yaɛqub 1:12 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹² ambarki a‑iga wanna iṣbrn izgan ġ‑tasaɛt n‑tnukmut. ašku lliġ ityaram sul‑izga, rad‑as‑yili ttaj n‑tudrt idumn lli‑f‑inna rbbi ra‑t‑ifk i‑willi ranin rbbi.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹² امباركي ا‑يگا وانّا ءيصبرن ءيزگان غ‑تاساعت ن‑تنوكموت. اشكو لّيغ ءيتيارام سول‑يزگا، راد‑اس‑ييلي تّاج ن‑تودرت ءيدومن لّي‑ف‑ينّا ربّي را‑ت‑يفك ءي‑ويلّي رانين ربّي.

yaɛqub 1:12 Iomraidhean Croise

matta 10:22

ra‑kʷn‑tkrhun kullu mddn f‑ssibt n‑ma‑tgam winu, walaynni wanna ibiddn izga ar isiggʷra ra‑injm.

matta 25:34

sawlġ ilmma, nkki lli‑igan agllid, s‑willi llanin f‑ufasi iniġ‑asn ‹aškad‑d a‑imbarkin n‑baba rbbi, kšmat s‑tgldit lli‑awn‑ijjujad zġ‑isizwar n‑ddunit.

luqa 6:22

imbarkin a‑tgam iġ‑kʷn‑kurhan mddn ssufġn‑kʷn rgmn‑kʷn ar‑fllawn‑ttinin ‹kunni tʷh̬šnm› f‑ssibt n‑ma‑tgam win yus n‑bnadm.

ruma 5:4

ula s‑ṣṣbr a‑s‑ra‑ntnru tassast nna‑illan. ula s‑tnri a‑s‑ra‑darnnġ‑yili rrja.

ruma 8:28

imma ġwilli ittirin rbbi iġra‑yasn‑d ġmklli iqṣad, nssn is‑a‑yasn‑iskar afulki ġ‑kullu mad‑asn‑ijrrun.

1 kurintus 2:9

walaynni ityara: «ur‑jju‑iẓri yan ula isfld yan ula iswangm lɛaql n‑bnadm f‑ma‑ijjujad rbbi i‑willi‑ti‑ttirinin.»

1 kurintus 8:3

walaynni yan ittirin rbbi, hatin ityawssan dar rbbi.

1 kurintus 9:25

kullu wanna itazzaln ar‑issdus ih̬f‑ns. ar‑t‑issdus baš a‑yamẓ kra l‑lkas lli‑ur‑ra‑idum. imma nkkʷni ar‑nssdus ih̬fawn‑nnġ baš a‑namẓ lkas lli‑rad‑bdda‑idum.

2 timutaws 2:15

g‑n tiqqi‑nnk ad‑awn‑ifk rbbi rrḍa‑ns, zund ah̬ddam išwan ur‑ti‑tššḥššim‑twuri lli‑iskr, ar‑tsslmadt awal l‑lḥqq ġmklli iga.

2 timutaws 4:8

rad‑iyi‑yili ttaj ġilad n‑yan irḍan rbbi. iḥḍa‑yyi‑t siditnnġ lli‑bdda‑iḥkamn s‑lḥqq, baš ad‑iyi‑t‑ifk ġ‑wass lli‑ġ‑ra‑d‑yašk. urd ġir nkki a‑mi‑ra‑yili, walaynni ra‑t‑ifk i‑kullu willi‑n‑gis‑rjanin ar‑srs‑tqln.

iɛbrin 10:32

swangmad‑d ussan imzwura lli‑ġ‑twrrim tsfawm s‑tifawt l‑lmasiḥ, tṣbrm tzgam ġakud lliġ a‑tkkatm tammara išqan.

iɛbrin 11:17

ibrahim, f‑ssibt n‑ma‑yumn awal n‑rbbi a‑f‑n‑isrs isḥaq f‑iggi n‑ukrkur lliġ‑t‑yurm rbbi. yujad a‑iġrs i‑yus lli‑dars‑igan yan

iɛbrin 12:5

is‑tettum awal lli‑s‑kʷn‑izzɛam rbbi lliġ‑kʷn‑iga d‑tarwa‑ns? yini: «wa‑iwi, iġ‑k‑iṣlḥ sidi rbbi, ad‑ur‑tinit d‑ih̬f‑nnk ‹ġayad ur‑igi yat.› nġd iġ‑k‑iẓi, ad‑ur‑tinit ‹nkki ur‑giġ yat.›

iɛbrin 6:15

iql ibrahim iṣbr aylliġ‑as‑ityawfka maylli‑s‑as‑inna rbbi.

yaɛqub 2:5

sfldat ay‑aytma ɛzzanin. is‑ur‑tssinm mayad? rbbi isti ġwilli dar ma‑idrusn ġ‑ddunit ad‑darsn‑yigat liman, kšmn s‑lwrt n‑tgldit lli‑f‑inna ra‑t‑ifk i‑willi ranin rbbi.

yaɛqub 5:11

nga‑tn d‑imbarkin ašku ṣbrn sul zgan. tsfldm kunni f‑ayyub ġmklli iṣbr izga, tissanm mamnk a‑t‑ibark sidi rbbi tigira. ašku siditnnġ ar‑bahra‑itḥnna ar‑bdda‑iskar afulki.

1 bṭrus 3:14

walaynni iġ‑idda ard trfufnm f‑ssibt l‑lḥqq, hati imbarkin a‑tgam. a‑ur‑ttiksaḍm yan ula‑da‑ttasim taġuft,

1 bṭrus 4:13

walaynni frḥat lliġ tkšmm d‑lmasiḥ ġ‑trfufnt, baš a‑tfrḥm s‑uggʷar ġakud lliġ ra‑d‑iban lmjd‑ns i‑kullu mddn.

1 bṭrus 4:14

imbarkin a‑tgam iġ‑a‑kʷn‑rggmn f‑ssibt n‑ma‑tgam win lmasiḥ, ašku igguz‑d fllawn rruḥ l‑lmjd lli‑igan rruḥ n‑rbbi.

1 bṭrus 5:10

walaynni rbbi lli‑bdda‑iran ad‑aġ‑ibark, iġra‑yawn‑d a‑tkšmm s‑lmjd‑ns idumn ġ‑tamunt l‑lmasiḥ. tigira n‑ma‑trfufnm yan imikk, ra‑kʷn‑yawi s‑sslamt ikmmln issdus‑kʷn izzga‑kʷn issbidd‑kʷn f‑llsas iṣḥan.

1 bṭrus 5:4

ġakud lliġ ra‑d‑yašk‑umksa imqqurn rad‑awn‑ifk ttaj l‑lmjd lli‑ur‑ra‑sar‑imdu.

1 yuḥanna 4:19

ar‑ntḥnnu nkkʷni ašku rbbi a‑izwarn is‑fllannġ‑iḥnna.

anurẓm 2:10

imma ġilad, ad‑ur‑tiksaṭṭ tanukmut lli‑ra‑fllak‑izri. hati ra‑k‑yarm iblis iluḥ‑n kra gigun ġ‑lḥbs. ra‑trfufnt mraw‑uwssan. zga ġ‑uġaras‑inu ar lmut, fkġ‑ak ttaj n‑tudrt.

anurẓm 3:19

winna dari ɛzzanin ar‑tn‑tẓiġ ar‑tn‑trbbaġ. awi‑tt ġ‑ih̬f‑nnk ġilad, twrrid‑d zġ‑ddnub‑nnk.

anurẓm 3:21

kullu wanna inran, rad‑as‑fkġ a‑didi‑iskiws f‑lɛrš‑inu ġmklli nriġ nkki skiwsġ d‑baba rbbi f‑lɛrš‑ns.