luqa 9:41 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁴¹ isawl yasuɛ yini‑asn kullutn: «wa‑tasut‑ad ijlan, ur‑akkʷ‑trit a‑tamnt. mnšk a‑ra‑sul‑didun‑qamaġ? mnšk a‑rad‑didun‑ṣbrġ? awi‑d yuk s‑dari.»

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁴¹ ءيساول ياسوع ييني‑اسن كولّوتن: «وا‑تاسوت‑اد ءيجلان، ءور‑اكُّ‑تريت ا‑تامنت. منشك ا‑را‑سول‑ديدون‑قاماغ؟ منشك ا‑راد‑ديدون‑صبرغ؟ اوي‑د يوك س‑داري.»

luqa 9:41 Iomraidhean Croise

matta 11:28

aškad‑d sri, a‑kullu willi kkatnin tammara asin taẓayt išqan, ssunfuġ‑awn.

matta 12:39

imma ntta irur‑asn: «tasut yʷh̬šnn ifsadn ayad, tḍalb tamatart. ur‑rad‑as‑ttyawfka kra n‑tmatart abla tamatart n‑nnabi yuna.

matta 12:45

iddu ilmma yawi‑d dids ssa l‑ljnun yaḍni lli‑t‑yugʷrn ġ‑lh̬ʷšant, kšmn kullutn zdġn ġ‑urgaz‑an ard iwrri isiggʷra‑ns yʷh̬šn f‑isizwar‑ns. ġmkad a‑ra‑yili i‑tasut‑ad yʷh̬šnn.»

matta 16:4

tasut yʷh̬šnn ifsadn ayad, tḍalb tamatart. ur‑rad‑as‑ttyawfka kra n‑tmatart abla tamatart n‑nnabi yuna.» ifl‑tn ilmma iddu.

matta 17:17

isawl yasuɛ yini‑asn: «wa‑tasut‑ad ijlan, ur‑akkʷ‑trit a‑tamnt. mnšk a‑ra‑sul‑didun‑qamaġ? mnšk a‑rad‑didun‑ṣbrġ? awiyat‑t‑id s‑dari.»

matta 23:36

lḥqq ayd‑awn‑nniġ, tasut‑ad a‑f‑ra‑d‑kullu‑tettut lɛqubit‑an.

matta 3:7

aškin‑d dars mddn ggutnin l‑lmdhb n‑ifarisin d‑win iṣadduqin, irin ula ntni ad‑ddmn ġ‑waman f‑ufus‑ns. imma ntta lliġ‑tn‑iẓra, isawl srsn yini‑asn: «wa‑tarwa n‑ifaġrn, mad‑awn‑innan izd ġmkad a‑s‑ra‑tanfm i‑lɛqubit lli‑ra‑ittut f‑ddunit?

marqus 10:14

imma yasuɛ, lliġ iẓra mayan ṭiyyr‑as yini‑asn: «adjat tarwa mẓẓinin a‑d‑dari‑aškin. a‑tn‑ur‑tḥṣarm, ašku zund ġwid a‑mi‑tlla‑tgldit n‑rbbi.

marqus 10:49

ibidd yasuɛ yini i‑mddn‑an: «ġrat‑as‑d.» ġrn‑d i‑ubukaḍ inin‑as: «ġir thnna. tnkrt, hati iġra‑yak‑d s‑dars.»

marqus 9:19

isawl yasuɛ yini‑asn: «wa‑tasut‑ad, ur‑akkʷ‑trit a‑tamnt. mnšk a‑ra‑sul‑didun‑qamaġ? mnšk a‑rad‑didun‑ṣbrġ? awiyat‑t‑id s‑dari.»

luqa 8:25

yini ilmma i‑imḥḍarn‑ns: «is‑ur‑tuminm?» imma ntni ġuwḍn ar‑bahra‑tɛjjabn ar‑ttinin i‑ngratsn: «ma‑iga ġwad aylliġ a‑itamr aḍu d‑umda, ar‑skarn s‑wawal‑ns?»

luqa 9:40

ḍalbġ bahra zġ‑imḥḍarn‑nnk a‑t‑zgis‑ssufġn, walaynni ur‑ẓḍarn.»

luqa 9:42

iftu‑d‑ufruh̬ s‑dar yasuɛ s‑srs‑yut ljnn akal issmḥakka‑t. isawl‑daġ yasuɛ yamr ljnn a‑zgis‑iffuġ, ijjujji‑t irar‑t i‑babas.

yuḥanna 14:9

isawl yasuɛ yini‑as: «mnšk ayd didun kkiġ a‑filibbus, ur‑ta‑jju‑yyi‑tssint? wanna‑yyi‑iẓran, iẓra baba. ma‑f‑iyi‑tnnit ‹ml‑aġ rbbi babak›?

yuḥanna 20:27

yini ilmma i‑tuma: «ẓr ifassn‑inu, tggrt‑asn. mdi‑d afus‑nnk, tgt‑t‑in f‑tsga‑nu. ad‑ur‑ttškkat, ġir amn.»

irqqasn 13:18

ibidd didsn kkuẓ id‑mraw n‑usggʷas ġ‑lh̬la.

irqqasn 2:40

izayd bṭrus ifk tugga‑ns izzɛam‑tn s‑iwaliwn ggutnin yini‑asn: «skrat kullu f‑a‑tnjmm zġ‑lɛqubit lli‑ra‑d‑iḍr f‑tasut‑ad yʷh̬šnn.»

ruma 2:4

is‑a‑ttinit d‑ih̬f‑nnk «rbbi ur‑ra‑flla‑iḥkam ašku tggut dars lḥnant d‑umhal d‑ṣṣbr»? walaynni is‑ur‑tssint rbbi ar‑sul‑gik‑itḥnnu ašku ira gik a‑tflt kullu ma‑yʷh̬šnn twrrit s‑uġaras‑ns?

iɛbrin 3:19

ġayan ad‑aġ‑imlan izd f‑ssibt n‑mad‑agʷin ad‑amnn a‑f‑ur‑ẓḍarn ad‑d‑kšmn s‑usunfu n‑rbbi.

iɛbrin 4:11

imma ġilad illa fllannġ a‑bahra‑nttiri a‑nkšm s‑usunfu‑ad, a‑ur‑iḍr yan ginnġ ġmklli ḍrn ntni, ffuġn zġ‑wawal n‑rbbi.

iɛbrin 4:2

ašku lh̬bar n‑usunfu‑ad lli‑mi‑nsfld, sfldn‑as‑yad imzwura‑nnġ walaynni ur‑uminn awal lli‑mi‑sfldn. mayan a‑f‑ur‑zgis‑umẓn kra l‑lfaytt.

iɛbrin 7:25

mayad a‑f‑iẓḍar a‑ijjnjm kullu winna‑n‑issruḥ i‑rbbi ġilad ula kullu mayd‑d‑iftan, ašku iddr‑bdda a‑itḍalab rbbi fllasn.