffuġn iswingimn ʷh̬šnnin ula tanaġa d‑zzna d‑lfsad d‑tmh̬h̬art d‑tugga n‑tkrkas d‑trggam.

yuḥanna 8:44

win babatun iblis a‑tgam, ar‑ttirim a‑tskarm ma‑irḍan babatun. iga wad inqqan zġ‑isizwar, ur‑jju‑iskir s‑lḥqq ašku lḥqq ur‑dars‑illi. ġakud nna‑isskarks ar‑iskar s‑ma‑gis‑illan, ašku bu‑tkrkas a‑iga, ig babas n‑kullu ma‑isskirkisn.

ruma 7:23

walaynni ġ‑ugʷns‑inu ar‑n‑tafaġ kra n‑tnbaḍin yaḍni ar‑tmmaġnt d‑tnbaḍin l‑lɛaql‑inu. ar‑iyi‑kkrfnt‑tnbaḍin n‑ddnub lli‑llanin ġ‑ugʷns‑inu.

ruma 7:5

ġayd izrin nkka‑ttin ar‑ntlhu s‑ma‑ittiri bnadm i‑ih̬f‑ns, ar‑aġ‑itrara ššrɛ a‑nswingim s‑uggʷar ġ‑lh̬ʷšant lli‑ittiri‑uwl‑nnġ, aylliġ a‑nskar lġllt yʷh̬šnn lli‑d‑itawin lmut.

ruma 8:7

yan itlhun s‑ddat, hati ar‑itmmaġ d‑rbbi, ašku ur‑a‑iskar s‑tnbaḍin n‑rbbi, ur‑akkʷ‑iẓḍar a‑srsnt‑iskar.

گالاطيّا 5:17

ašku ul n‑bnadm ar‑ittiri ma‑ur‑ittiri rruḥ lqudus, ula rruḥ lqudus ar‑ittiri ma‑ur‑ittiri‑uwl n‑bnadm. hatni ar‑gigun‑tmmaġn aylliġ ur‑a‑tskarm ma‑ttirim.

kulussi 3:5

f‑mayan a‑f‑rad‑awn‑iniġ, skarat baš a‑gigun‑immt aynna igan win ddunit‑ad: lfsad ula ššhawa ula asmaqql s‑tiṭ yʷh̬šnn. a‑ur‑sul‑tswingimm ġ‑ma‑iɛibn ula‑da‑ttirim ma‑ur‑igin winnun, ašku yan ittirin win wiyyaḍ iga zund yan itɛbadn ilahat n‑ddunit‑ad.

2 timutaws 2:23

a‑ur‑tkšmt ġ‑imjaḥadn h̬wanin n‑willi ur‑fhimnin ma‑f‑a‑sawaln, ašku tssnt is‑ur‑a‑di‑tawin ġir taẓit.

tiṭus 3:3

ula nkkʷni nkka‑ttin nga inafaln imɛṣan imjlan, ntyawkrraf ġ‑ššhwat ula kullu ma‑s‑a‑ttblun mddn. nkka‑ttin ar‑nzzray ussan‑nnġ s‑tnuwwašt d‑iskkirn ʷh̬šnnin, ar‑aġ‑tkrhun mddn ar‑tn‑ntkrhu ula nkkʷni.

tiṭus 3:9

walaynni anf i‑tjmmaɛt ih̬wan n‑willi tmjaḥadnin f‑ismawn n‑tasutin lli‑zrinin, ar‑tẓin ar‑tmmaġn f‑ššrɛ n‑musa. ġayan ur‑akkʷ‑a‑itnfaɛ s‑yat.

yaɛqub 1:14

walaynni iġ‑ityaram kra n‑yan, han ššhwat‑ns a‑t‑in‑ildin ard‑ti‑tġwi‑tẓqqurt.

yaɛqub 4:3

walaynni iġ‑a‑ttḍalabm kra zġ‑rbbi ur‑a‑yawn‑t‑yakka, ašku urd f‑ufulki a‑f‑a‑ti‑ttḍalabm walaynni ġir ma‑s‑a‑tssfraḥm ih̬f‑nnun.

1 bṭrus 1:14

skarat s‑wawal n‑rbbi, ġmklli skarn tarwa s‑wawal n‑ayt‑darsn. a‑ur‑sul‑ttlhum s‑ġaylli sttin tkkam ar‑ttirim i‑ih̬f‑nnun lliġ ur‑ta‑tssinm lḥqq.

1 bṭrus 2:11

way‑aytma ɛzzanin, ḍalbġ‑kʷn ġilad a‑tgm ih̬f‑nnun d‑iġribn d‑ibrraniyn ġ‑ddunit‑ad, tluḥm s‑ma‑ttiri ddat n‑bnadm, ašku tiġawsiwin n‑ddat ar‑tmmaġnt d‑uwl iṣfan.

2 bṭrus 2:18

ašku ar‑ssfurrugn s‑iwaliwn h̬wanin. s‑ššhwat ʷh̬šnnin a‑s‑a‑n‑lddin mddn lli‑bḥra‑d‑wrrinin zġ‑gr willi jlanin.

2 bṭrus 3:3

walaynni taġawsa ihiyyan a‑stt‑igan, a‑tissanm is‑rad‑d‑aškin kra n‑iṭnnaẓn ġ‑uwssan‑ad ggʷranin ar‑bahra‑teṭnaẓn ar‑skarn f‑kullu ma‑ttirin i‑ih̬f‑nsn