yaɛqub 1:4 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁴ imma ġilad, zaydat tṣbrm ard tlkmm ttmi baš a‑timġurm tkmmlm bla‑kʷn‑ih̬ṣṣa yat.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁴ ءيمّا غيلاد، زايدات تصبرم ارد تلكمّ تّمي باش ا‑تيمغورم تكمّلم بلا‑كُن‑يخصّا يات.

yaɛqub 1:4 Iomraidhean Croise

matta 10:22

ra‑kʷn‑tkrhun kullu mddn f‑ssibt n‑ma‑tgam winu, walaynni wanna ibiddn izga ar isiggʷra ra‑injm.

matta 19:20

isawl‑uɛyyal yini‑as: «mayad ar‑t‑skarġ kullut. ma‑yyi‑sul‑ih̬ṣṣan?»

matta 5:48

imma kunni, illa fllawn a‑tfulkim s‑ufulki ikmmln, ġmklli kullu ifulki babatun n‑ignna.

marqus 10:21

issmaqql gis yasuɛ iḥubbu‑t, yini‑as: «yat‑tġawsa ad‑ak‑iqaman. zayd tzznzt kullu mad‑dark‑illan, tfkt‑t i‑imẓlaḍ yili‑ak‑wayda ġ‑ignna. taškid‑d ilmma tmunt didi.»

luqa 18:22

lliġ isfld yasuɛ i‑mayad yini‑as: «yat‑tġawsa ad‑ak‑iqaman. zayd tzznzt kullu mad‑dark‑illan tfkt‑t i‑imẓlaḍ, yili‑ak‑wayda ġ‑ignna. taškid‑d ilmma tmunt didi.»

luqa 21:19

biddat tzgam, ġmkad a‑s‑ra‑tnjmm.

luqa 8:15

walaynni ġwalli iḍrn ġ‑wakal ifulkin iga zund mddn lli‑sfldnin i‑wawal n‑rbbi amẓn‑t s‑nniyt n‑uwl‑nsn iġusn, ar‑srs‑skarn bla‑da‑trmayn, fkn ṣṣabt‑nsn.

yuḥanna 17:23

nkki didsn ula kiyi didi. riġ ad‑munn kullu s‑tamunt ikmmln, baš ad‑issann ayt‑ddunit‑ad izd kiyi a‑yyi‑d‑yuznn, issann is‑a‑tn‑ttirit ġmklli‑yyi‑ttirit nkki.

1 kurintus 2:6

s‑ṣṣaḥt, s‑lɛaql a‑s‑a‑nsawal i‑wid mqqurnin ġ‑uġaras n‑rbbi, walaynni ur‑igi lɛaql n‑ddunit‑ad nġd win inmġurn n‑ddunit‑ad lli‑rad‑laḥ.

گالاطيّا 6:9

a‑ur‑ntrmay ġ‑ufulki‑ad nskar, ašku ra‑nmgr ṣṣabt ġ‑uzmz‑ns iġ‑ur‑nhruṣṣi.

kulussi 4:12

ar‑n‑fllawn‑itsllam abafras. iga zġ‑gigun ula ntta, ig ah̬ddam l‑lmasiḥ yasuɛ. s‑nniyt‑ns a‑s‑a‑itẓalla bahra f‑ssibt‑nnun, baš a‑tdusm tzgam ġ‑uġaras n‑rbbi ar‑tskarm kullu ma‑gigun‑ira rbbi.

1 tasaluniki 5:23

imma ġilad ḍalbġ zġ‑rbbi lli‑bdda‑yakkan sslamt a‑kʷn‑issġus zġ‑kullu ma‑gigun‑yʷh̬šnn, ijjnjm ul‑nnun ula rruḥ‑nnun ula ddat‑nnun zġ‑kullu kra igan lɛib ard‑d‑yašk siditnnġ yasuɛ lmasiḥ.

2 timutaws 3:17

ġmkad a‑s‑ra‑yujad‑uh̬ddam n‑rbbi i‑twuri‑ns, yiẓḍar a‑iskar kullu ma‑ifulkin.

iɛbrin 13:21

ḍalbġ‑as ad‑awn‑yakka kullu ma‑igan afulki, baš a‑tskarm ma‑ittiri. ḍalbġ‑as a‑ginnġ‑iskr kullu ma‑t‑itrḍun s‑ism n‑yasuɛ lmasiḥ. nttan a‑bahra‑ntalġ ġilad ula kullu mayd‑d‑iftan. amin.

yaɛqub 1:5

walaynni iġ‑illa kra gigun ur‑iṭṭaf taḥkimt, illa fllas a‑iḍalb rbbi lli‑yakkan ma‑iggutn i‑kullu mddn bla‑da‑ti‑tigʷraẓ, rad‑as‑tt‑ifk.

yaɛqub 3:2

s‑kigan a‑s‑a‑ntmzagal kullwaġ. iġ‑illa ma‑ur‑itmzagaln ġ‑ma‑ittini, ra‑ig nttan wad ikmmln yiẓḍar a‑itnbaḍ ġ‑ddat‑ns kullutt.

1 bṭrus 5:10

walaynni rbbi lli‑bdda‑iran ad‑aġ‑ibark, iġra‑yawn‑d a‑tkšmm s‑lmjd‑ns idumn ġ‑tamunt l‑lmasiḥ. tigira n‑ma‑trfufnm yan imikk, ra‑kʷn‑yawi s‑sslamt ikmmln issdus‑kʷn izzga‑kʷn issbidd‑kʷn f‑llsas iṣḥan.

2 bṭrus 1:9

imma wanna ur‑dar tiġawsiwin‑ad, hati ibukḍ ur‑a‑ittisfiw yat, ittu is‑t‑issġus lmasiḥ zġ‑ddnub lli‑iskr ġayd izrin.