yaɛqub 2:10 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹⁰ ašku yan iskarn kullu s‑ššrɛ n‑rbbi, iġ‑zgis‑iffuġ ġir s‑yat‑tġawsa, hati iwrri iga zund yan‑zgis‑iffuġn kullut.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹⁰ اشكو يان ءيسكارن كولّو س‑شّرع ن‑ربّي، ءيغ‑زگيس‑يفّوغ غير س‑يات‑تغاوسا، هاتي يوورّي ءيگا زوند يان‑زگيس‑يفّوغن كولّوت.

yaɛqub 2:10 Iomraidhean Croise

گالاطيّا 3:10

kullu willi ittirin ad‑rḍun rbbi s‑iskkirn n‑ššrɛ, hati ġ‑ddu lḥukm a‑ġ‑sul‑qaman. ašku ityara: «rbbi ra‑yut lḥukm s‑jhnnama f‑kraygatt yan ur‑iskarn s‑kullu ma‑ityaran ġ‑warratn n‑ššrɛ.»

گالاطيّا 5:3

ra‑t‑iniġ‑daġ s‑lmɛqul i‑kullu wanna iran a‑iẓẓall i‑ddat‑ns, iġ‑tskrt ġmkan iqqan‑k‑id a‑bdda‑tskart s‑kullu ma‑ityaran ġ‑ššrɛ.

yaɛqub 3:2

s‑kigan a‑s‑a‑ntmzagal kullwaġ. iġ‑illa ma‑ur‑itmzagaln ġ‑ma‑ittini, ra‑ig nttan wad ikmmln yiẓḍar a‑itnbaḍ ġ‑ddat‑ns kullutt.

2 bṭrus 1:10

way‑aytma, f‑mayan a‑f‑rad‑awn‑iniġ, gat‑n tiqqi‑nnun s‑uggʷar a‑bahra‑tzgam ġ‑uġaras lli‑s‑awn‑d‑iġra rbbi iẓli‑kʷn‑d srs. ašku iġ‑a‑tskarm s‑ġmkan ur‑ra‑sar‑tjlum,

yahuda 1:24

imma ġwalli iẓḍarn a‑kʷn‑injja baš a‑ur‑tḍrm, isslkm‑kʷn‑in s‑lgddam l‑lmjd‑ns s‑lfrḥ iggutn bla gigun illa kra l‑lɛib, nttan a‑mi‑illa lmjd d‑tmuġra d‑tẓḍḍart d‑lquwwa ġilad ula kullu ġayd izrin ula kullu mayd‑d‑iftan. d‑ġmkad a‑f‑rad‑bdda‑ntalġ ġwalli igan rbbi anjjam‑nnġ s‑ism n‑siditnnġ yasuɛ lmasiḥ, amin.