luqa 9:48 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁴⁸ yini‑asn: «wanna iqbln arraw‑ad imẓẓin s‑ism‑inu, hati iqbl‑iyi. d‑wanna‑yyi‑iqbln, iqbl ġwalli‑yyi‑d‑yuznn. ašku wanna kullu gigun imẓẓin, nttan a‑igan wad imqqurn.»

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁴⁸ ييني‑اسن: «وانّا ءيقبلن ارّاو‑اد ءيمژّين س‑يسم‑ينو، هاتي ءيقبل‑يّي. د‑وانّا‑يّي‑يقبلن، ءيقبل غوالّي‑يّي‑د‑يوزنّ. اشكو وانّا كولّو گيگون ءيمژّين، نتّان ا‑يگان واد ءيمقّورن.»

luqa 9:48 Iomraidhean Croise

matta 18:10

awiyat‑stt ġ‑ih̬f‑nnun a‑ur‑tḥgrm yan ġ‑imẓẓiyn‑ad. ašku rad‑awn‑iniġ, lmalayka‑nsn ar‑n‑bdda‑tmunun d‑baba rbbi lli‑illan ġ‑ignna.

matta 18:14

ġmkad a‑ira babatun lli‑illan ġ‑ignna a‑ur‑ityawhlak yan ġ‑imẓẓiyn‑ad.

matta 19:28

yini‑asn yasuɛ: «lḥqq a‑rad‑awn‑iniġ, ġakud lliġ rad‑gawrġ nkki lli‑igan yus n‑bnadm f‑lɛrš l‑lmjd‑inu ġ‑ddunit l‑ljdid, ra‑tgawrm ula kunni lli‑didi‑itmunun f‑sin d‑mraw l‑lɛrš ar‑ttḥkamm f‑kullu ayt‑rbbi.

matta 25:40

rad‑asn‑rarġ, nkki lli‑igan agllid, ‹lḥqq a‑rad‑awn‑iniġ, ġakud nna‑ti‑tskrm ġ‑yan zġ‑aytma‑yad mẓẓinin, hati tskrm‑t gigi nkki.›

matta 25:45

rad‑asn‑rarġ ‹lḥqq a‑rad‑awn‑iniġ, lliġ ur‑ti‑tskirm ġ‑yan ġ‑imẓẓiyn‑ad, ur‑t‑gigi‑tskirm nkki.›

marqus 9:37

«wanna iqbln yan‑warraw imẓẓin zund ġwad s‑ism‑inu, hati iqbl‑iyi. d‑wanna‑yyi‑iqbln, urd nkki ka‑iqbl, hatin iqbl ula ġwalli‑yyi‑d‑yuznn.»

luqa 10:16

yini ilmma yasuɛ i‑imḥḍarn‑ns: «wanna isflidn s‑wawal‑nnun, isfld sri. wanna‑kʷn‑ur‑irin, ur‑iyi‑iri ula nkki. d‑wanna‑yyi‑ur‑irin, ur‑iri ġwalli‑yyi‑d‑yuznn.»

luqa 14:11

ašku wanna issimġurn ih̬f‑ns ra‑t‑iẓẓimẓay rbbi, imma wanna iẓẓimẓayn ih̬f‑ns ra‑t‑issimġur.»

luqa 22:26

imma kunni, a‑ur‑yili ġmkan ġ‑gratun, ašku ġwalli gigun imqqurn illa fllas a‑ig zund ġwalli imẓẓin, ig‑umzwaru zund ah̬ddam.

luqa 22:30

a‑tšttam ar‑tssam ġ‑dar lmida‑nu ġ‑tgldit‑inu, tgawrm f‑lɛruš ar‑ttḥkamm f‑kullu ayt‑rbbi.»

luqa 7:28

rad‑awn‑iniġ, ur‑illi ġ‑tarwa n‑tmġarin yan yugʷrn yuḥanna. imma wad kullu imẓẓin ġ‑tgldit n‑rbbi, yugʷr yuḥanna.»

yuḥanna 13:20

lḥqq ayad, lḥqq a‑rad‑awn‑iniġ. wanna iqbln yan uznġ, hati iqbl‑iyi. d‑wanna‑yyi‑iqbln, iqbl ġwalli‑yyi‑d‑yuznn.»

yuḥanna 14:21

wanna isflidn s‑luṣiyat‑inu ar‑srsnt‑iskar, nttan a‑yyi‑ittirin. d‑wanna‑yyi‑ittirin, ra‑t‑yiri baba. ra‑t‑iriġ ula nkki, ssbayynġ‑as ih̬f‑inu.»

1 tasaluniki 4:8

wanna yagʷin a‑isfld s‑wawal‑ad, urd bnadm a‑yagʷi walaynni yagʷi rbbi lli‑awn‑ifkan ula kunni rruḥ‑ns lqudus.

1 bṭrus 5:6

knwat ġ‑ddu‑ufus itjhhdn n‑rbbi baš a‑kʷn‑yall ġ‑uzmz nna‑ira.

anurẓm 21:14

llan sin d‑mraw n‑uẓru ġ‑llsas n‑uġʷrab n‑tmdint, tyaran gisn ismawn n‑sin d‑mraw n‑urqqas n‑ulqqaġ.

anurẓm 3:21

kullu wanna inran, rad‑as‑fkġ a‑didi‑iskiws f‑lɛrš‑inu ġmklli nriġ nkki skiwsġ d‑baba rbbi f‑lɛrš‑ns.