yaɛqub 1:21 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

²¹ kkisat zġ‑gigun iskkirn rkanin ula lh̬ʷšant lli‑iggutn ġ‑mddn. tadrat i‑ih̬f‑nnun ar‑ttqbalm awal lli‑gigun‑itẓẓu rbbi, ašku iẓḍar‑wawal‑an a‑kʷn‑ijjnjm.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

²¹ كّيسات زغ‑گيگون ءيسكّيرن ركانين ءولا لخُشانت لّي‑يگّوتن غ‑مدّن. تادرات ءي‑يخف‑نّون ار‑تّقبالم اوال لّي‑گيگون‑يتژّو ربّي، اشكو ءيژضار‑واوال‑ان ا‑كُن‑يجّنجم.

yaɛqub 1:21 Iomraidhean Croise

matta 5:5

imbarkin ad‑gan ġwilli tṣbarnin, ašku ntni a‑ra‑išškšm rbbi s‑kullu timih̬ar‑ns.

yuḥanna 6:63

hati rruḥ n‑rbbi a‑yakkan tudrt, imma ddat ur‑tgi yat. rad‑awn‑yili rruḥ ula tudrt s‑iwaliwn‑ad‑awn‑ttiniġ,

yuḥanna 6:68

yini‑as simɛan bṭrus: «wa‑sidi, dar mit a‑s‑ra‑nddu? kiyi a‑dar iwaliwn n‑tudrt idumn.

irqqasn 10:33

aznġ‑n srk ġakudan. hati tskrt gigi ma‑ifulkin lliġ‑d‑tuškit. imma ġilad ha‑nkkʷni kullwaġ ġ‑lgddam n‑rbbi, nra a‑nsfld i‑kullu ma‑f‑k‑yuṣṣa siditnnġ ad‑aġ‑ti‑tmlt.»

irqqasn 13:26

«way‑aytma zġ‑tasut n‑ibrahim d‑ibrraniyn lli‑tɛbadnin rbbi, nkkʷni kullwaġ a‑mi‑d‑yuzn rbbi awal f‑mamnk a‑rad‑aġ‑ijjnjm.

ruma 1:16

ur‑a‑tḥšamġ s‑lh̬bar‑ad ifulkin, ašku iga taḥkimt itjhhdn n‑rbbi lli‑s‑a‑ijjnjam kullu wanna yumnn, ayt‑yudaya imzwura ula ayt‑tmizar yaḍni.

ruma 11:17

imma ġilad ibbi rbbi kra n‑tṣṭṭwin zġ‑tazitunt, ilqqm‑as gis yat‑tṣṭṭa n‑tzmmurt. ġmkad a‑s‑tkšmt ula kiyi lli‑igan zġ‑tzmmurt ġ‑tudrt iṣḥan n‑tazitunt.

ruma 6:17

imma ġilad illa fllannġ a‑bahra‑ntalġ rbbi, ašku kunni lli‑sttin‑ikkan tgam ismgan n‑ddnub, hati twrrim ar‑tskarm s‑nniyt n‑uwl‑nnun s‑tnbaḍin n‑ulmmud lli‑mi‑tsfldm.

1 kurintus 15:2

tnjmm f‑ssibt‑ns iġ‑sul‑tġwim ġ‑wawal n‑tbrraḥt‑inu. han iġ‑ur‑igi ġmkan, han liman‑nnun bla lfaytt.

2 kurintus 7:1

way‑aytma ɛzzanin, lliġ‑aġ‑inna rbbi rad‑aġ‑iskr kullu mayad ifulkin, yili fllannġ a‑nġus naggug zġ‑kullu ma‑ra‑issrku ul‑nnġ ula ddat‑nnġ. yili fllannġ a‑ntyawẓlay i‑rbbi s‑ufulki ikmmln, ar‑bahra‑nttiri a‑t‑nrḍu.

afsus 1:13

ula kunni, twrrim tgam wins lliġ‑kʷn‑in‑ilkm‑wawal l‑lḥqq, a‑t‑igan d‑lh̬bar ifulkin lli‑s‑tnjmm. lliġ tumnm s‑lmasiḥ ityawfka‑yawn rruḥ lqudus lli‑f‑inna rbbi ra‑t‑ifk i‑mddn‑ns, baš a‑tissanm izd wins a‑tgam.

afsus 4:22

tlmdm is‑kʷn‑ih̬ṣṣa a‑tbddlm zġ‑ugʷns‑nnun, a‑ur‑sul‑tgm ġmklli tgam ġayd izrin lliġ ttin‑tkkam ar‑tskarm ma‑ira ih̬f‑nnun, tġalm is‑išwa, ur‑tssinm is‑a‑kʷn‑itawi s‑lhalak.

afsus 4:25

mayan a‑f‑rad‑awn‑iniġ, kkisat fllawn kullu tikrkas. illa f‑kud yan a‑isawal d‑gʷmas s‑lḥqq, ašku nga kullwaġ yan ġ‑ddat l‑lmasiḥ.

afsus 5:4

anfat i‑ijrman ula tajmmaɛt ih̬wan ula taḍṣa f‑ma‑iɛibn. ur‑tšwi‑tjmmaɛt f‑wan ġayan, walaynni ra‑išwu iġ‑a‑bdda‑ttškarm rbbi.

1 tasaluniki 1:5

ašku ilkm‑awn‑in lh̬bar‑nnġ ifulkin, urd ġir s‑iwaliwn walaynni s‑lquwwa ula s‑tḥkimt n‑rruḥ lqudus aylliġ‑awn‑iban is‑iga lḥqq. tssnm kunni mamnk a‑nga ġ‑uwssan lli‑nzzri ġ‑gratun, nskr kullu f‑a‑kʷn‑ntɛawan.

1 tasaluniki 2:13

mayad‑daġ a‑f‑a‑bdda‑ntškar rbbi, ašku ġakud lliġ tsfldm i‑wawal n‑rbbi lli‑awn‑in‑niwi, tamẓm gis tamnm izd awal n‑rbbi a‑iga, urd awal n‑bnadm. s‑ṣṣaḥt awal n‑rbbi a‑iga, ih̬dm ġilad ġ‑uwlawn‑nnun kunni lli‑srs‑yumnn.

tiṭus 2:11

issbayyn‑d rbbi lḥnant‑ns ġilad a‑srs‑ijjnjm kullu mddn.

iɛbrin 12:1

imma ġilad ġ‑aġ‑tlulli‑tmdlut‑ad n‑inagan, illa fllannġ a‑nluḥ kullu mad‑aġ‑iẓẓuẓẓayn, nfl ddnub lli‑bdda‑ttirinin ad‑aġ‑ssmukrusn, baš a‑ntazzal bla‑da‑ntrmay ġ‑uġaras lli‑irẓmn ġ‑lgddam‑nnġ.

iɛbrin 2:3

imma ġilad, mamnk a‑ra‑nnjm iġ‑ur‑tt‑niwi ġ‑ujnjm‑ad ihiyyan? siditnnġ yasuɛ a‑izwarn inna‑yaġ fllas, sawln fllas ula ġwilli sfldnin i‑siditnnġ mln‑aġ is‑iga lḥqq.

iɛbrin 4:2

ašku lh̬bar n‑usunfu‑ad lli‑mi‑nsfld, sfldn‑as‑yad imzwura‑nnġ walaynni ur‑uminn awal lli‑mi‑sfldn. mayan a‑f‑ur‑zgis‑umẓn kra l‑lfaytt.

yaɛqub 4:8

akmurat‑n s‑rbbi, yakmur‑d srun. wa‑kunni lli‑iskarn ddnub, sirdat ifassn‑nnun. wa‑kunni lli‑ikkatn f‑sin iġarasn, ssġusat ulawn‑nnun

yaɛqub 5:20

swangmat mayad: wanna‑d‑irurn yan ijlan zġ‑ma‑yʷh̬šnn, ra‑t‑issanf i‑lmut l‑lih̬rt, issaggug‑t zġ‑kigan d‑ddnub.

1 bṭrus 1:22

hati tssġusm ulawn‑nnun lliġ tumẓm aġaras l‑lḥqq, ar‑ttḥubbum aytmatun s‑nniyt iṣfan. imma ġilad, tḥnnwat i‑ngratun zġ‑ttmi n‑uwl‑nnun.

1 bṭrus 1:9

ašku rbbi ifka‑yawn ġilad maylli tram ġ‑liman‑nnun, ifk‑awn ajnjm n‑ih̬f‑nnun.

1 bṭrus 2:1

f‑mayad a‑f‑rad‑awn‑iniġ, luḥat‑n s‑kullu ma‑igan tanuwwašt ula tikrkas. a‑ur‑tskarm ġ‑lgddam n‑mddn ma‑ur‑tgim. ad‑awn‑ur‑ṭiyyr f‑wiyyaḍ ṭṭafnin kra tram i‑ih̬f‑nnun, ula‑da‑trggmm ġ‑yan.

1 bṭrus 2:11

way‑aytma ɛzzanin, ḍalbġ‑kʷn ġilad a‑tgm ih̬f‑nnun d‑iġribn d‑ibrraniyn ġ‑ddunit‑ad, tluḥm s‑ma‑ttiri ddat n‑bnadm, ašku tiġawsiwin n‑ddat ar‑tmmaġnt d‑uwl iṣfan.