luqa 8:21 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

²¹ imma ntta inna‑yasn: «inna d‑aytma gan‑tn ġwid sflidnin i‑wawal n‑rbbi ar‑srs‑skarn.»

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

²¹ ءيمّا نتّا ءينّا‑ياسن: «ءينّا د‑ايتما گان‑تن غويد سفليدنين ءي‑واوال ن‑ربّي ار‑سرس‑سكارن.»

luqa 8:21 Iomraidhean Croise

matta 17:5

sul a‑isawal s‑d‑fllasn‑tgguz yat‑tmdlut issmrġan tdl‑tn. isawl‑d yan‑wawal zġ‑tmdlut yini: «ġwad iga iwi iɛzzan. nttan a‑s‑bahra‑frḥġ. sflidat srs.»

matta 25:40

rad‑asn‑rarġ, nkki lli‑igan agllid, ‹lḥqq a‑rad‑awn‑iniġ, ġakud nna‑ti‑tskrm ġ‑yan zġ‑aytma‑yad mẓẓinin, hati tskrm‑t gigi nkki.›

matta 25:45

rad‑asn‑rarġ ‹lḥqq a‑rad‑awn‑iniġ, lliġ ur‑ti‑tskirm ġ‑yan ġ‑imẓẓiyn‑ad, ur‑t‑gigi‑tskirm nkki.›

matta 28:10

yini‑asnt yasuɛ: «ad‑ur‑tiksaḍmt. zaydamt tinimt i‑aytma ad‑ddun s‑jalil. ġin a‑ġ‑ra‑yyi‑ẓrn.»

luqa 8:15

walaynni ġwalli iḍrn ġ‑wakal ifulkin iga zund mddn lli‑sfldnin i‑wawal n‑rbbi amẓn‑t s‑nniyt n‑uwl‑nsn iġusn, ar‑srs‑skarn bla‑da‑trmayn, fkn ṣṣabt‑nsn.

luqa 8:20

yini‑as‑d yan: «ha‑innak d‑aytmak biddn‑in ġ‑brra. ran a‑k‑ẓrn.»

yuḥanna 13:17

imma ġilad iġ‑tssnm tiġawsiwin‑ad, imbarkin a‑ra‑tgm iġ‑a‑srsnti‑tskarm.

yuḥanna 20:17

yini‑as‑d yasuɛ: «ad‑ur‑gigi‑tamẓt, ašku ur‑ta‑tyalalġ s‑baba. walaynni ddu s‑dar aytma tinit‑asn ra‑tyalalġ s‑walli igan baba ig babatun, iga rbbi‑nu ig rbbi‑nnun.»

2 kurintus 5:16

ur‑sul‑a‑ntmnad ġ‑yan ġmklli gis tmnadn mddn n‑ddunit‑ad. nkka‑ttin ar‑ntmnad ġ‑lmasiḥ ġmklli gis tmnadn ntni, walaynni ur‑sul‑a‑gis‑ntmnad ġmkan.

2 kurintus 6:18

rad‑gġ babatun, tgm tarwa‑nu d‑isti. mayad inna‑t sidi rbbi lli‑iḥkamn kullu ma‑illan.»

yaɛqub 1:22

illa fllawn a‑tgm wid skarnin s‑wawal n‑rbbi, urd wid sflidnin ukan. a‑ur‑tjllum ih̬f‑nnun,

1 yuḥanna 2:29

tssnm is‑iskr lmasiḥ kullu ma‑irḍan rbbi, tissanm is‑iwrri ilul kraygatt yan iskarn ma‑t‑irḍan s‑tlalit l‑ljdid zġ‑dar rbbi.

3 yuḥanna 1:11

wa‑gʷma iɛzzan, a‑ur‑tskart zund mddn ʷh̬šnnin walaynni zund ġwilli šwanin. wanna iskarn afulki, win rbbi a‑iga. imma wanna iskarn ma‑yʷh̬šnn, ur‑issin rbbi.