luqa 8:47 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁴⁷ lliġ tssn‑tmġart‑lli is‑ur‑tẓḍar a‑tssntal mayd‑as‑ijran, tašk‑id tḍr ġ‑dar iḍarn n‑yasuɛ ar‑ttrgigiy s‑tawda. tini‑as ġ‑lgddam n‑mddn‑an kullutn ma‑f‑as‑tggr ula mamnk a‑s‑tjji ḥayna.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁴⁷ لّيغ تسّن‑تمغارت‑لّي ءيس‑ور‑تژضار ا‑تسّنتال مايد‑اس‑يجران، تاشك‑يد تضر غ‑دار ءيضارن ن‑ياسوع ار‑تّرگيگيي س‑تاودا. تيني‑اس غ‑لگدّام ن‑مدّن‑ان كولّوتن ما‑ف‑اس‑تگّر ءولا مامنك ا‑س‑تجّي حاينا.

luqa 8:47 Iomraidhean Croise

matta 28:8

ffuġnd‑d‑tmġarin ḥayna zġ‑dar‑umḍḍal, ggʷdnt s‑lfrḥ iggutn. ddunt ar‑tazzalnt ad‑awint lh̬bar i‑imḥḍarn‑ns.

marqus 5:33

tiksaḍ‑tmġart‑lli ar‑ttrgigiy s‑tawda, tssn mad‑as‑ijran. tašk‑id tḍr‑d ġ‑dar iḍarn‑ns tini‑as kullu mad‑as‑ijran.

luqa 8:46

imma yasuɛ inna: «iggr‑iyi‑d kra n‑yan, ašku ssḥssaġ is‑zgigi‑tffuġ kra l‑lbaraka.»

luqa 8:48

yini‑as yasuɛ: «way‑illi, tjjit ġilad ašku tumnt. zayd s‑sslamt.»

irqqasn 16:29

iġr‑ungabal i‑mad‑as‑d‑itawin tifawt, yazzl s‑darsn iḍr‑n f‑ifaddn‑ns ġ‑lgddam n‑bulus d‑sila, ar‑srs‑tkkat tawda.

1 kurintus 2:3

ġakud lliġ‑n‑darun‑uškiġ, ḍɛfġ ar‑trgigiyġ ṭiyyr‑iyi bahra.

2 kurintus 7:15

imma ntta iḥubba‑kʷn ġilad s‑uggʷar, ašku ar‑d‑iswingim mamnk a‑ti‑tqblm, tadrm i‑ih̬f‑nnun tsfldm srs kullukn, tuqqrm‑t bahra.

filibbi 2:12

f‑mayan a‑f‑ra‑kʷn‑uṣṣaġ ay‑aytma ɛzzanin, ašku ssnġ is‑tram a‑tskarm ma‑fllawn‑illan, ġilad ġ‑d‑fllawn‑aggugġ ġmklli‑ti‑tskarm ġakud lliġ‑n‑didun‑lliġ. f‑mayan a‑f‑rad‑awn‑iniġ: skarat kullu baš a‑tssafum ajnjm lli‑s‑tnjmm, ar‑bahra‑ttuqqarm rbbi ar‑bdda‑stti‑ttawim ġ‑ma‑ira ntta.

iɛbrin 12:28

imma ġilad ġ‑aġ‑ifka rbbi yat‑tgldit lli‑ur‑sar‑ra‑immass, illa fllannġ a‑t‑ntškar ar‑t‑ntɛbad ġmklli‑zginnġ‑ira, ar‑t‑ntuqqar ar‑tt‑ntawi bahra ġ‑ma‑s‑a‑t‑ntrḍu.