luqa 8:3 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

³ tili yuwanna tamġart n‑h̬uzi lli‑igan amġar ġ‑tgmmi n‑ugllid hirudus. tili susanna d‑tiyyaḍ ggutnin, ar‑tɛawannt yasuɛ d‑imḥḍarn‑ns zġ‑ma‑igan winsnt.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

³ تيلي يووانّا تامغارت ن‑خوزي لّي‑يگان امغار غ‑تگمّي ن‑وگلّيد هيرودوس. تيلي سوسانّا د‑تييّاض گّوتنين، ار‑تعاوانّت ياسوع د‑يمحضارن‑نس زغ‑ما‑يگان وينسنت.

luqa 8:3 Iomraidhean Croise

matta 14:1

ġ‑uwssan‑an isfld‑ugllid hirudus f‑kullu ma‑iskar yasuɛ.

matta 14:3

ašku hirudus a‑yuznn ad‑amẓn yuḥanna krsn‑t luḥn‑t‑in ġ‑lḥbs f‑ssibt n‑hirudiyya tamġart n‑gʷmas filibbus.

matta 14:6

walaynni lliġ‑d‑iruḥ‑wass lli‑ġ‑ilul hirudus, tkšm‑n illis n‑hirudiyya ar‑ttḥuš ġ‑lgddam n‑hirudus d‑willi dids gawrnin, tssfraḥ‑t.

matta 2:11

kšmn ntni s‑tgmmi, s‑ẓran aḥšmi d‑innas maryam. ḍrn f‑ifaddn‑nsn, knun s‑wakal ġ‑lgddam‑ns. rẓmn itlsan‑nsn, fkn‑as tiwafkiw n‑uwrġ d‑lbh̬ur d‑tujjut l‑lmurr.

matta 20:8

lliġ‑n‑tḍr tafukt isawl bab n‑igr s‑ungabal‑ns yini‑as: ‹ġr‑d i‑ih̬ddamn tfkt‑asn tiġrad‑nsn, tbdut zġ‑willi ggʷranin ġ‑twuri ard tlkmt ġwilli zwarnin.›

matta 25:40

rad‑asn‑rarġ, nkki lli‑igan agllid, ‹lḥqq a‑rad‑awn‑iniġ, ġakud nna‑ti‑tskrm ġ‑yan zġ‑aytma‑yad mẓẓinin, hati tskrm‑t gigi nkki.›

matta 26:11

imẓlaḍ rad‑bdda‑didun‑ilin, imma nkki ur‑rad‑bdda‑didun‑iliġ.

matta 27:55

ilint‑ġin‑tmġarin ggutnin, biddnt ġ‑tuggugt ar‑tmnadnt kullu ma‑ijran. munnd‑d ntnti d‑yasuɛ zġ‑tmazirt n‑jalil ar‑ti‑tɛawannt.

luqa 24:10

tlla maryam ullt‑magdala d‑yuwanna d‑maryam innas n‑yaɛqub, ntnti d‑tmġarin yaḍni, inint i‑irqqasn f‑mayd ijran.

yuḥanna 12:6

urd lhmm n‑imẓlaḍ a‑t‑in‑igan aylliġ inna ġmkad. inna‑t ašku amh̬h̬ar a‑iga. nttan a‑dar‑illa ṣṣnduq‑nsn, kra‑n‑gis‑gan ar‑zgis‑itakʷr.

irqqasn 13:1

llan kra n‑mddn ġ‑umnaggar n‑aytmatn ġ‑anṭakiyya, ar‑ttinin iwaliwn nna‑yasn‑imala rbbi ar‑sslmadn. illa barnaba d‑simɛan lli‑mi‑ttinin ‹asggan›, yili lukyus gu‑kurini d‑manayn lli‑imqqurn d‑ugllid hirudus ġ‑yat‑tgmmi, yili šawl.

2 kurintus 8:9

tssnm lḥnant n‑siditnnġ yasuɛ lmasiḥ. wah̬h̬a iṭṭaf ma‑iggutn, iwrri bla yat f‑ssibt‑nnun. ifl kullu ma‑dars‑illan, baš a‑twrrim teṭṭafm ma‑iggutn.

filibbi 4:22

ar‑n‑kullu‑fllawn‑tsllamn imẓlayn n‑ġid, bahra ġwid ganin zġ‑tgmmi n‑qayṣr.

1 timutaws 5:10

ar‑tti‑talġn mddn f‑lh̬ir lli‑tskar, trbbu tarwa‑ns f‑ma‑ifulkin, ar‑tssmrḥba s‑willi tmuddunin ar‑ttqasa imẓlayn n‑rbbi, ar‑ttɛawan winna llanin ġ‑tnukmut, ar‑n‑bdda‑ttgga tiqqi‑ns a‑tskar afulki d‑kullu mddn.