yaɛqub 2:5 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁵ sfldat ay‑aytma ɛzzanin. is‑ur‑tssinm mayad? rbbi isti ġwilli dar ma‑idrusn ġ‑ddunit ad‑darsn‑yigat liman, kšmn s‑lwrt n‑tgldit lli‑f‑inna ra‑t‑ifk i‑willi ranin rbbi.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁵ سفلدات اي‑ايتما عزّانين. ءيس‑ور‑تسّينم ماياد؟ ربّي ءيستي غويلّي دار ما‑يدروسن غ‑دّونيت اد‑دارسن‑ييگات ليمان، كشمن س‑لوورت ن‑تگلديت لّي‑ف‑ينّا را‑ت‑يفك ءي‑ويلّي رانين ربّي.

yaɛqub 2:5 Iomraidhean Croise

matta 11:5

ha‑ibukaḍn ar‑ttisfiwn, ikušamn ar‑fttun, injdamn ar‑tġusn, iḍrḍar ar‑sflidn, ġwilli mmutnin ar‑d‑nkkrn ula imẓlaḍ ar‑tn‑ilkkm lh̬bar ifulkin.

matta 25:34

sawlġ ilmma, nkki lli‑igan agllid, s‑willi llanin f‑ufasi iniġ‑asn ‹aškad‑d a‑imbarkin n‑baba rbbi, kšmat s‑tgldit lli‑awn‑ijjujad zġ‑isizwar n‑ddunit.

matta 5:3

«imbarkin ad‑gan ġwilli ssḥssanin is‑ur‑gin yat, ašku ntni a‑mi‑tlla‑tgldit n‑ignna.

marqus 7:14

iġr‑daġ yasuɛ i‑mddn s‑dars yini‑asn: «sfldat‑iyi kullukn a‑tissanm.

luqa 12:21

izayd yasuɛ yini‑asn: «ġmkan a‑iga kullu wanna issmunun i‑ih̬f‑ns bla‑yas‑illa yat ġ‑dar rbbi.»

luqa 12:32

«a‑ur‑tiksaṭṭ a‑tawrut imẓẓin. ifrḥ rbbi babatun ad‑awn‑ifk tagldit‑ns.

luqa 16:22

immt‑ilmma‑umẓluḍ‑lli, asin‑t lmalayka s‑tama n‑ibrahim. immt bu‑wayda ityawmḍal,

luqa 16:25

irar‑as ibrahim: ‹kti‑d a‑iwi is‑tumẓt timih̬ar‑nnk ġ‑ddunit, yamẓ liɛazr tarfufnt. imma ġilad ifrḥ liɛazr ġid, trfufnt kiyi.

luqa 22:29

ġmklli‑yyi‑ifka baba rbbi tagldit, rad‑awn‑fkġ ula kunni

luqa 6:20

issmaqql yasuɛ ġ‑imḥḍarn‑ns yini‑asn: «imbarkin a‑tgam a‑willi ḥtajjanin, ašku kunni a‑mi‑tlla‑tgldit n‑rbbi.

yuḥanna 7:48

is‑illa zġ‑imġarn nġd ifarisin ma‑srs‑yumnn?

irqqasn 7:2

isawl stifanus yini‑asn kullutn: «way‑aytma d‑id‑h̬ali, sfldat‑iyi. iban‑d rbbi l‑lmjd i‑babatnnġ ibrahim ġ‑tmazirt n‑masubuṭamya, ur‑ta‑iddi a‑izdġ ġ‑tmdint n‑ḥaran.

ruma 8:17

lliġ nga tarwa‑ns, nissan is‑ra‑nṭṭaf lwrt lli‑ra‑yili i‑mddn n‑rbbi, ra‑nkšm ġ‑lwrt l‑lmasiḥ. iġ‑dids‑nmun ġ‑urfufn, ra‑dids‑nili ġ‑lmjd.

1 kurintus 2:9

walaynni ityara: «ur‑jju‑iẓri yan ula isfld yan ula iswangm lɛaql n‑bnadm f‑ma‑ijjujad rbbi i‑willi‑ti‑ttirinin.»

2 kurintus 4:15

kullu mayd ijrrun ġilad, ar‑ijrru f‑ssibt‑nnun baš a‑tzayd lbaraka n‑rbbi ar‑ttruḥ kigan d‑mddn, igatn bahra ġwilli‑ti‑tškarnin ibayyn lmjd n‑rbbi s‑uggʷar.

2 kurintus 6:10

wah̬h̬a da‑ginnġ‑itqama lḥal, ar‑bdda‑ntfraḥ. wah̬h̬a nga imẓlaḍ, iggut ma‑zginnġ‑itamẓn lh̬ir. wah̬h̬a ur‑darnnġ yat, nṭṭaf kraygatt kra.

2 kurintus 8:9

tssnm lḥnant n‑siditnnġ yasuɛ lmasiḥ. wah̬h̬a iṭṭaf ma‑iggutn, iwrri bla yat f‑ssibt‑nnun. ifl kullu ma‑dars‑illan, baš a‑twrrim teṭṭafm ma‑iggutn.

afsus 1:18

ar‑ti‑tḍalabġ a‑irẓm alln l‑lɛaql‑nnun, baš a‑tissanm ma‑iga rrja‑yad iṣḥan lli‑mi‑kʷn‑iẓli, ula lbarakat ggutnin lli‑ra‑ifk i‑imẓlayn‑ns,

afsus 3:8

wah̬h̬a mẓẓiġ bahra ġ‑gr kullu imẓlayn n‑rbbi, ifka‑yyi lbaraka‑yad ad‑tbrraḥġ i‑ayt‑tmizar n‑ddunit f‑tmih̬ar l‑lmasiḥ lli‑ugʷrnin kullu iswingimn n‑bnadm.

1 tasaluniki 2:12

ar‑kʷn‑ntnṣaḥ nini‑awn a‑tskarm ġmklli‑d‑iqqann ġwilli ganin win rbbi lli‑awn‑d‑iġran a‑tkšmm s‑tgldit‑ns ula lmjd‑ns.

2 tasaluniki 1:5

mayd‑awn‑ijrrun ar‑imala is‑a‑itḥkam rbbi s‑lḥqq, ašku iga‑kʷn d‑wid sthllanin ad‑kšmn s‑tgldit‑ns lli‑f‑a‑ttrfufunm.

1 timutaws 6:18

ini‑asn ad‑skarn afulki, igatn darsn iskkirn šwanin, ar‑tɛawann ar‑akkan i‑wiyyaḍ.

2 timutaws 4:18

ra‑yyi‑ijjnjm siditnnġ zġ‑kullu ma‑yʷh̬šnn, issruḥ‑iyi‑n ġ‑laman s‑tgldit‑ns n‑ignna. nttan a‑bahra‑ntalġ ġilad ula kullu mayd‑d‑iftan. amin.

2 timutaws 4:8

rad‑iyi‑yili ttaj ġilad n‑yan irḍan rbbi. iḥḍa‑yyi‑t siditnnġ lli‑bdda‑iḥkamn s‑lḥqq, baš ad‑iyi‑t‑ifk ġ‑wass lli‑ġ‑ra‑d‑yašk. urd ġir nkki a‑mi‑ra‑yili, walaynni ra‑t‑ifk i‑kullu willi‑n‑gis‑rjanin ar‑srs‑tqln.

iɛbrin 11:26

iḥasb ntta tadallit lli‑ġ‑illa f‑ssibt l‑lmasiḥ is‑tɛzza uggʷar n‑tmih̬ar n‑miṣr, ašku ar‑n‑itrju ġ‑lbaraka lli‑ra‑yili tigira.

yaɛqub 1:12

ambarki a‑iga wanna iṣbrn izgan ġ‑tasaɛt n‑tnukmut. ašku lliġ ityaram sul‑izga, rad‑as‑yili ttaj n‑tudrt idumn lli‑f‑inna rbbi ra‑t‑ifk i‑willi ranin rbbi.

yaɛqub 1:16

way‑aytma ɛzzanin, a‑ur‑tjlum ih̬f‑nnun.

yaɛqub 1:19

way‑aytma ɛzzanin, swangmat ġ‑mayad: illa f‑kud yan a‑yifsus a‑isfld, yiẓẓay a‑isawl, yiẓẓay a‑ur‑iqlaql.

yaɛqub 1:9

way‑aytma, wanna gigun dar idrus lh̬ir, illa fllas a‑ifrḥ iġ‑t‑yull rbbi.

1 bṭrus 1:4

ifk‑aġ yal‑lwrt lli‑ur‑ra‑ifnu ula ra‑ih̬sr ula ra‑imdu, iḥḍa‑yawn‑t ġ‑ignna.

2 bṭrus 1:11

hati ra‑tkšmm s‑lfrḥ iggutn s‑tgldit idumn n‑unjjam siditnnġ yasuɛ lmasiḥ.

anurẓm 2:9

ssnġ mamnk a‑tzrit ġ‑tassast ar‑ttẓlaṭṭ, walaynni s‑ṣṣaḥt lh̬ir iggutn ad‑ak‑illan. ssnġ is‑a‑gik‑rggmn ġwilli ittinin is‑gan ayt‑yudaya walaynni ur‑gin ayt‑yudaya. hati ayt‑tgmmi n‑tẓallit n‑šiṭan ad‑gan.

anurẓm 21:7

imma wanna inran, rad‑as‑fkġ lwrt‑ad: rad‑gġ rbbi‑ns, ig ntta iwi.

anurẓm 3:18

rad‑ak‑iniġ yuf‑ak a‑zġ‑dari‑tsġt urġ lli‑iṣfan s‑lɛafit f‑a‑dark‑nnit‑yili lh̬ir. tsġt zġ‑dari ula timlsa tumlilin f‑a‑tlst tdlt lɛib n‑ddat‑nnk. tsġt zġ‑dari ula asafar i‑walln‑nnk f‑a‑tisfiwt.