luqa 8:13 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹³ imma ġwalli iḍrn ġ‑isli iga zund mddn lli‑sfldnin i‑wawal frḥn srs walaynni ur‑ikšim‑wawal‑an s‑uwl‑nsn. amnn ġir kra n‑uwssan ard tili tassast s‑knukin.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹³ ءيمّا غوالّي ءيضرن غ‑يسلي ءيگا زوند مدّن لّي‑سفلدنين ءي‑واوال فرحن سرس والاينّي ءور‑يكشيم‑واوال‑ان س‑وول‑نسن. امنّ غير كرا ن‑ووسّان ارد تيلي تاسّاست س‑كنوكين.

luqa 8:13 Iomraidhean Croise

marqus 6:20

imma hirudus ar‑ituqqar yuḥanna, yissan is‑iga argaz ifulkin ig win rbbi. ar‑fllas‑itḥṣar ġ‑laman. ar‑ittiri ad‑as‑isflid walaynni ġakud nna‑yas‑isfld ar‑bahra‑itġuwḍ.

luqa 8:12

ġwalli iḍrn ġ‑uġaras iga zund mddn lli‑sfldnin i‑wawal yašk‑id iblis ikkis awal zġ‑ih̬f‑nsn baš a‑ur‑amnn njmn.

luqa 8:14

imma ġwalli iḍrn ġ‑uzggʷar iga zund mddn lli‑sfldnin i‑wawal, ddun ilmma asin tiġufiwin n‑ddunit‑ad lhun s‑wayda ršqn s‑tġawsiwin yaḍni. ġayan a‑iššqajjin awal aylliġ ur‑d‑yiwi ṣṣabt.

yuḥanna 15:2

ar‑zgigi‑itkkis tiṣṭṭwin nna‑ur‑iskarn lġllt. ar‑ifrrn kraygatt taṣṭṭa nna‑yakkan lġllt baš a‑tigat lġllt‑ns s‑uggʷar.

yuḥanna 15:6

wanna ur‑gigi‑izgan, ra‑n‑ityawgar s‑brra zund taṣṭṭa, iqar. wan tiṣṭṭwin‑an, ar‑tnt‑ssmunun luḥn‑tnt‑in ġ‑lɛafit ad‑jdrnt.

yuḥanna 5:35

yuḥanna ikka‑ttin iga zund yal‑lqndil irġan ifaw, trḍum a‑srs‑tisfiwm yat tasaɛt.

1 kurintus 13:2

iġ‑ẓḍarġ a‑ttiniġ s‑mad‑iyi‑imala rbbi, iġ‑ssnġ lmɛna n‑kullu ma‑intln ula kullu ma‑illan, iġ‑umnġ aylliġ ssittiġ iwrar bla‑da‑tḥnnuġ, ur‑giġ yat.

1 kurintus 15:2

tnjmm f‑ssibt‑ns iġ‑sul‑tġwim ġ‑wawal n‑tbrraḥt‑inu. han iġ‑ur‑igi ġmkan, han liman‑nnun bla lfaytt.

گالاطيّا 3:1

wa‑kunni n‑ayt‑galaṭiyya, izd tffuġm ih̬f‑nnun? is‑kʷn‑issnufl kra n‑yan? nmla‑yawn yadlli mamnk a‑immut yasuɛ lmasiḥ f‑uggjdi, tissanm‑t bahra.

گالاطيّا 3:4

is‑ur‑igi yat, kullu maylli darun ijran ġayd zrinin?

afsus 3:17

baš a‑izdġ lmasiḥ ġ‑uwl‑nnun ġmklli srs tumnm. ḍalbġ‑t a‑kʷn‑iẓẓu ġ‑lḥnant izzga‑kʷn gis,

kulussi 1:23

ġmkad a‑ra‑iskr iġ‑tzuydm tzgam ġ‑lmasiḥ tamẓm‑bdda gis bla tflm rrja iṣḥan lli‑f‑tsfldm ġ‑wawal l‑lh̬bar ifulkin. lh̬bar‑ad a‑mi‑ttkka‑tbrraḥt‑ns kullu ddunit, wrriġ gġ ah̬ddam‑ns ula nkki bulus.

kulussi 2:7

zzugzat tadrut n‑llsas‑nnun ġ‑lmasiḥ ar‑fllas‑tbnnum, tamẓm gis ar‑ttdusm ġmklli tlmdm, ar‑bdda‑ttškarm rbbi.

1 tasaluniki 3:5

mayad a‑f‑t‑in‑uznġ s‑darun, ašku ur‑ẓḍarġ ad‑sul‑ṣbrġ. ih̬ṣṣa‑yyi ad‑issanġ is‑sul‑tzgam ġ‑uġaras n‑rbbi nġd uhu, ašku ksuḍġ a‑kʷn‑ur‑issḍr iblis, tḍr ula tawuri‑nnġ ġ‑gratun bla lfaytt.

1 timutaws 1:19

zzga ih̬f‑nnk ġ‑uġaras l‑lmasiḥ, d‑a‑ur‑tadjt kra yʷh̬šnn a‑ikšm s‑uwl‑nnk. han kra n‑mddn ur‑a‑stti‑tawin ġ‑mad‑asn‑imala‑uwl‑nsn. d‑ġayan a‑f‑a‑trẓẓa tanawt l‑liman‑nsn,

iɛbrin 10:39

imma nkkʷni ur‑ngi zġ‑willi wrrinin tiġurdin tyawhlakn, hati nga zġ‑willi umnnin njmn.

yaɛqub 2:26

han immut liman ġ‑ur‑llin ifulkitn, ġmklli ttmtat ddat nna‑ġ‑ur‑tlli rruḥ n‑tudrt.

2 bṭrus 2:20

iġ‑d‑njmn mddn zġ‑irkan n‑ddunit s‑twassna n‑unjjam siditnnġ yasuɛ lmasiḥ walaynni wrrin tigira tyassasn‑daġ s‑irkan‑an aylliġ‑tn‑nran, hati iwrri isiggʷra n‑mddn‑an yʷh̬šn uggʷar n‑isizwar‑nsn.

2 bṭrus 2:22

skrn ntni zund lmɛna‑yad illan: yuḍa‑widi s‑iraran‑ns, twrri tilft lli‑yarudn a‑trurḍ ġ‑tallaġt.

1 yuḥanna 2:19

ffuġn ntni zġ‑darnnġ walaynni urd zġ‑ginnġ a‑zġ‑gan. mrad is‑zginnġ‑gan ikun didnnġ qaman, walaynni nssn kullutn ur‑gin zġ‑ginnġ, ašku ffuġn zġ‑darnnġ.

yahuda 1:12

irkan ad‑gan ġ‑darun lliġ a‑didun‑tmunun f‑imnsiwn‑nnun, ar‑šttan ar‑ḍṣṣan i‑ngratsn bla‑da‑tḥšamn, ar‑tsalan ġir ih̬fawn‑nsn. gan zund timdla lli‑ġ‑ur‑llin‑waman, ar‑tnt‑idḥay‑waḍu. gn zund isġarn bla lġllt ġ‑uzmz‑ns, mmutn f‑snat‑twal, akufn zġ‑iẓuran.