luqa 8:41 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁴¹ yašk‑id yan‑urgaz ism‑ns yayrus, iga yan zġ‑imġarn n‑tgmmi n‑tẓallit. iḍr‑d ġ‑dar iḍarn n‑yasuɛ iḍalb‑t bahra a‑dids‑imun s‑tgmmi‑ns

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁴¹ ياشك‑يد يان‑ورگاز ءيسم‑نس يايروس، ءيگا يان زغ‑يمغارن ن‑تگمّي ن‑تژالّيت. ءيضر‑د غ‑دار ءيضارن ن‑ياسوع ءيضالب‑ت باهرا ا‑ديدس‑يمون س‑تگمّي‑نس

luqa 8:41 Iomraidhean Croise

luqa 13:14

walaynni anmġur n‑tgmmi n‑tẓallit ṭiyyr‑as bahra f‑yasuɛ ašku ijjujji ġ‑wass n‑usunfu, inkr yini i‑mddn‑an: «sḍiṣ‑uwssan a‑illan a‑gisn‑tth̬damm. aškad‑d ġ‑uwssan‑an iġ‑tram a‑tjjim, walaynni urd ġ‑wass n‑usunfu.»

luqa 17:16

iḍr f‑uwdm‑ns ġ‑dar iḍarn n‑yasuɛ ar‑t‑itškar. iga ntta gu‑samira.

luqa 5:8

imma simɛan bṭrus, lliġ iẓra mayd ijran iḍr‑n f‑ifaddn n‑yasuɛ yini‑as: «wa‑sidi, ngara didi. argaz yʷh̬šnn ad‑giġ.»

luqa 8:42

ašku ar‑as‑ttmtat illis, ur‑dars abla nttat. tg illis n‑sin d‑mraw n‑usggʷas. iftu yasuɛ imun dids, walaynni ar‑t‑bahra‑ssnukmun mddn zġ‑kraygatt tasga.

luqa 8:49

sul a‑dids‑isawal yasuɛ s‑d‑yuška yan zġ‑tgmmi n‑umġar yayrus, yini‑as: «han illik tmmut. a‑ur‑sul‑tssiḥlt amslmd.»

yuḥanna 11:21

tini‑as‑d marta i‑yasuɛ: «wa‑sidi, mrad is‑tllit ġid, ikun ur‑akkʷ‑ra‑immt gʷma.

irqqasn 13:15

imġarn n‑tgmmi n‑tẓallit, tigira n‑mad‑ġran zġ‑ššrɛ n‑musa d‑warratn l‑lanbiya, ġrn‑asn: «way‑aytmatnnġ, nkrad‑d tsawlm iġ‑darun kra n‑iwaliwn ma‑s‑a‑tssdusm mddn‑nnġ.»

irqqasn 18:17

ffuġn kullu, ġwin sustanis amġar n‑tgmmi n‑tẓallit, ar‑t‑kkatn ġ‑tama l‑lmḥkama. imma lḥakm galyun ur‑tt‑akkʷ‑gisn‑yiwi.

irqqasn 18:8

imma krisbus amġar n‑tgmmi n‑tẓallit, ntta d‑ayt‑tgmmi‑ns kullutn, wrrin umnn s‑siditnnġ. ggutn wiyyaḍ ġ‑tmdint‑an n‑kurintus wrrin umnn lliġ sfldn i‑mad‑asn‑ittini bulus. ssddmn‑tn ilmma aytmatn ġ‑waman.

irqqasn 9:38

tamdint n‑yaffa ur‑bahra‑taggug f‑uduwwar n‑ludda. lliġ sfldn imḥḍarn is‑illa bṭrus ġ‑ludda, aznn sin irgazn s‑dars ḍalbn‑t: «ašk‑id ġil ġil.»

anurẓm 5:8

lliġ‑d‑yusi arra, ḍrnt‑n kkuẓṭ lmh̬luqat ula sin id‑mraw d‑kkuẓ (24) n‑umġar ġ‑lgddam n‑ulqqaġ. kraygatt yan yusi lutar, asin ula taṭṭasin n‑uwrġ ɛmmrnin s‑lbh̬ur lli‑igan tiẓulla n‑imẓlayn n‑rbbi.