luqa 8:14 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹⁴ imma ġwalli iḍrn ġ‑uzggʷar iga zund mddn lli‑sfldnin i‑wawal, ddun ilmma asin tiġufiwin n‑ddunit‑ad lhun s‑wayda ršqn s‑tġawsiwin yaḍni. ġayan a‑iššqajjin awal aylliġ ur‑d‑yiwi ṣṣabt.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹⁴ ءيمّا غوالّي ءيضرن غ‑وزگُّار ءيگا زوند مدّن لّي‑سفلدنين ءي‑واوال، دّون ءيلمّا اسين تيغوفيوين ن‑دّونيت‑اد لهون س‑وايدا رشقن س‑تغاوسيوين ياضني. غايان ا‑يشّقاجّين اوال ايلّيغ ءور‑د‑ييوي صّابت.

luqa 8:14 Iomraidhean Croise

matta 13:22

imma amud lli‑iḍrn ġ‑uzggʷar, iga ntta zund yan isfldn i‑wawal, walaynni idda yasi tiġufiwin n‑ddunit ilhu s‑wayda. ġayan a‑iššqajjin awal aylliġ ur‑d‑yiwi ṣṣabt.

marqus 4:19

walaynni ddan asin tiġufiwin n‑ddunit lhun s‑wayda irin tiġawsiwin yaḍni. ġayan a‑iššqajjin awal‑an aylliġ ur‑d‑yiwi ṣṣabt.

luqa 16:13

«ur‑ra‑yiẓḍar yan a‑iqasa sin id‑sidis. imma ra‑ikrhu yan yiri wayyaḍ, nġd ra‑ituqqar yan iḥgr wayyaḍ. ur‑ra‑tiẓḍarm a‑tgm ismgan n‑rbbi d‑win‑wayda.»

luqa 21:34

«awiyat‑stt ġ‑ih̬f‑nnun a‑ur‑tlhum s‑umššu ula tissi ula tiġufiwin n‑tudrt‑ad, a‑ur‑imil iruḥ‑kʷn‑d‑wass‑an iġwi‑kʷn zund agḍiḍ lli‑tġwi‑tẓqqurt.

luqa 8:13

imma ġwalli iḍrn ġ‑isli iga zund mddn lli‑sfldnin i‑wawal frḥn srs walaynni ur‑ikšim‑wawal‑an s‑uwl‑nsn. amnn ġir kra n‑uwssan ard tili tassast s‑knukin.

luqa 8:15

walaynni ġwalli iḍrn ġ‑wakal ifulkin iga zund mddn lli‑sfldnin i‑wawal n‑rbbi amẓn‑t s‑nniyt n‑uwl‑nsn iġusn, ar‑srs‑skarn bla‑da‑trmayn, fkn ṣṣabt‑nsn.

luqa 8:7

iḍr‑n kra ġ‑uzggʷar, iġli d‑uzggʷar iššqajji‑t.

yuḥanna 15:6

wanna ur‑gigi‑izgan, ra‑n‑ityawgar s‑brra zund taṣṭṭa, iqar. wan tiṣṭṭwin‑an, ar‑tnt‑ssmunun luḥn‑tnt‑in ġ‑lɛafit ad‑jdrnt.

1 timutaws 6:17

ini i‑willi dar iggut‑wayda n‑ddunit‑ad, a‑ur‑ssimġurn ih̬f‑nsn ula‑da‑tawin rrja s‑maylli ur‑ssinn is‑rad‑darsn‑iqama. tinit‑asn ad‑gn rrja ġ‑rbbi lli‑irḍan ad‑aġ‑yakka kullu ma‑igan lh̬ir a‑srs‑ntfraḥ.

2 timutaws 4:10

ašku ifl‑iyi ḍimaṣ iddu s‑tmdint n‑tasaluniki, iwrri ar‑ittiri tiġawsiwin n‑ddunit‑ad. iddu ula kriskins s‑tmazirt n‑galaṭiyya, iddu tiṭus s‑tmazirt n‑dalmaṭiyya.

iɛbrin 6:1

imma ġilad, a‑nzri zġ‑tġawsiwin‑an timzwura n‑ulmmud f‑lmasiḥ, nzayd s‑ma‑igan win imqqurn. a‑ur‑daġ‑nttiri a‑nzzugz llsas lli‑yad‑nzzugz ġayd izrin f‑mamnk a‑s‑ra‑d‑nwrri zġ‑iskkirn h̬wanin n‑bnadm namn s‑ma‑iskr rbbi.