yaɛqub 1:6 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁶ walaynni iġ‑iḍalb, iqqan‑t‑id a‑yamn bla iškka. ašku yan iškkan iga zund taḍangt n‑umda, ar‑tt‑issmussu‑waḍu ar‑tt‑itawi s‑tsga‑ya d‑h̬ta.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁶ والاينّي ءيغ‑يضالب، ءيقّان‑ت‑يد ا‑يامن بلا ءيشكّا. اشكو يان ءيشكّان ءيگا زوند تاضانگت ن‑ومدا، ار‑تّ‑يسّموسّو‑واضو ار‑تّ‑يتاوي س‑تسگا‑يا د‑ختا.

yaɛqub 1:6 Iomraidhean Croise

matta 14:28

yini‑as bṭrus: «wa‑sidi, iġd kiyi ayan, amr‑iyi a‑n‑dark‑ftuġ f‑iggi n‑waman.»

irqqasn 10:20

nkr ġilad tgguzt, tmunt didsn bla tškkat, ašku nkki a‑tn‑d‑yuznn.»

afsus 4:14

ur‑sul‑ra‑ng zund tarwa mẓẓinin, ar‑tn‑itawi‑waḍu n‑kraygatt almmud l‑ljdid, ar‑jllun s‑lḥilat n‑imġḍarn lli‑stt‑zzraynin f‑mddn s‑tkrkas.

1 timutaws 2:8

riġ irgazn ġ‑kraygatt amnaggar ad‑tẓallan ar‑tḍalabn rbbi, ar‑n‑tggan ifassn‑nsn lli‑s‑a‑skarn afulki bla‑da‑tqlaqaln ula‑da‑tẓin.

iɛbrin 10:23

illa fllannġ a‑namẓ ġ‑rrja lli‑s‑numn bla‑yas‑nrẓm, ašku rbbi lli‑ifkan awal‑ns rad‑bdda‑gis‑izga.

iɛbrin 11:6

walaynni yan ur‑yuminn rbbi, ur‑ra‑yiẓḍar a‑yamẓ rrḍa‑ns. ašku wanna iran a‑n‑yakmur s‑rbbi, iqqan‑t‑id a‑yamn is‑illa rbbi, yujad a‑ibark wanna‑t‑isiggiln.

iɛbrin 13:9

a‑ur‑tadjm kra n‑ilmmudn iġribn a‑kʷn‑jllun zġ‑uġaras l‑lḥqq. ra‑išwu a‑tssdusm ulawn‑nnun s‑lbaraka n‑rbbi, urd s‑tnbaḍin n‑umššu lli‑ġ‑ur‑tlli kra l‑lfaytt i‑willi srsnt skarnin.

yaɛqub 1:7

wanna igan ġmkan, a‑ur‑iġal is‑ra‑yamẓ kra zġ‑siditnnġ,

yaɛqub 5:15

ra‑iskr siditnnġ ma‑zgis‑ḍalbn ġwilli umnnin, ijjujji amaḍun issdus‑t. iġ‑iskr kra n‑ddnub ra‑tn‑fllas‑issitti.

2 bṭrus 2:17

imma mddn‑an, zund lɛyun qqurnin ad‑gan, ula zund imdla idḥi‑tn‑waḍu itjhhdn. iskr‑asn rbbi adġar ġ‑tillas aggugnin.